FILIPĪ 2:9 - TÖHET LĪPÖRE (Re-edited) Bible (BSI)

⁹ Lökten ngam Tēv nö hapōilen Ò, ngaich kētö Minë-eny Ò töp lamātulöng tö në minë-eny nö ṙòkhöre;

FILIPĪ 2:9 Referans Kwoze

INMEUKHÖMAT 19:16

Ngaich hĕng ök minë-eny tökūichi nö i mat ök tö-aṙū-uti inyut Ò, i takeun Ò inrē, Rāchakūö vē rācha, Mākūö vē mā.

T. MËTIV 28:18

Yihtöre ngaich Yēsū nö in cha; ngaich ve-ekūö cha, nö ngö ṙô, Ṙòkhöre nun në chöngö nö kētu nö in Chu, el halīöngö, ing panam inrē.

1 PĪTÖR 3:22

Ngam lahāmö ngam Tēv nö ngaich, yônlö nö el halīöngö; ma-ahānga, chöngö, minhôiṅyö inrē ngaich nö tumṙeūtu tö Ò.

HEPRĀI 2:9

Ngaich pöri ayī-ö meūkö Ò, ngam tövītu misī nö lātaṙūḵ hö-ö tö më ma-ahānga, Ang Yēsū, tö kanôlò, ineū-euṅ inrē, pòn hōtu nö lökten im inlōnti aṅ im Tēv, Anga-aṅ nö kalah kinpaha, nö pòkūö tarik.

Isayā 52:13

Yĕh meuk, kôlòṙen ap min tarik chu, hapōilöng ap min hatāilöng inrē, ngaich marô-òl chūök min.

INMEUKHÖMAT 5:12

Nö ngö ṙô nö pōitô, Tökô an ngam pököre ngam töfëli, nö kēḵ chöngö, Kanôlò tö chehen, mikah, minhôiṅyö, ineū-euṅ, kanôlò, inkôlò inrē.

TANĪ-ĔL 7:14

In ò ngaich ök pūlngö nö kētu, kanôlò pūlngö inrē, pòn hōtu taṙòkhöre tarik, pumnāmö tarik, tökeuheūtöre ëlô inrē, nö lök la-en ò; töt chanūhuvṙen an ngam pūlngö ò, ngam töt chaṙēviyö min, ngam pūlngö ò inrē, Töt panyāingen min.

HEPRĀI 1:4

Ngaich yih nö mötlö tö më ma-ahānga, pò Ò nö amīnuvö tö tömööḵlö lanöökö mine-eny tö cha.

Salmai 89:27

Vīten Ò chū-ö inrē nö lanòh chu: tö marô-òlchūök tö yip rācha ngih panam.

HEPRĀI 12:2

Hatīönken Yēsū, ngam yöngṙen, mahateungngö ngam ṙinātö ellōn nö in hī, ngam kūö ngam ṙanāmölōn tö ṙātu nö i kūö Ò, keun ök töhakālö hayëḵngen ngam sinrōngkūö, ngaich ūichngöre nö lahāmö ngam kantēra ngam Tēv.

Isayā 53:12

Lökten chin min michööḵ an tö minchööḵö tökiröng, ngaich anga-aṅ min inrē nö michööḵ pôḵ nö in öp tökalēḵ; pò ò nö vōknyö aṅ i nômö re nö im kinpaha, kaheuktuvö inrē anga-aṅ nö i tötlöök; sön anga-aṅ nö keun tökööl tömaṙôngö, ane inrē ve-elkui tököölö fālen.

Salmai 110:1

Ngö ṙô An ngam Mā Tēv tö ngam mā chu: ūichngöre man lāhāmö chu, hanöng saha tī chu vītö yip tö kunyaha elmat tö meh nö ranöönö röön meh.

T. YÔHAN 17:5

Yĕh pöchö, Ō Kayöngö, hapōilen Chu man inrē, tö ngam kanôlò Chu misī in Meh, urēhĕkūö ranehlö ngih panam.

Salmai 110:5

Lā hāmö meh an ngam Mā: ngaich min lökten i rācha tī nö foh, ip sakāmö lanīnö Ò.

INMEUKHÖMAT 3:21

Anga-aṅ ngòh tömihôiṅ, kēḵĕkūö ò min chū-ö tö inūichhaka nö hol chu nö el kantēra chu, sā chu chu-ö ngaich mihôiṅ, ngaich ūichngöre hol ngam Yöngre el kantēra Ò.

T. LŪKÖS 10:22

Ṙòkhöre nun në chehen nö kētuvö nö in Chu, tö ngam Yöng Chu. Ngaich öt hĕng tak tö-akahakūö tö ngam Kūön, höng ngam Yöng; ane inrē öt hĕng tak tö-akahakūö tö ngam Yöng, höng ngam Kūön, ngaich yip töhōḵov tö ngam Kūön nö hameukhumat.

Isayā 9:7

Aṅ im töṙūölöng ṙôken inyöngö aṅ im lanāmö inrē nöng öt chanūhuvṙen, nö el kantēra Tāvit, i kui ngam pūlngö ò inrē, nö haköpngö e, ṙapkö e inrē nö aṅtī tö inkaha fālen aṅtī tö lanöökö inrē löktökūö ing töngamuh höng örheūheu. Ngam kumlēḵlōn aṅ im Mā Tēv yip tömaṙôngö min mahateungten e.

Salmai 91:14

Pò Ò nö in chu tī töp hanāngenre, lökten chin min ṙānyen ò: latulöng tī chin min tö ò, pò ò nö akahakūö tö mine-eny chu.

INMEUKHÖMAT 11:15

Föö ngaich ngam sinat tak Ma-ahānga; tömörit tök yöng ṙënṙô el halīöngö, ngaich ngö ṙô chā-a, Vītöre an ngam pūlngö ngih panam nö pūlngö ngam Mā hī, pūlngö ngam Kristū Ò inrē. Ngaich anga-aṅ min nö hayöng nöng örheūheu.

INMEUKHÖMAT 1:5

Ṙā-ang in Yēsū Kristū inrē, ngam tökô-en ameū-a, ngam lanòh kupah, ane inrē mahayöng yip rācha kūö panam. In Ò ngam töhāngenlōn tö hī, ngaich luhnyen hī ṙā-ang i nup tökööl hī, lökten i mahām Ò;

2 PĪTÖR 1:17

Pò Ò nö kēḵ aṅ im Tēv ngam Yöng, ineū-euṅ kanôlò inrē, hē ök ṙô nö löö in Ò ṙamā-ang im tölngö kanôlò, Hanāngenlōn Chu ön ngòh nö Kūön Chu, in Ò Chin ṙamölōn takô:

KÒLÒSĪ 1:18

Anga-aṅ an kui ngam alaha, ngih māṅ: ngam ranehlö, ngam lanòh nö ṙā-ang i yip tökapah; pòn hōtu Anga-aṅ nö i taṙòkhöre nö saṙaklöng lanöökö.

INLAHEN 5:31

Anga-aṅ hapōilö ngam Tēv nö lāhāmö Ò, nö Rācha, Mahayööken inrē; hòn kētö invöötö ellōn nö in Israĕl, inṙē-ĕl tökööl inrē.

T. YÔHAN 13:3

Akahalōn Yēsū tö ngam Yöng nö kētö taṙòkhöre nö eltī Ò, tö Ò inrē nö yamih, nö ṙā-ang im Tēv; ngaich chuh im Tēv.

T. MËTIV 11:27

Kētu nun në taṙòkhöre nö in Chu, tö ngam Yöng Chu. Öt hĕng tak tö-akahakūö takô töm Kūön, höng ngam Yöng; öt rēhĕn nö hĕng tak tö-akahakūö takô töm Yöng, höng ngam Kūön, ane höng ngòh töhameukhumat, lōn ngam Kūön.

Ranehlö 3:15

Ṙātö kumnyah Chin ihôi meh töngam kikānö, ihôi öp kūön meh inrē tö öp kūön ò inrē: paṙôkö kui man min tö tī ò, ngaich më-eṅ parôkötī tö kulôichröön ò.

T. YÔHAN 17:11

Rö-ö Chin ngöhöre ing panam; yih Chin in Meh, höngngöh vē nö ing panam. Töhet Kayöngö; haköpö cha Man i Mine-eny re, vē kahëtö Meh in Chu; hòṅ cha nö hĕng, sā hī ayī-ö.

T. YÔHAN 17:12

I saha Chu in cha, haköpö cha Chū-ö i ngam Mine-eny Meh, vē kahëtö Meh in Chu, aṅten cha Chin inrē. Öt hĕng tak tö cha tö ötkôlò höng ngam kūön ötkanôlò, nö kinheūṅtngen ṙô ngam töhet līpöre.

EFISÖS 1:10

I ṙinūöhnyö ngam sanööḵtökūö minë ṙētak, nö hamūllö nup taṙòkhöre in Kristū, nup el halīöngö, tö nup ing panam inrē, in Ò.

2 TÖSALÒNIKĒ 1:12

Hòṅ ngam minë-eny ngam Mā hī Yēsū nö in yīö nö ineū-euṅv, in Ò yī-ö inrē, sā ngam inlōnti aṅ im Tēv hī, ngam Mā inrē Yēsū Kristū.

HEPRĀI 1:9

Töhāngenlōn man tö tölöök, surīkhö tötlöök pöri, lökten ngam Tēv, ngam Tēv Meh, nö fòh elkui Meh tö ngam tavī-i ṙanāmölōn, möthë tö yip hol Meh.

3 YÔHAN 1:7

Pòn kūö ngam minë-eny, cha-a nö kiröönngöre, öt kahë-evṙen nö ṙā-ang i yip tahëng mihëṅṙö.