17 Kahōlö, ṙòkhöre yin yēḵ asīnken chu; mikahngen cha yip töngatī talöökö nö sā ih, nö inchōken yīö.
Nup haköp yīö, kahëḵ yīö, hĕng höre ahang yīö, maheuṅk yīö inrē in chu, anū-ö kahëken yīö: ngaich ngam Tēv lanāmö nö holtöṙah yīö.
Lökten chin ve-ekūö yīö asīntöre yin yēḵ in chu.
Unrēhĕn hakeū chöngöre i minë minchöḵö meh hayōm meh, vītöre pöri me-eṅ inchōten minë pököre.
Öt kūö ih öt huveū-en, vītöre pöri ihö inchōten yīö asīnken ih.
Köpölōn tö cha yip mahayöngö yīö, yip tö ṙôtö ṙô ngam Tēv nö in yīö; ngëichngö ngam Tēv nö in yīö; ngëichngö ngam löklö nômö cha, asīnkö ngam ṙinātö ellōn cha.
Un tarīku mahakeūngen ṙētö meh, inchōten cha pöri me-eṅ, yip ṙāmātö ellōnre, i ṙô, i inlaha, i hanāngenlōn, i mikah, i hanëtö.
Akahalōn yin yī-ö töre öi hòṅ asīnken ih: pò ih ihö ngaich rö-ö ötlēnö inlaha in yīö;
Un kētu löktö sanānngö, un rēhĕn i Yahūti, Krīk, hēk im māṅ ngam Tēv:
Yĕn tarīku maha-ôngen ṙô ih i ngih līpöre tökūichö, mikahngen ò anga-aṅ tarik, hòṅ ò nö öt nôlta nö in yīö, hòn sirōngkūö ang.
Ngaich yī-ö ma-asīnken ih, ngam Mā inrē, öi teūngen ngaich tö ngam ṙô holtö inkôlò, holtö ṙanāmölōn inrē aṅ im Töhet Fanöinylö;
Kahōlö, ve-ekūö yīö chin, mikahngö yip tö tī-iv tö inrēvngö, nö chööḵnyi fanukngö, tö harīkngöre tö ngam haköp yīö inköphöti: havööngö kūöre tö cha.
Mikahngö ngam töteung ta-rik, hatīönkö ngam töchiplö inrē: pòn lanāmö öp manā-ngen ò anga-aṅ tarik.
Ma-asīnken chu yin yēḵ yī-ö, sā chu chū-ö inrē tö Kristū.