FILIPĪ 2:6 - TÖHET LĪPÖRE (Re-edited) Bible (BSI)

⁶ Ngam nehngenre nö öt sā ngam Tēv, öt kaheuktö e nö raneushö töt ṙanāngen, nö hĕngren töm Tēv;

FILIPĪ 2:6 Referans Kwoze

T. YÔHAN 5:18

Angū-ö lökten yik Yahūti nö ṙuhöllōnre nö hòṅ fëlngen Ò; pò Ò nö öt höng filalngö ngam töhet sakāmö, tön Yöngrevö ṙô tö ngam Tēv, vīlöre inrē nö sā ngam Tēv.

2 KÒRIN 4:4

Yip tö tilupi ellōn, tö öp tēv ngih panam, töt ṙamātö ellōnre, pòn sōtu nö malīlöng nö in cha, ngam hanātö ngam kanôlò Kristū, ngam insā ngam Tēv.

HEPRĀI 1:3

Pòn Anga-aṅ yanëichö ngam kanôlò, kintān tö ngam Tēv takô inrē; kumṙapkö në taṙòkhöre chehen, lökten im minhôiṅyö ṙôre: keuheūtheṙen nö söichngö në tökööl ngaich ūichngöre nö lahāmö ngam kanôlò lātulöng.

T. YÔHAN 17:5

Yĕh pöchö, Ō Kayöngö, hapōilen Chu man inrē, tö ngam kanôlò Chu misī in Meh, urēhĕkūö ranehlö ngih panam.

INMEUKHÖMAT 21:6

Ngaich ngö ṙô Anga-aṅ tö chu, Ngaich nun nö yih. Chū-ö chin Alfa, Omeka inrē, ranehlö, manā-aṅ inrē. Kē-ĕkūö ngòh tö haṙëhe nômö Chin min tö aṅ ngam tö hëmlö mak nômö nöng öt ṙāiyu.

T. YÔHAN 10:30

Hĕng An Āyö, tö ngam Yöng.

Isayā 9:6

Pòn in hī öp hĕng tak nyīö nö fötnyu, in hī öp kikōnyö nyīö hĕng tak nö kētu; ngaich elranôṙö ò min öp inyöngö: kaheūkö inrē min öp mine-eny ò nö Pinngangkūö, Mahalēn, Tēv Tökeuheūttöre Chöngö, Yöng Tö-örheūheu-aṅ, Rācha kūö Lanāmö.

HEPRĀI 13:8

Hĕngren An Yēsū Kristū tök vahë, tötaheui inrē, hôṅ, örheūheu inrē.

T. YÔHAN 10:33

Ngaich yik Yahūti nö ngö ṙô, nö sapṙô Ò, Rö-ö in kūö tölöök la-en, hòṅ kulehe Meh; tön kūö ötlinëkô; pò Meh Me-eṅ, höng tarik, ngaich vī-ire Öm Tēv.

MAIKA 5:2

Me-eṅ pöri, Petlihem Efrata, öm tökūöṅnö in yip tököṅnyu i Yūtā, hĕng tak ap min lamöknyö in meh nö yih nö in chu nö mahayöngö Israel; ṙameū-eung i tö misī ap kinröngö ò, nö ṙameū-eung im töt chanūhuvṙen.

RŌMA 9:5

Tömuvöhnguvö tö yik lökngörit Kristū nö sā tarik, ngam i kui taṙòkhöre, tökôlò Tēv örheūheu. Āmen.

Isayā 7:14

Lökten an ngam Mā min nö kē-ĕkūö yīö tö minkahngö. Yĕh meuk hĕng tak öp min töt chô-òv rēlö pumrūkö nyīö, ngaich kayôḵnyö kikōnyö nyīö, ngaich kaheuk minë-eny ò min nö Immanuĕl.

1 TIMÒTĪ 3:16

Kiröng an ngam öt mikahkūö aṅ im lanöökö, öt kilka nö ṙô; Anga-aṅ ngam tö hameuktu nö im alaha, hameuktu nö ma-alaha nö tölöök, meūkö tö ma-ahānga, ahangka i vē tarik, in Ò nö ṙātö ellōnre vē aṅ ngih panam, kēḵlöngö im kanôlò.

T. YÔHAN 20:28

Ngaich ngö ṙô Tômös, nö sapṙô Ò, Mā Chu, Tēv chu inrē!

T. YÔHAN 10:38

Yē Chu pöri la-evṙen tö u, pòrô yī-ö öt ṙātö ellōnre in Chu; ṙātö ellōnre pöri i nëla-en; hòṅ yīö haköp. Akahalōn inrē tö ngam Yöng nö in Chu, im Yöng Chū-ö inrē.

HEPRĀI 1:6

Ngaich hēk hē Ò nö kēhöt ngam lanòh nö ing panam, ngö ṙô Anga-aṅ, Hökngen vē taṙòkhöre ma-ahānga ngam Tēv nö afukngöre nö i kūö Ò.

TAITÖS 2:13

Hatīönkö ngam tökôlò mineūka, ngam tökôlò inrē mineūkö ngam Yöng Tēv hī, Mahayööken inrē Yēsū Kristū;

T. MËTIV 1:23

Yĕh meuk; ap tötchô-òv rēlö min puyōsö: kikōnyö ap min nyīö töfötnyuvö; Immānu-el invëka ap min Mine-eny Ò, tö cha. “Höltöṙah hī An ngam Tēv” töngö manah an ngam ṙô “Immanū-el.”

T. YÔHAN 14:9

Ngaich Yēsū nö ngö ṙô tö ò, Röh Öich ngaich marô-òten in yīö, ngaich öl hòng me-eṅ akahakūö tö Chu Filip? Ngòh mameūkö Chu, ngaich meuk ngam Yöng inrē. Sitih öm ngö ṙô Hameukhömat ih töm Yöng?

YERIMIĀ 23:6

Hayöökaṙen min Yūtā i nup sakāmö ò, iyöng min inrē Israel nö köp. Ngih öp min minënyö ò nö havëka: Ngam Mā Tēv an lanöökö hī.

Isayā 8:8

Ngaich anga-aṅ min nö lāp röön re nö chuh Yūtā; taṙēchlöngö min anga-aṅ nö lökngö umuh; söllö min anga-aṅ nö i likeun, ngaich ngam innyāṅknyö saneòk ò min nö töö-öl tī tö ṙôktö ngam panam meh, Ō Immanuĕl.

HEPRĀI 1:8

Ngö ṙô pöri Anga-aṅ töm Kūön, Höng tö örheūheu an ngam kantēra Meh, Ō Tēv; ngam tinkung ngam lanöökö an, tinkung ngam pūlngö Meh.

T. YÔHAN 5:23

Pòn hōtu taṙòkhöre tarik nö ha-öiny ngam Kūön, sā cha nö ha-öiny ngam Yöng.

SAKARIĀ 13:7

Ō fël, chōholre man lāḵlö öp yōm pököre chu, lāḵlö öp tarik inrē öp hol chu, ṙô ngam Mā Tēv yip töma- ṙôngö. Hachök ap yōm pö- köre, ngaich parātiyö min nup sīṅp; ngaich chū-ö min havāngtö këlre i nup kuöṅnö.

T. YÔHAN 14:28

Hang ṙô Chu yin ngaich tö yīö, Kiröönngöre Chin; ngaich yih min in yīö. Yē yīö hāngenlōn tö Chu, ṙamölōn yī-ö öre, pò Chu chuh im Yöng; pò ngam Yöng nö mööḵlö tö Chu.

T. YÔHAN 1:18

Rö-ö nö hĕng tak tarik mameuk ngam Tēv nö ngaich. Ngam töng hĕng maneuk Kūön, ngam mi-im Yöng, Anga-aṅ vame-eny.

1 TIMÒTĪ 1:17

I ngam Rācha tö örheūheu-aṅ, töt chahū-uyö, töt maneūken, töng hĕng nö Tēv, ineū-euṅ, kanôlò yēḵ örheūheu. Āmen.

2 KÒRIN 8:9

Pò yīö akahalōn tö ngam inlōnti aṅ im Mā hī Yēsū Kristū, tö Ò nö pòrô nö tö kôlò, ngaich pò kūö hī nö vīngöre nö tötkôlò, hòṅ yīö lökten im ötkanôlò Ò vītuṙen kôlò.