FILIPĪ 3:10 - TÖHET LĪPÖRE (Re-edited) Bible (BSI)

¹⁰ Hòṅ chu akahakūö tö Ò, ngam minhôiṅyö ngam invanlö Ò inrē, ngam innôlti inrē im kanihngen Ò, ngaich asātu im kinpaha Ò;

FILIPĪ 3:10 Referans Kwoze

KALATĪ 2:20

Ngaich chin harātu hol Kristū; sön chu-ö aṅ: rö-ö pöri ōtre öich chū-ö, tön Kristū tö aṅ nö in chu: ngaich ngam anaha chu töngamuh ing alaha, aṅ chū-ö im mikah, ngam mikah im Kūön ngam Tēv, ngam töhāngenlōn tö chu, kēngöre inrē töpôkūö chu.

RŌMA 8:17

Ngaich yē hī kūön, ngaich tö amīnuvö: tö amīnuvö töm Tēv, hol Kristū tö amīnuvö, yē hī sā Ò kihngen, hòṅ hī inrē hapōilöngö hol Ò.

FILIPĪ 3:8

Hôṅ kô; kaheuktö u chin nö yanëḵngen, kūö ngam tölngö lanöökö mikah aṅ in Kristū Yēsū ngam Mā chu: ngam töpô-òvkūö tö chu yëḵngen tö taṙòkhöre, ngaich kaheuktö u ngö sôḵ nuā, hòṅ chu teūngen tö Kristū,

1 YÔHAN 2:3

In e lökten in akahalōn tö hī akahakūö tö Ò, yē hī haköp në chöngö Ò.

KÒLÒSĪ 3:1

Yē yīö ngaich hachohlöngö hol Kristū, chöh nup lamātulöng yin, i chūök Kristū nö ūichhaka, nö lahāmö ngam Tēv.

KÒLÒSĪ 1:24

Ṙāmölōn chin i në kanihngenre tö pòkūö yīö, ngaich haṙënngö ngam töhāṅten chu-ö kanihngen Krsitū ing alahare, pòkūö ngam alaha Ò, ngih māṅ;

2 KÒRIN 1:5

Sā minë kanihngen Kristū nö pōyen nö in hī, ngatī inrē ngam inngëḵkö nö pōyen, nö lökten Kristū,

1 PĪTÖR 1:3

Tökôlò an yēḵ ngam Tēv, ane inrē Yöng, ngam Mā hī Yēsū Kristū ngam tö sā ṙôkö öp neūkölōnre nö kayôḵnyen hī im tö aṅ mineūka, lökten i invanlö Yēsū Kristū nö ṙā-ang i tökapah,

2 KÒRIN 13:4

Pò ò nö harātu lökten im öt kumlēḵ, sön Anga-aṅ nö aṅ lökten i minhôiṅyö ngam Tēv. Pò hī ayī-ö inrē öt kalēḵen in Ò, aṅ pöri min ayī-ö hol Ò lökten ngam minhôiṅyö ngam Tēv nö lā in yīö.

1 YÔHAN 2:5

Öp mahaköp ṙôre pöri, in ò an nö kô-en nö teungten ngam hanāngenlōn ngam Tēv. In e in akahalōn tö hī öi in Ò:

T. YÔHAN 17:3

Ngih ön nômö tö-örheūheu-aṅ, ngam mikahkūö cha tö Meh, Öm tökô-en Tēv; akahakūö inrē tö ngam tahīntö Meh, Yēsū Kristū.

RŌMA 8:29

Kūö cha Anga-aṅ nö urĕhten mikahlōn, ngaich urēhĕng tī nö halēnngen, nö hateungtu i insā-a ngam Kūön Ò, pòn hōtu Anga-aṅ nö lanòh yip tö maṙôngö holre:

INMEUKHÖMAT 1:18

Öich tö aṅ inrē; kapah sin Chu-ö, ngaich yĕh meuk, örheūheu Chin ngaich aṅ, aṅhaṅv-in Chin inrē tö në tinkīök ngam kinpaha, tö ngam chūök tökapah inrē.

KÒLÒSĪ 2:13

Ngaich yī-ö tö kapah lökngökūö nuk tökööl yīö i öt tunnyinyngö ngam alaha yīö, ha-aṅhaṅ yīö ngaich Anga-aṅ öi hol Ò, pòn ngaichtī nö aṙēlen hī tö nuk tökööl hī nö ṙòkhöre;

EFISÖS 4:13

Tö iṙūöhen an angū-ö, hanöng saha hī sölta im hinëngö ngam mikahkūö tö ngam Kūön ngam Tēv inrē; hanöng saha sanölta hī im tölngö ṙôkö tarik, i rôlòng sanööḵngö Kristū.

2 KÒRIN 1:10

Ngam ṙamānyen ih ngaich nö ṙā-ang i tö ngatī ṙôkö kinpaha, ṙā-ainy min inrē: ngam chūök tī ih töm mineūka, tö Ò min inrē nö ṙòngmö ṙānyen hī;

T. YÔHAN 10:18

Öt hĕng tak kamëḵngö e, nö ṙā-ang in Chu; kēḵngö e pöri Chū-ö kahngenre. Mihôiṅ Chin kēḵngö e; mihôiṅ öich kē-ĕ e hēk. Angū-ö an chöngö taneūngen Chu, aṅ im Yöng.

T. MËTIV 20:23

Ngaich ngö ṙô Anga-aṅ tö cha, Òk kūö öp kulahnan min, öp ahòkkūö chu; vōkö inrē töp vinôkö, vahōk Chu; ngam inūichhak pöri lahāmö chu, latavē chu inrē rö-ö nö kahëḵtö Chu; höng kine-eṅkūö yip tö höngkaṙen tö ngam Yöng Chu.

RŌMA 8:36

Sā kinūichngö e nö ngö, Pòkūö meh in sumkāmu finëlngö; Kaheuktu in sā pököre tö ṙatnyu likeun.

KALATĪ 6:17

Töngamuhangen un hĕng tak mahacheiken chu, tön aṅhaṅv alaha chin tö në minkahngö Yēsū.

2 PĪTÖR 1:13

Töhuveū an tö lōn chu, isaha rô-òten chu el ngih inrūkui, öich haruhu yīö, öich kētö finëḵlö yīö;