FILIPĪ 3:19 - TÖHET LĪPÖRE (Re-edited) Bible (BSI)

¹⁹ Yip töng manāngen tö ötkanôlò; töng tēv tö aichre; töng kanôlò tö sumrōngkūöre; töng lōntö nup chehen aṅ ngih panam.

FILIPĪ 3:19 Referans Kwoze

RŌMA 16:18

Pò cha, cha-a töngatī, nö öt lök la-en ngam Mā hī Kristū, tön höng nup aich cha; ngaich lökten i nup töfaṙëcha, tövai inrē ṙô cha, nö hachīl ellōn töt akaha.

2 PĪTÖR 2:3

Im yinikhanga min cha-a nö holtö inchīl ṙô ngaich vīten yīö tö-inyihka: yip tö inchöku ha-eheten misī nö öt sökngöre, öt haṙòhlö öp pinyāingö cha.

KÒLÒSĪ 3:2

I nup lamātulöng ellōn yin; un i nup më-el tumlat.

2 PĪTÖR 2:1

Chahōklöng pöri yik töminyôinyaṅ, pròfĕt inrē nö i yik tarik, sā yip in yīö min inrē töminyôinyaṅ mahaköphöti, yip mu-ulāitötīre min nö kēhöt inrēvngö nö pumyāihanga, mahngö mahaköphöti ngam mahavaha cha, kētö kuire cha-a tö ngam töveut pinyāingö.

2 KÒRIN 11:15

Lökten an nö öt tö pōyö, yē yip mameukṙen ò nö vītöre nö mameukṙen ngam lanöökö; yip tö asātu manāngen min nö i nup la-enre.

2 KÒRIN 11:12

Ngam tī chu ngaich, angū-ö min tī chu, hòṅ chu rökngö nup chööḵnyi in cha yip tö hòṅ chööḵnyu: hòṅ cha yĕn eū-eure, ngaich cha-a nö kôti nöng sā ih.

HŌSĪ 4:7

Sā ṙanūölö ṙôken cha, ngatī cha-a nö köölö fālen nö in chu: haṙīngö ngam vanāyö cha chin min nö sinrōgkūö.

2 PĪTÖR 2:13

Vāichö kanihngen pòn kūönkūö tövaich la-en; vē tarik kamheuṅktö e nö kumchikṙen nö hapōhore tö sakāmö, pitōt, tö paṙòk inrē, hapōhore i nup nyinā-aṅ i hanāngenlōn, isaha cha nö holkūö yīö nö im nyina-aṅ;

KALATĪ 6:13

Pò cha cha-a, yip tö tunyīnyiyö nö ötrēhĕn nö haköp ngam chöngö; hōten yīö pöri cha-a öi tunyīnyi, pòn hòṅ ineū-euṅv cha-a nö i alaha yīö.

INMEUKHÖMAT 21:8

Ngòh tö pinheṅ-eṅvkūö pöri, töt ṙamātö-ellōnre, SIN-ÒKKŪÖ, famël tarik, ma-asĕhha, tömilūönö, vame-eṅkūö insātēv ṙòkhöre töminyôinyaṅ, i ël öp tötöh töhūkūö tameūyö, töhū ihong inrē minchööḵö cha; nö ngam innëtö kinpaha.

1 KÒRIN 3:3

Pò yīö ṙòngmöng tarik, pò yīö īnu tö kumnyahṙen, linā-al kūö inrē; röh öyih tarik; ngaich lök i inlahen tarik?

Salmai 17:14

Ō Mā Tēv, löktö eltī meh, ṙā-ang in yip tarik, ṙā-ang in yip tarik aṅ ngih panam, yip tö minchööḵövö tö aṅ ngih nômö, yip töhatööḵöi- ṙen aich tö meh tö nup kanôlò meh: Kô-ònglōn yip tö kūönre, ngaich ṙātö nup chööḵ nö in yip tënö kūön cha.

INMEUKHÖMAT 22:15

Lā-uk nup am, yip tömilūönö inrē, tö yip chamô-òṅkānö, tö yip famël tarik, tö yip vame-eṅkūö insātēv, ṙòkhöre inrē yip töhāngen nö vī minyôinyaṅ.

NGAM LĪPÖRE KAHŪICH YŪT 1:16

Cha-a yin famël tarik, vame-eny miṙivre, tömrit kuilōnre (minë elvāng cha inrē nö ṙôtö yöng ṙô tö föh), hameuktö miṙēre tö tarik, nö chööḵnyö tö taneūngenre.

2 TIMÒTĪ 3:4

Mahachīl, kamahanglōnre, tölafööṙa, töhāngenlōn tö minyam, mötlö tö töhāngenlōn tö ngam Tēv;

1 TIMÒTĪ 6:5

Tumṙōllen nö tarik, töchōichö ellōn, öt īnu inrē tö kanô-en, löktö taneūngen ngam lanöökö tölōn.

2 TÖSALÒNIKĒ 2:12

Pòn hōtu nö ṙòkhöre cha-a nö kahòkkaṙen yip töt ṙamātö ellōnre nö im kanô-en: tökuchīken pöri nö im michūṙen.

FILIPĪ 2:21

Pò cha nö ṙòkhöre nö lukkenre, tö nup töt aṅ in Kristū.

1 KÒRIN 5:6

Tö chōich an ngam ineū-euṅ nö in yīö. Öt akahalōn öi tö ngam tö rahëichyen inföhlö, nö keuheūtlörekūö töm tö hĕng mumūlö nö föhlö?

1 KÒRIN 5:2

Ngaich yī-ö hakeūṙöre, öi öt sòk öre haṙivlōn, hòṅ ap tö ngatī la-en nö kē-ĕyö nö ṙā-ang in yīö.

MALAKI 1:12

Hachōichngen e pöri yī-ö, pò yīö ngö ṙô, Hamūmiyö an ngam tahāklö ngam Mā Tēv, nup ṙòng chōn inrē, ël e, nup alaha kāḵ ò inrē, nö töng yô-òv.

INMEUKHÖMAT 19:20

Kē-ĕ ngaich ök töṙeūla, hol ò inrē ök töminyôiny pròfĕt, ök tö tītö nuk pinngangkūö nö i kūö ò, nuk aṅtī ò nö hachīlö cha, yip töteūngen tö minkahngö ngam töṙeūla, acha-a inrē yip samlām ngam insā ò: nëtre taka cha-a ngaich nö suktu nöng aṅ nö el kūö öp tötöh tameūyö tö kūö tö töhū ihong:

YĀKÖP 4:16

Ngaich pöri yī-ö eū-eure i nyanatlöre: ṙòkhöre nup töngatī ineū-euṅ nö tötlöök.

2 TÖSALÒNIKĒ 2:8

Ngaich möl nö hameuktu min ngam töt īnu tö chöngö, ngam tö fëli min tö ngam Mā Yēsū, nö aṅtī tö ngam unhômö elvāngre, ngaich lökten i inmeuktö ngam yanīhih Ò, nö harööḵngen ò min;

T. LŪKÖS 18:4

Ngaich sōḵ sin anga-aṅ; unôichngöre pöri anga-aṅ, nö ngö ṙô töre, Pòrô chin tötpa-ekūö tö ngam Tēv, öt töchumkūöṙen tö tarik;

T. LŪKÖS 16:19

Hĕng taka ök tökôlò tarik tö hilāṙuvö tö tölngö tö tanyīka ane inrē tölöökö mirunmat; ngaich örhĕnghang sumkam kanôlòkūö nö nyā.

T. LŪKÖS 12:19

Ngaich ngö ṙô chu-ö min tö ngih nômöre, pōyen chehen man, tö töṙōl samyeūheu nyā-aṅkūö, òk, haṙamlōnre.

T. MËTIV 25:41

Ngaich ngö ṙô min Anga-aṅ tö cha, yip latavē Ò, kē-ĕngre yin, ṙā-ang in Chu, yī-ö tötkôlò, el ngam tötnyangngö tameūyö, tö halēnkaṙen tö pòkūö ngam sī-ö, yip ma-ahānga ò inrē.

T. MËTIV 16:23

Havöölökūöre pöri Anga-aṅ, ngaich ngö ṙô tö Pītör, Heūlngöre man, Sātan, insānngö Chu man; pò meh öt lōntö nup aṅ im Tēv, lōntö nup aṅ i tarik pöri.

MAIKA 3:11

Yip yöngṙen umuh reushu nö akaha fālen, yip kūönṙô inrē umuh haṙāi inköphöti, yip pròfĕt inrē umuh akah ngam Tēv nö ṙāitö rupīö; sönen cha-a nö hòṅ harônlöre nö im Mā Tēv, nö ngö ṙô, Röh ang ngam Mā Tēv nö el ṙôngö hī? Öt tötlööku min yamih nö in hī.

MAIKA 3:5

Ngö ṙô an ngam Mā Tēv tö inlahen yip pròfĕt yip mahalōtökūö yip tarik cha; yip tö holkūötö kanap re nö kap ngaich hū-a inrē nö ngö ṙô, Lanāmö; ane inrē öp töt nyamöphöt elvāngre, ngaich halēnöre cha-a nö kiyung nö lā-al ò:

ISIKĪ-ĔL 34:3

Kāḵ nup tösangöö yin yī-ö hayūtöre yin tö sanôi sīṅp, ṙatnyö likeun tö alahav yin; hö-ö pöri yī-ö ha-aṅhal në pököre.

Salmai 52:1

Ō Më-eṅ tökalēḵ tarik, kūöyòh öm eū-eure i nup cha-nökhuṙenre: iṙūhen an ngam miṙēlōn ngam Tēv.

INMEUKHÖMAT 18:7

Ip töng ṙôkhölṙen ò nö hakeūṙöre, ngaich nö ṙūölö sinṙakngenre, ngatī ṙôkentī kē-ĕkūö ò tö kanihngen töchökhu, miṙivlōn inrē: pòn ngö ṙô anga-aṅ nö ellōnre, Ūichhak chin sā rāni, rö-ö chin inrē tafīösi; ane inrē öt löktu öich meuk miṙivlōn.

NGAM LĪPÖRE KAHŪICH YŪT 1:4

Pòn rēvre yip tarik mu-ulāihötre, yip tökūichiyö ötinkôlò nö ngaich, tötmilēḵṙen tarik, harīkngö ngam inkôlò aṅ im Tēv nö i töchōich; ngaich mahngö ngam töng hĕng tak mahayöng, ngam Mā ih, Yēsū Kristū.

RŌMA 6:21

Suh nup pökeh ṙòng in yīö hē e, i nup sumrōngkūö töngamuh? Tön ngam kinpaha manāngen u anū-ö.

ISIKĪ-ĔL 13:19

Ngaich man hachōichgen chu in yip tarik chu nö ṙënngen töhĕng me-eltī-i pārli ṙënngen linreūkö rôti inrē, kumpahngö vah tarik yip tösōḵ nö kapah, ṙātö tarik inrē nö aṅ yip tösōḵ nö aṅ, lökten i minyôiny-aṅ yīö in yip tarik chu, yip hamang minyôiny-aṅ.

1 SAMUĔL 2:29

Kūöyòh öi röönngöngam tökētu nö in chu, ngam töhōtu tö chu nö el ngam chūök chu; ngaich me-eṅ milēḵ-ṙen tö nap kūönre nö mötlö tö chu, pò yīö hòṅ vīnyö ṙôkö alahare tö nup yöngkūö nup tökētuvö tö yip tarik Israĕl?

YERIMIĀ 44:17

La-evṙen pöri min tö nup chūökṙô ih kilēḵngôre, föng tötahūsa i kūö ngam ranī ngam halīöngö ṙösnyö fanòh alaha ò inrē, sā ih ngaich īhö ṙung tö yik yöng ih, rācha ih, kūön rācha ih inrē, i nup elpanam Yūtā el kanröönö Yērusalem inrē; pò ih hē e pōyen nyā-aṅkūö, kôlò inrē, öt meuk tötlöök inrē.

2 TÖSALÒNIKĒ 1:9

Yip töt hakôlöngṙô, im tö-örheūheu kinpaha, ṙā-ang i kūö ngam Mā, ṙā-ang im kanôlò ngam minhôiṅyö Ò.

NGAM LĪPÖRE KAHŪICH YŪT 1:10

Ngaich pöri vē nö chökhuṙô, nö i nup nehngenre nö mikahkūö cha, in u cha-a ngaich nö ötkôlò, sā në töṙeūla töt chanöhöv ellōn.