Biblia Todo Logo
Bib sou entènèt

- Piblisite -




FILIPĪ 2:7 - TÖHET LĪPÖRE (Re-edited) Bible (BSI)

7 Kēḵngöre pöri Anga-aṅ, ngaich kēḵ inlaha mahalanṙen, fötnyuvö nö sā tarik.

Gade chapit la Kopi




FILIPĪ 2:7
31 Referans Kwoze  

Pò yīö akahalōn tö ngam inlōnti aṅ im Mā hī Yēsū Kristū, tö Ò nö pòrô nö tö kôlò, ngaich pò kūö hī nö vīngöre nö tötkôlò, hòṅ yīö lökten im ötkanôlò Ò vītuṙen kôlò.


Sā ngòh Kūön Tarik nö yih, rö-ö nö tö meūken, mameukṙen pöri ane inrē kamëtö nômöre, nö ṙāi tömaṙôngö.


Ngaich ngam Ṙô nö vīngöre nö tarik; ngaich iyöng in hī, tööḵlö tö hanāngenlōn kanô-en inrē. Ngaich meuk kanôlò Ò ayī-ö, sā kanôlò ngam töng hĕng maneuk kūön ngam Tēv.


Pò ngam öt kanô-òṅ nö la-en ngam chöngö, nö kūö e nö öt kalēḵen lökngen ngam alaha, tīnhöti ngam Tēv tö ngam Kūönre nö sā inlahen tarik tö īnu tö tökööl ngaich öthakôlò ngam tökööl nö im alaha:


Hē sanölta ngam ṙētak pöri, tīntö ngam Kūönre ngam Tēv, kayôḵnyu tö kikānö, kayôknyu nö elkatòh ngam chöngö;


Pò hī öt īnu tö mākūö kūönṙô, tö ngam töt hōḵ nö öt akahaiṙen nö lūölka tö öt kumlēḵen hī: tö ngaich pöri Anga-aṅ nö kalaha nö keuheūttöre lā-a löktö, nö sā hī, öt īnu pöri tö tökööl.


Tön öt höng haṙamlōnre an Kristū; sā kinūichngö e pöri nö ngö, Fuk in chu nun minë inyëḵngen meh tö cha.


Meuk ṙòng kanihngen an min nö ellōnre ngaich tööḵönglōn; lökten ngam in ò inkaha ngam tölöök min, ngam tarik chu, nö pōyen vahīten tö tölöök; ngaich anga-aṅ inrē min nö keun nup tökööl cha.


Hatīönken Yēsū, ngam yöngṙen, mahateungngö ngam ṙinātö ellōn nö in hī, ngam kūö ngam ṙanāmölōn tö ṙātu nö i kūö Ò, keun ök töhakālö hayëḵngen ngam sinrōngkūö, ngaich ūichngöre nö lahāmö ngam kantēra ngam Tēv.


Achīö ṙöng ap töpōyö ngam amūichhak nö nyā, ngam mameukṙen ò ṙöng? Röh ang nö ngam amūichhak nö nyā? El ṙôngö yīö pöri Chū-ö Öich höng sā mameukṙen.


Tön ngö ṙô chin tö yīö, tö Kristū; nö vītu nö mameukṙen vē tö tunyīnyi, kūö kanô-en ngam Tēv, hòn haköpka minë kinlēḵngô, tö kētu nö i yik muvöhngö hī.


Ngam nehngenre nö öt sā ngam Tēv, öt kaheuktö e nö raneushö töt ṙanāngen, nö hĕngren töm Tēv;


Meuk ngam tarik chu, ngam ṙahapkö chu; katöllö chu, in ò ap kumchiklōn chu: in ò tī chin tö ngam töhet fanöinylö chu; kētö inkaha fālen an min nö in vē pumnāmö tarik.


Höng kamlökö pöri chū-ö, öt tarik: minṙēngö tarik, töt hakūökaṙen tö tarik.


Ō kikānö Sīyôn, kiröngen inṙamlōn man; hū-a man, Ō kikānö kūön Yērusalem: yĕh meuk, yih an ngam rācha meh nö in meh tölöök an, aṅhaṅv-in inrē tö inyööken; yāich an i uk kötta an, i uk kūön kötta inrē.


Yĕh meuk ngam mahalanṙen Chu, ngam katöllö Chu, hanāngenlōn Chu; in Ò Chin ṙāmölōn takô. I kui Ò. Tī Chin min tö ngam töhet Faöinylöre; ngaich Anga-aṅ mīnö nö ve-eny kanô-en, i yip tahëg mihëṅṙö tarik.


Köpölōn tö yip töhakövö, sā tö halöki hol cha: cha-a yip tötlēkaṙen, sā mī-im alaha cha inrē tölōnre.


Inlahen ngam kūön Ò, ngam tö fötnyu nö löklörit Tāvit sā ngam alaha,


Ngaich ngö ṙô Anga-aṅ tö cha, Kô ap Ēlaicha nö urĕh tö yihih, ngaich halēn taṙòkhöre. Ngaich Sitih kinūichngö ngòh Kūön Tarik, tö Ò nö ötkôn rö-ö nö pōiyen kanihngen, sōḵovö inrē?


Ō Yôsuā me-eṅ mākūö kūönṙô, hangihtöre, me-eṅ tö më holmeh inrē më amūchhaka nö i kūö meh; tön tarik yin nö minkahngö; yĕh meuk, pò chu min kēnyö öp tarik re öp Pak.


Ngaich unôichrit nup tötafūöl anāi nët afta, öp töhachāmö kui min nö rökiṙen, ngaich rö-ö nö aṅhaṅv-in min; ngaich yip tarik öp kūön rācha öp yamih min nö tīṙōlngö ngam elpanam tö ngam töhet chūök inrē. Kumtö ṙanööingö öp manāngen e min, ngaich söl ip manāngen min öp kinyūngö umuh; pinyāingö, öp chöngö.


Ngaich ngö ṙô anga-aṅ tö chu, Kūön alaha chu man; Israĕl, ngam chūök ineū-eu chu min.


Pò ò nö harātu lökten im öt kumlēḵ, sön Anga-aṅ nö aṅ lökten i minhôiṅyö ngam Tēv. Pò hī ayī-ö inrē öt kalēḵen in Ò, aṅ pöri min ayī-ö hol Ò lökten ngam minhôiṅyö ngam Tēv nö lā in yīö.


Swiv nou:

Piblisite


Piblisite