FILIPĪ 3:21 - TÖHET LĪPÖRE (Re-edited) Bible (BSI)

²¹ Ngam mahaṙīngö në yāich alaha hī, nö im tökôlò alaha Ò: lökten im minhôiṅyö Ò, nö kēhöt taṙòkhöre chehen nö elkatòhre.

FILIPĪ 3:21 Referans Kwoze

KÒLÒSĪ 3:4

Hē Kristū min nö hameuktu, ngam nômö hī; hameuktu yī-ö min inrē hol Ò, im kanôlò.

1 YÔHAN 3:2

Kahōlö; ngaich in töngamuh kūön ngam Tēv; öl an nö hameuktu, ngam insā hī min. Akahalōn pöri ayī-ö yē Ò min nö hameuktu, ngaich sā Ò ayī-ö; pô hī min meūkan, nö sāre.

RŌMA 8:29

Kūö cha Anga-aṅ nö urĕhten mikahlōn, ngaich urēhĕng tī nö halēnngen, nö hateungtu i insā-a ngam Kūön Ò, pòn hōtu Anga-aṅ nö lanòh yip tö maṙôngö holre:

Isayā 26:19

Aṅ yip min tökapah nö in meh; chōholre ön min ngih tökapah alaha chu. Chōholre tikökṙôre yī-ö mi-iyöng el tumlat: pò öp tacham meh nö sā tacham nup kun chōn, ngaich ngam tumlat min nö kavallö yip tökapah.

T. MËTIV 28:18

Yihtöre ngaich Yēsū nö in cha; ngaich ve-ekūö cha, nö ngö ṙô, Ṙòkhöre nun në chöngö nö kētu nö in Chu, el halīöngö, ing panam inrē.

T. MËTIV 17:2

Ngaich haṙī-ingre mineūkö Anga-aṅ nö i kūö cha; sā yanāngö mat tavūöi, ök kūö Ò; sā in soho hanāṅtö nuk hilā Ò.

INMEUKHÖMAT 1:8

Chu-ö Chin Alfa, Omeka inrē, ngö ṙô ngam Mā Tēv, Öich töha-ehelen misī, Öich yamih, Tökeuheūttöre Chöngö.

T. MËTIV 22:29

Ngaich ngö ṙô Yēsū, nö sapṙô cha, Vaich yin, pò yīö öt akahalōn tö ṙô nup töhet līpöre öt rēhĕn tö minhôiṅyö ngam Tēv.

HŌSĪ 13:14

Hö-ö chin min hòṅ hayööken vē tarik nö ṙā-ang im kinpaha el anū; ö hēk öt ṙānyen cha nö ṙā-ang im kumlēḵ ngam kinpaha. Kumtö nup tö kapahukūö man invah me-eṅ, kinpaha! kumtö nup öt inkôlò re man me-eṅ chūök kupah! Hö-ö chin hòṅ rahëichtit miṙēlōn tö vē tarik.

Isayā 25:8

Ngaich an nö keuheūt nö ngeūṅktö ngam kinpaha nö urāngen; ngam Mā Tēv inrē min nö chūtngö mak mat nö ṙā-ang i kūö taṙòkhöre ngam minṙēngö yip tarik ò min inrē nö kē-ĕyö tö ò ṙā-ang i kūö në tumlat; pò e nö ṙô ngam Mā Tēv.

Sòlòmön 1:11

Vī yanöṅtö meh in min tö humlum, holtö rupīö nö haṙākö.