FILIPĪ 2:30 - TÖHET LĪPÖRE (Re-edited) Bible (BSI)

³⁰ Pò ò nö öhta nö im kinpaha tökūö la-en Kristū, hakihten ngam nômöre nö meukṙen nup töhāṅten im mineukṙen chu tö yīö.

FILIPĪ 2:30 Referans Kwoze

1 KÒRIN 16:17

Ṙāmölōn chin tö yanihihh Satēpānas, Fòtunatös, Akaikös inrē: pò cha nö meukṙen nup tö hāṅten nö in yīö.

FILIPĪ 4:10

Kiröng pöri ap ṙanāmölōn chu im Mā, pò yīö möl havanlö lōnre tö chu; kô-en yin afēḵa, rö-ö pöri löktuṙen.

INLAHEN 20:24

Rö-ö ön ngih nômö chu nö tö pōi ṙāi tö lōn chu, öt tökôlò inrē nö in chu; höng yē chu keuheūten tö ngam la-en, taneūngen chu aṅ im Mā Yēsū, ngam inhangkö ngam tölöök inhānga, ngam inlōnti aṅ im Tēv.

FILIPĪ 4:18

Keuheūttöre aṅ in chin, kôlò inrē: tööḵngen chin, pò chu teūngen in Epafròtitös tö nup sahöömtö yīö, tö tahūsa tinôngö, töhōḵovö tökētū, ṙanāmölōn nö im Tēv.

2 KÒRIN 12:15

Kiröṅngö ṙānāmölōn chin, keuheūthang, keuheūtiṙen inrē tö kūö nup nômö yīö. Yē chu pōyen hanāngenlōn tö yīö, ngaich kūöṅnen hananghuṙen hòng?

INMEUKHÖMAT 12:11

Ngaich mihôiṅ cha-a, lökten i mahām ngam pököre, lökten ngam ṙô inhangkö Ò tö cha. Öt ma-iṅ nômöre cha-a nö im kinpaha.

FILIMÒN 1:13

Ngam yahikngö chu öich hôṅ ma-iṅhan nö in chu, hòṅ ò nö ṙënngen meh nö meukṙen chu im inkövö aṅ im tölöök inhānga:

FILIPĪ 2:27

Pòn kô anga-aṅ nö vahavö, öhta nö im kinpaha: aheūkölōn pöri ngam Tēv tö ò; öt höng in ò, tön in chu inrē, hòṅ chu öt haṙömö tö miṙivlōn,

FILIPĪ 2:17

Hôṅ, yē chu kētu im tökētu ane inrē mineukṙen ngam mikah yīö, ṙāmölōn chu-ö, ṙāmölōn hòṅ hol yīö ṙòkhöre:

1 KÒRIN 16:10

Yē Timòtī pöchö nö yih nö in yīö, meūkan un pinhe-evkūö nö in yīö; tön la-evṙen ap tö la-en ngam Mā, nö sā chu chū-ö: un tarīku lökten tömiyëḵ tö ò.

1 KÒRIN 15:53

Pò ngih tö chahū-uyö alaha nö hòṅ kēḵ ngam tötchahū-uyö; ngih tökapah min alaha inrē, nö hòṅ kēḵ ngam tötkinpahavö.

RŌMA 16:4

Nap ṙamātö likeunre nö ṙënngen ngih nômö chu, nap tö ha-öinyö tö chu öich öt höng chu-ö, tön ṙòkhöre yip māṅ i yip Tahëng mihëṅṙö:

2 KÒRIN 4:12

La-evṙen an ngam kinpaha nö in ih, nômö pöri in yīö.