FILIPĪ 3:1 - TÖHET LĪPÖRE (Re-edited) Bible (BSI)

¹ Manā-aṅ kahōlö, ṙāmölōn im Mā, rö-ö chin chei höng hĕngretī kūichhöti in yīö, pòn lanak yīö angū-ö,

FILIPĪ 3:1 Referans Kwoze

FILIPĪ 4:4

Ṙāmölōn örheūheu im Mā Tēv hēk chin ngö ṙô, Ṙāmölōn.

RŌMA 5:11

Rö-ö nöng ngati, tön ṙāmölōn ayī-ö inrē im Tēv lökten ngam Mā hī Yēsū Kristū, ngam lökten hī ngaich töngamuh teūngen tö inlāmö.

YĀKÖP 1:2

Kahōlö; ṙanāmölōn an yĕh, tö lōn yīö, yē yīö fukngö i nup töṙōlkangen kanihngen:

1 PĪTÖR 4:13

Ṙāmölōn yin sā yīö ngaich hamòl im kanihngen Kristū, hòn hē öp inmeuktö öp kanôlò Ò inrē yī-ö min pōyen ṙanāmölōn.

1 TÖSALÒNIKĒ 5:16

Örheūheu ṙāmölōn;

FILIPĪ 4:8

Manā-aṅ, kahōlö, nup taṙòkhöre töng kô-en, nup taṙòkhöre töng tö ineū-euṅv, nup taṙòkhöre töng löök, nup taṙòkhöre töng het, nup taṙòkhöre töng hanāngen, nup taṙòkhöre töng löökö ineūkö; yĕn tölöökuvö in e, yĕn ineū-euṅvö inrē in e, fēkö u anū-ö.

1 PĪTÖR 3:8

Hĕngren ellōn yin yēḵ ṙòkhöre, aṙĕ-elōn, hāngenlōn tö māṅre, aheūkölōn inrē.

2 KÒRIN 13:11

Manā-aṅ, kahōlö, salām. Hateungtöre yin yēḵ; hangëḵeṅre yēḵ; hĕngre ellōn yēḵ; iyöng im lanāmö: ngaich ngam Tēv hanāngen min, lanāmö inrē, nö holtöṙah yīö.

2 PĪTÖR 3:1

Kahōlö, innëtö līpöre ön ngih töngamuh kahūichtö chu in yīö; i mat u nö nëtre öich harunlö nup tökô-en ellōn yīö, i finëlö yīö;

EFISÖS 6:10

Ngëḵ yin yĕh im Mā, töngamuhöten, im kumlēḵ ngam minhôiṅyö Ò inrē,

T. LŪKÖS 1:47

Im Tēv Mahayööken chu nö ṙāmölōn ngòh ma-alaha chu.

SAKARIĀ 10:7

Ngaich cha-a yip aṅ in Ifrēm min nö sā öp tökalēḵ tarik, ṙāmö ellōn cha-a min inrē tökūö vāin: Hôṅ, meūkö e yip min kūön cha, ngaich ṙāmölōn; ngaich ṙāmö ellōn cha-a nö im Mā Tēv.

SEFAINIĀ 3:17

Ellōn meh an ngam Mā Tēv ngam Tēv meh, tökalēḵ an mahayööken meh min: ṙāmölōn an min nö in meh, im hanāngenlōnre anga-aṅ min nöng chēvhakṙen, tinkökuvö min anga-aṅ nö I kui meh i ṙanāmölōn re.

SEFAINIĀ 3:14

Tikökṙôre, Ō Me-eṅ kikānö kūön Sīyôn; hū-a, Ō Israel; ṙāmölōn man yēḵ keuheūtnyö ellōn re inrē ṙāmölōn, Ō Me-eṅ kikānö kūön Yērusalem.

YŌ-ĔL 2:23

Ṙamölōn yin lökten, yī-ö kūön aṅ Sīyôn, hanyam ṙô re ṙāmölōn im Mā Tēv ngam Tēv yīö; tön kē-ĕkūö yīö an tö ngam mu-urĕh kumṙah nö löökö ṙôken tī, ngaich kūö yīö inrē anga-aṅ nö hōten ngam kumṙah nö hōten ngam kumrah nö chahūköti, ngam mu-urĕh kumṙah ngam mu-unôich inrē, im raneh chingëṅt.

Salmai 37:4

Im Mā Tēv ṙanāmölōn man: ngaich kētö nup havëkö meh min anga-aṅ.

Salmai 32:11

Yī-ö tölöök, ṙamölōn yin yēḵ im Mā Tēv, ha-öiny öi ṙā-mölōn inrē: ṙòkhöre yī-ö töchiplö ellōn, hūḵa öi ṙāmölōn inrē.

NGAM LĪPÖRE YŌP 22:26

Ngaich më-eṅ min kumchik- ngenre im Tökeuheūttöre Chöngö, môklö kūö re inrē im Tēv.

1 KINṘÖTNGÖ 29:22

Nyā cha-a ngaich òk inrē nö i kūö ngam Mā Tēv, nö kiröngö ṙānāmölōn ik sakāmö angū-ö. Ngaich cha-a nö vīlen Sòlòmön nö ṙācha ök kikōnyö kūön Tāvit im innët heuh, hacham kui ò cha-a inrē nö rācha nö im Mā Tēv, Satòk inrē nö kūönṙô.

FILIPĪ 3:3

Pò ih ihö tötunyīnyi, vamë-ekūötēv lökten im Töhet Fanöinylö ngam Tēv, kanôlò inrē in Kristū Yēsū, öt inyönglenvö im alaha:

T. MËTIV 5:12

Ṙāmölōn yī-ö, öi pōyen ṙanāmölōn; tön pōyen nup raneushö yīö, el halīöngö. Cha-a yin töng ngatī tī nö öthakôlò yik pròfĕt, yik mu-urēhĕkūö yīö.

Isayā 61:10

Pōyen ṙanāmölōn im Mā Tēv ṙamö ellōn chin min im Tēv chu; pò ò nö kafānö chu tö hilā inyööken, kahūmö chu an tö tökiröng inyut lanöökö sā ngam kikōnyö töhapīhö nö eūmlöre ngam kikānö inrē töhapīhö nö hanyöṅtlöre tö töpōiṙāi yanöṅtö.

Isayā 41:16

Heūyö u min me-eṅ, ngaich ngam kuföt min nö kumten u nö marô-òlkūö, pirātngen u min inrē ngam lamfeui kuföt: ngaich me-eṅ min ṙāmölōn im Mā Tēv, eū-eure min me-eṅ im Töhĕng Töhet in Israĕl.

Salmai 149:2

Ṙāmölōn An yēḵ Israĕl nö in Ò ngam Vamī an: hökngen yip kūön Siyôn yēḵ nö ṙāmölōn, im Rācha re.

Salmai 97:1

Hayöng An ngam Mā Tēv; ṙāmölōn an yēḵ ngam panam: ṙāmölōn nup yēḵ tömaṙôngö kun panam.

Salmai 42:4

Anū-ö afēkö chu, ngaich keu-heūtnyö ellōnre chū-ö, tö lökten chu holröön yip töma-ṙôngö, ngaich hachōhöt cha el patī ngam Tēv: holtö ṙanāmölōn ṙôre, holtö nöi-nyö inrē, yip tömaṙôngö nö haköpkö ngam töhet sakā-mö.

Salmai 5:11

Hökngen cha pöri nö ṙāmö-lōn nö hayönglenre nö in meh, hökngen cha nö ṙāmö-lōn nö pōitô nö hū-a pò meh laklen cha: hökngen cha inrē yip töhangenlōn tö minë-eny meh nö ṙāmölōn.

NAHIMIĀ 8:10

Ngaich ngö ṙô anga-aṅ tö cha, ʽʽKiröönngöre yin ngaich nyā-aṅkūö tö tösangöö òk töpachāka vāin inrē ngaich söömngö kintölö ò öp töt halēnkuṙen: tön töhet ön ngih sakāmö nö im Mā hī; uh yin haṙīvölōn, tön ngam kumlēḵ yīö an ṙanāmölōn nö im Mā Tēv.ʼʼ

1 KINṘÖTNGÖ 16:10

Eu-eūre im töhet minënyö; Hökngen nup ellōn yip chamöh ngam Mā Tēv nö ṙāmölōn!

1 KINṘÖTNGÖ 15:28

Lökten yik Israĕl nö ṙòkhöre nö kēlö ök kasòng chöngö kinlēḵngô ngam Mā Tēv nö holtö inyôṙö ṙô, I ṙô sinrōl nö fööṙö, römpĕt, simpôl inrē pōitô inrē ëlö tinkökö nö i ṙô hārp, līör inrē.

1 SAMUĔL 2:1

Ngaich vë-ekūötēv Hëna nö ngö ṙô, Im Mā Tēv chin pōyen ṙānāmölōn, Im Mā Tēv ngam sinrōl chu nö ṙūölöngö: I yip lā-al chu ngam elvāng chu nö pōiti: Pò chu ṙamölōn im inyööken tī meh.

I. CHÖNGÖ 16:11

Ngaich ṙāmölōn më-eṅ i kūö ngam Tēv ngam Mā Tēv meh, më-eṅ töp kikōnyö kūön meh, töp kikānö kūön meh, töp kikōnyö tarik meh, töp kikānö tarik meh, töp Lēvī inrē nö el inkūp kinlōngö meh, töp aṅ tahëng, töp kūön yōich, töp tafīösi kikānö, yip më-el ṙôngö meh, ip chūökö atöllö ngam Tēv meh min ngam Mā Tēv nö vīten ngam minë-enyre nö iyöng in e.

I. CHÖNGÖ 12:18

Nyā-aṅ u pöri më-eṅ i kūö ngam Tēv ngam Mā Tēv meh ip chūökö atöllö ngam Tēv ngam Mā Tēv meh, më-eṅ, töp kikōnyö kūön meh, töp kikānö kūön meh, töp kikōnyö tarik meh, töp kikānö tarik meh, töp Lēvī inrē lā-ël öp inkūp ap kinlōngö meh. Ṙāmölōn më-eṅ i kūö ngam Tēv ngam Mā Tēv meh i nup chūök tī meh ṙātö eltīre.

1 TÖSALÒNIKĒ 4:1

Kahōlö, vë-ekūö yīö in, ane inrē hōten yīö im Mā Yēsū, hòṅ yīö ṙuhölre hēkökūöre sā ṙô ih tö yīö, tö lahök yīö, öi haṙamlōn ngam Tēv, sā lahök yīö ngaich.

Isayā 65:14

Yĕh meuk, tikökṙôre yip min tarik chu tökūö ṙanāmö ellōn re peuiny pöri min yī-ö tökūö chanökö ellōn re, harāmöre min inrē tökūö yöng miṙivlōn.

Salmai 33:1

Ō yī-ö tölöök, ṙāmölōn yin im Mā Tēv: tövai an ngam nöinyö tö yip töchiplö.