FILIPĪ 3:13 - TÖHET LĪPÖRE (Re-edited) Bible (BSI)

¹³ Kahōlö, rö-ö chin kaheuktöre sin kiṙapka; hĕng pöri öp la-en chu, vaichngö nuk taṙòkhöre lā-unôich, ngaich silônyöre lā-urĕh i nup lākūö,

FILIPĪ 3:13 Referans Kwoze

T. LŪKÖS 9:62

Ngaich ngö ṙô Yēsū tö ò, Öt tarīkuvö kamëkö sanapre nö eltīre, ngaich tēk unôch, nö töhōḵovö nö im pūlngö ngam Tēv.

FILIPĪ 3:12

Öt kūö chu ngaich teūngen, hēk vītu ngaich teungten: iṙūöhen pöri chu-ö, yĕich hōtu ngatī kētötīre im lökten chu kiṙapka tö Kristū Yēsū.

Salmai 27:4

Hĕng öp havëkö chu im Mā Tēv, chahöh chu min: hòṅ chu iyöng el patī ngam Mā Tēv min i rô-òten chu aṅ, öich ngëichkö vanāyö ngam Mā Tēv, hatīönkö ngam patī ò inrē.

FILIPĪ 3:8

Hôṅ kô; kaheuktö u chin nö yanëḵngen, kūö ngam tölngö lanöökö mikah aṅ in Kristū Yēsū ngam Mā chu: ngam töpô-òvkūö tö chu yëḵngen tö taṙòkhöre, ngaich kaheuktö u ngö sôḵ nuā, hòṅ chu teūngen tö Kristū,

HEPRĀI 6:1

Lökten ta-a ṙāngô hī tö ranehlö Kristū, iṙūöhöröön im tölngö sanīöpö; un ṙātu chūök röönti nö ṙā-ang i tökapah la-en, ngam mikah inrē tö kū-ötö im Tēv,

FILIPĪ 2:12

Lökten, kahōlö, sā yīö ngaich öt ahôngen, öt höng yē chu in, tön möthë yē chu rö-ö, vīlö inyöökenre yin, holtö pinhe-eṅkūö, kinchëyöre inrē;

T. LŪKÖS 10:42

Hĕngtöre öp tö hòṅ in meh; ngaich an Mariā nö kēḵ ngam tölöök lā-a, ngam tötkanëḵngen min nö in ò.

2 PĪTÖR 3:8

Kahōlö, uh yin pöri vaichngö tö ngih tö hĕng tö ngam tö hĕng sumkam nö im Mā, nö sā tököṅnyu samyeūheu anë inrē ngam tököṅnyu samyeūheu nö sā tö hĕng sakāmö.

2 KÒRIN 5:16

Lökten in töngamuhuten öt akahakūö tö tarik nö im alaha: pòrô öi akahalōn tö Kristū nö im alaha, rö-ö in töngamuh akahalōn.

Salmai 45:10

Ō kikānö kūön, hangihtöre, Ngëicha inrē, asītö elnangre më-eṅ inrē: havaichngöre tö yip tarikre, tö patī ap kikō-nyö yöng meh inrē;