FILIPĪ 3:15 - TÖHET LĪPÖRE (Re-edited) Bible (BSI)

¹⁵ Lökten, ta-a töi ngatī lōn, i tumtaka töteungten; yē yīö harīkngöre lōn i nup tahëng, hameuktu min angū-ö tö ngam Tēv nö in yīö:

FILIPĪ 3:15 Referans Kwoze

T. YÔHAN 7:17

Yĕn tarīkuvö tö hōḵ nö la-ev-ṙen tö lōn Ò; ngaich kô-òren Anga-aṅ nö akahalōn tö ngam inköphöti, yĕn aṅ im Tēv, hēk yĕn ṙô Chu kahngenre.

KALATĪ 5:10

Lā in yīö nyanatlö chin im Mā, tö yīö öt tahëngulōn: keun ngam kinṙôka an min aṅ in Ò, ap mahakihten yīö, achīö nö pòrô anga-aṅ.

1 KÒRIN 2:6

Ṙô tö mikah inri i yip töteungten; rö-ö pöri nö mikah aṅ ing panam, öt rēhĕn nö aṅ i yip mahayöng ngih panam, nup yamih nö im ranö-ö.

KÒLÒSĪ 4:12

Salāmö yin tö Epafaras, ngam aṅ in yīö, kūön Kristū töhakövö, örheūheu panītnyi nö im vinë-eṅkūötēv töpòkūö yīö, hòṅ yīö teungta sanöklö, ngaich keuheūttöre minkahtölōn i nuplōn ngam Tēv.

1 KÒRIN 14:20

Kahōlö, uh yin nyīö i ellōn; tëṅnö pöri i nup chanökhulōn; töpōyö pöri yī-ö i ellōn.

T. MËTIV 5:48

Lökten yin yēḵ, yī-ö öi öthāṅten, sā ngam Yöng yīö el halīöngönö töthāṅten.

Isayā 35:8

Ngaich tökiröng talöökö min ap umuh, talöökö inrē ngaich kaheūkö min angū-ö nö Talöökö Hanëtö; öt lök in e min yip tökuvīö; talöökö cha pöri min angū-ö: öt kānken e min yip kumröön tarik, hôṅ, yip tökulō-ov.

HEPRĀI 5:14

Nya-aṅkūö töpōyö pöri tarik, ngih töngëḵ nya-aṅkūö, cha-a yip kūöre nö mu-ulòhtenre nö harūnöre nö i inkaha, ngaich akah tölöök, inrē.

KÒLÒSĪ 1:28

Ngam ahangkö ih, fēḵlö taṙòkhöre tarik, haköptö taṙòkhöre tarik i nup mikah, hòṅ ih kētö taṙòkhöre tarik nö teung nö in Kristū;

RŌMA 15:1

Hòṅ keun öt kumlēḵen yip tötkalēḵ in ayī-ö tökalēḵ, uh in höng haṙamlōnre.

T. LŪKÖS 11:13

Yē yīö yī-ö yih, tö-ötlanöökuvö, öi akahalōn tö tölöök kahëtöre i më kūön yīö; i ṙôkhöltī ang öre ngam aṅ el halīöngö Yöng yīö, nö kētö ngam Töhet Fanöinylö nö i yip mahavë-a nö in Ò.

1 YÔHAN 2:5

Öp mahaköp ṙôre pöri, in ò an nö kô-en nö teungten ngam hanāngenlōn ngam Tēv. In e in akahalōn tö hī öi in Ò:

2 TIMÒTĪ 3:17

Hòṅ ngam tarik ngam Tēv nö öthāṅten, keuheūttöre aṅtī nö im tölöök la-en.

T. YÔHAN 6:45

Ngö kinūichngö an, tö ṙô yip pròfĕt, Ngaich ṙòkhöre min cha-a nö haköptu tö ngam Tēv Ṙòkhöre yip hamang ṙô ngam Yöng, ngaich haköp, nö yihtöre nö in Chu.

EFISÖS 1:17

Hòṅ ngam Tēv, ngam Mā hī Yēsū Kristū, ngam Yöng kanôlò, nö kē-ĕkūö yīö tö ma-alaha mikah, inmeukti inrē im inkaha aṅ in Ò;

1 TÖSALÒNIKĒ 4:9

Rö-ö pöri yī-ö kusīktö tī ih kūichhöti in yīö, i inlahen hanāngenlōn tö holre: pò yīö yī-ö ngaich haköptu tö ngam Tēv öi kö hāngenlōn tö höö;