FILIPĪ 2:8 - TÖHET LĪPÖRE (Re-edited) Bible (BSI)

⁸ Ngaich hē Ò nö meūkö nö sā tarik, hayāichngöre ngaich, hökngenre nö im kinpaha, ngam kinpaha im töhakālö.

FILIPĪ 2:8 Referans Kwoze

T. YÔHAN 10:18

Öt hĕng tak kamëḵngö e, nö ṙā-ang in Chu; kēḵngö e pöri Chū-ö kahngenre. Mihôiṅ Chin kēḵngö e; mihôiṅ öich kē-ĕ e hēk. Angū-ö an chöngö taneūngen Chu, aṅ im Yöng.

HEPRĀI 12:2

Hatīönken Yēsū, ngam yöngṙen, mahateungngö ngam ṙinātö ellōn nö in hī, ngam kūö ngam ṙanāmölōn tö ṙātu nö i kūö Ò, keun ök töhakālö hayëḵngen ngam sinrōngkūö, ngaich ūichngöre nö lahāmö ngam kantēra ngam Tēv.

RŌMA 5:19

Pòn sā e nö lökten i minôṙô tö hĕng tak tarik nö maṙôngö tö vī-iyṙen nö köölö fālen, ngatī nö lökten im öt inhôngen tö ngam hĕng tak min, nö maṙôngö yip tö vītu nö löök.

1 PĪTÖR 2:24

Ngam tö aṅhaṅv alaha tö në tökööl hī, nö irōi ngam chōn; hòṅ hī ngaich tökapah, ṙā-ang ngam tökööl, aṅ pöri im lanöökö. Lööken yin ngaich, tökūö nuk finôhòh Ò.

1 PĪTÖR 3:18

Pò Kristū nö hĕngheuh misī nö kihngen kūö tötlöök, ngam tölöök, pòn hòṅ kēten hī Anga-aṅ im Tēv; kumpaha nö im alaha, ha-aṅhaṅ pöri nö im ma-alaha,

2 KÒRIN 8:9

Pò yīö akahalōn tö ngam inlōnti aṅ im Mā hī Yēsū Kristū, tö Ò nö pòrô nö tö kôlò, ngaich pò kūö hī nö vīngöre nö tötkôlò, hòṅ yīö lökten im ötkanôlò Ò vītuṙen kôlò.

T. MËTIV 26:39

Rĕh rô-òlkūö Anga-aṅ nö kiröönngöre, fātngökūöre ngaich nö el tumlat; ngaich ve-ekūötēv; nö ngö ṙô, Kayöngö; yē e nö kô, hökngen ngih kulah yēḵ nö chööḵngen Chu. Ngaich pöri yēḵ, un sā lōn Chu, sā lōn Meh pöri.

INLAHEN 8:33

Im inyāichngö Ò, ngam ötinkôlò Ò nö keuheūten; achīö öp min mahameukhömat yip tūmö Ò? Pòn ngaich ök nômö Ò nö kē-ĕyö, nö ṙā-ang ing panam.

TAITÖS 2:14

Ngam kamëḵngöre tö pòkūö hī, nö hòṅ ṙānyen hī Anga-aṅ, nö ṙā-ang i nup tökööl nö ṙòkhöre, ngaich ahetlen hī nö in re öi tarik amin Ò, kalēḵĕlōn i tö löök la-en.

KALATĪ 3:13

Ṙānyu in tö Kristū ṙā-ang im ötinkôlò aṅ im chöngö; vītöre Anga-aṅ nö pòkūö hī nö ötkôlò: pòn ngö kinūichngö, Tötkôlò yin vē tökilölhak nö irōi chōn:

T. YÔHAN 14:31

Yih pöri anga-aṅ, hòṅ ngih panam nö akahalōn tö Chu hāngenlōn töm Yöng; ngaich sā ngam Yöng; nö tölṙô Chu, ngatī Chū-ö Choholre; ta-a töi ngaich.

INCHŌḴ-OṘÔ 15:33

Ngam pinhë-eṅkūö tö ngam Mā Tēv inköphöti im mikah, urĕh inrē ngam yanāchö tö ineū-eu.

T. YÔHAN 15:10

Yē yīö haköp në chöngö Chu, höngngöh min yī-ö im hanāngenlōn Chu; sā Chu Chū-ö haköp në chöngö ngam Yöngre ngaich höngngöh im hanāngenlōn Ò tö Chu.

T. MËTIV 26:42

Hēk Anga-aṅ, im innët heuh, nö kiröönngöre; ngaich ve-ekūötēv, nö ngö ṙô, Kayöngö; yē ngih nö öt kô nö chööḵngö, nö öt ôkö tö Chu; höng sā lōn Meh yēḵ ngaich.

Salmai 22:16

Havīlöng chin tö në am kalōngi kūö chin tö vē töla-evṙen tö tötlöök: tufunngö eltī chu yin, uk röön chu inrē.

I. CHÖNGÖ 21:23

Öt ngöh min öp alaha ò nö i rōi chōn nö hĕng mitööm, lāpngen ò pöri më-eṅ im sakāmö angū-ö; (Pòn töt kôlò anga-aṅ nö im Tēv ngam tökiseūti;) hòṅ meh öt hachōichngö ngam panamre ngam kahëtö ngam Tēv meh ngam Mā Tēv nö in meh nö amin meh,

T. MËTIV 17:2

Ngaich haṙī-ingre mineūkö Anga-aṅ nö i kūö cha; sā yanāngö mat tavūöi, ök kūö Ò; sā in soho hanāṅtö nuk hilā Ò.

T. YÔHAN 4:34

Ngaich ngö rô Yēsū tö cha, Ngam la-en lōn ngam tamīnten Chu, angū-ö an nya-aṅ Chu; ngam kinheūṅtngen ngam la-en Ò inrē.

T. LŪKÖS 9:29

Ngaich hē Ò nö ṙòngmö ve-ekūötēv, ngaich haṙī-ingre ök kūö Ò nö isoh, pachālamat inrē.

HEPRĀI 12:4

Öl yin kô-òiny mahām tī, öi lā-al ngam tökööl: