FILIPĪ 3:18 - TÖHET LĪPÖRE (Re-edited) Bible (BSI)

¹⁸ Tön maṙôngö yip lamök, yip ṙô chu ṙung ṙōlheuh ṙô tö yīö; öich paneunyngöre vë-enynang yīö töngamuh, tö cha nö tökunyahaṅ elmat tö ngam töhakālö Kristū.

FILIPĪ 3:18 Referans Kwoze

EFISÖS 4:17

Lökten chin ngö ṙô tö ngih, ane inrē ve-ekūö yīö, i minë-eny ngam Mā, hòṅ yīö öt ngöhören, sā lahök yip Tahëng Minhëṅṙö, im lōn cha chanök alaha;

Isayā 8:11

Pòn ngö ṙô ngam Mā Tēv tö chu nö holtö kumlēḵ këlre, ngaich haköpten chu inrē öich sōḵtu lök talöökö vē tarik, nö ngö ṙô,

KALATĪ 6:12

I tumtaka yip tö hòṅ ineū-euṅv nö im alaha, cha-a yip hamôten yīö tunyīnyi; pòn höng sōḵ cha-a nö öthakôlöng ṙô tö pôkūö ngam töhakālö Kristū.

KALATĪ 2:14

Ngaich hē chu meūkö cha nö öt chīpö talöökö nö i kanô-en ngam tölöök inhānga, ngaich ngö ṙô chu-ö tö Pītör, i kūö cha nö ṙòkhöre, Yē meh me-eṅ öm Yāhūti, öm asīntö re i vē Tahëng mihëṅṙö tarik, ngaich rö-ö öm sā Yahūti, sitih öm līpten yip Tahëng mihëṅṙö nö asīntöre nö i Yāhūti?

KALATĪ 1:7

Ngam töt tahëng tölöök inhānga: pòn rēvre yip mahakihten yīö, ngaich hòṅ halō-ongkūö yīö töm tölöök inhangkö Kristū.

YERIMIĀ 13:17

Yē meh pöri min öt hòṅ hang, ngaich ngih nômö chu min nö ulāikôre nö peuny inkeūlen meh; kalē-ĕṙô në mat chu min nö peuiny nö kāti mak mat, pò nup pököre ngam Mā Tēv nö kē-ĕyö nö hakövö.

2 PĪTÖR 2:10

Möthë tö cha yip lamök im alaha yinik hanga inchōichngö, ngaich öt kūöngen tö minā-aṅ. Töt pinheṅevkūö, tamömrit kuilōnre, öt kacheihë cha-a nö ötlēkôre tö kanôlò:

1 TÖSALÒNIKĒ 4:6

Hòn öt tarīkuvö tövāngngöröön, ngaich fāluṙen nö i holre, in e angū-ö; tön mahavahal u an anū-ö, ngam Mā Tēv, nö ṙòkhöre; sā ṙô ih ngaich, mu-urĕhnyôre tö yīö, öi hameukhöti inrē.

FILIPĪ 1:4

Örheūheu i nup ṙô chu vë-elkui yīö ṙòkhöre, holtö ṙanāmölōnre vë-elkui yīö;

KALATĪ 5:21

Kumnyahlōn, hinyōiyö, inpōho, nup tö ngatī inrē. Ngāichô chin hatūinyôre tö yīö, tö vē töngatī la-en: nö ötkô min nö aminuvö tö ngam pūlngö ngam Tēv.

KALATĪ 2:21

Rö-ö chin hachökngö alaha ngam inlōnti aṅ im Tēv; yē ngam lanöökö öre nö lamökten im chöngö, ngaich Kristū nö chök alaha nö kapah.

2 KÒRIN 11:29

Hĕng tak hòng ngòh tötkalēḵen, ngaich öt kalēḵen röh chu-ö? Hĕng tak hòng ngòh töfukngö, ngaich hūṙö ellōn röh chu-ö?

2 KÒRIN 11:13

Pò yip tö ngatī tarik nö tanīnöṙô töminyôinyaṅ, vamī inchīlö, vītöre nö tanīnöṙô Kristū:

2 KÒRIN 2:4

Kūichhöti chin in yīö, holtö ṙôken mak mat, ip ṙôken kanihngen, kanihngen ellōn inrē; öt kūö yīö hōtu miṙīvulōn, hòṅ yīö pöri akahalōn tö ngam hanāngenlōn chu ngam tö pōyen nö in yīö.

1 KÒRIN 6:9

Öt akahalōn öyih, tö vē tömichūṙen min nö öt amīnuvö tö ngam pūlngö ngam Tēv? Un nyātölōn; öt rēhĕn chamô-òṅkānö; vame-ekūö insātēv, ma-asĕhha, kumkantöre, chamô-òṅ kikōnyö.

1 KÒRIN 1:18

Pò ngam ṙô ngam töhakālö nö löö in cha yip kūö kumlō-ov nö öt kôlò; minhôiṅyö ngam Tēv pöri nö in hī, ayī-ö töhayöökaṙen.

RŌMA 9:2

Tö chu öich kiröngen in tö miṙivlōn, öt ṙākenre inrē öp chanökö ellōn chu.

T. LŪKÖS 19:41

Ngaich hē Ò nö röhta, ngaich meuk ngam panam Anga-aṅ, ngaich peūinyö e;

TANĪ-ĔL 4:37

Ngaich chu-ö, Nēpukatnēsar, ha-öiny, hapōīlö ane inrē eū ngam Rācha ngam halīöngö; kūö nuk la-en ò nö töhuveū nup talöökö ò inrē nö tölöök; ngaich cha-a yip lamök i inkeūlen re mihôiṅ anga-aṅ nö hakūöṅnngen cha.

NGAM LĪPÖRE KAHŪICH YŪT 1:13

Tökalēḵ mahūṅvö ngam mai, hapĕhnyö sumrōngkūö nöng kahngenre; taneūsömat mahavöt, töhöngkaṙen töp tösah aṅ i tösah nöng örheūheu.

2 TÖSALÒNIKĒ 3:11

Pò ih hang yip rēvre lamök in yīö nö öt lēnö inlahen, yip töng rö-ö nö vahī-ivṙen, höng samöömkö ṙô.

INLAHEN 20:19

Lök la-en ngam Mā Tēv, holtö inyāichngö ellōn, holtö makmat, holtö kanihngen inrē, tī yip Yahūti nö ulāikenre nö chökuṙen tö chu.

Salmai 119:136

Sā röön mak tahël nun në mak mat chu: pò cha nö öt haköp në chöngö Meh.

KALATĪ 6:14

Uh chin yēḵ chū-ö eū-eure, höng im töhakālö ngam Mā hī, Yēsū Kristū; ngam lökngen ngih panam nö kapah nö in chu, kapah chu-ö inrē ing panam.

LA-EN LĒVĪ 11:16

Mingeūkö, hòk hatööm inrē, sakiôk inrē, hòk inrē i mihëṅrö u;

LA-EN LĒVĪ 13:8

Ngaich ngëicha öp Kūönṙô, yē ngam kiyös nö tānyöre chūök nö i uk alaha, ngaich ngam Kūönṙô min nö vënyen ò nö kuvīö: yeūnyö an angū-ö.