FILIPĪ 2:29 - TÖHET LĪPÖRE (Re-edited) Bible (BSI)

²⁹ Lökten hōḵen ò im Mā holtö ṙanāmölōn, ṙapkö töngatī i milēḵṙen:

FILIPĪ 2:29 Referans Kwoze

1 TIMÒTĪ 5:17

Hökngen yip mahaköphöti, yip tölööken nö hayöng nö kaheuktu i tö nët ineū-euṅ, möthë cha-a tö yip tövahī-ivṙen nö im ṙô, i inköphöti inrē.

1 TÖSALÒNIKĒ 5:12

Kahōlö, vë-ekūö yīö pöri īhö, hòṅ yīö akahakūö tö cha yip töla-evṙen nö in yīö, yip yöngṙen yīö im Mā, yip vamëken yīö inrē;

1 KÒRIN 16:18

Pò cha nö hangëḵel ellōn chu, tö yīö inrē: lökten yin akaha cha yip tö ngatī.

RŌMA 16:2

Hòṅ yīö hōḵen ò im Mā, sā hinôḵòṅ töhet, hòṅ yīö holṙen ò, i nup yô-òv lōn ò nö hòṅ hōluṙen tö yīö: tön hamòlṙen tömaṙôngö an, holṙen chu chu-ö inrē.

2 KÒRIN 10:18

Tön öt hōḵov ön ngòh ameūköre, höng ngam aheūkö ngam Mā.

1 KÒRIN 16:10

Yē Timòtī pöchö nö yih nö in yīö, meūkan un pinhe-evkūö nö in yīö; tön la-evṙen ap tö la-en ngam Mā, nö sā chu chū-ö: un tarīku lökten tömiyëḵ tö ò.

3 YÔHAN 1:10

Lökten, yē chu yih, fēḵlen yīö min tö nup la-en ò, nup vahīṙen ò, vë-eng uk nang hī tö töchökhuṙô: öt tööḵngen tö e, ötrēhĕn anga-aṅ nö hōḵ, tö yip hol hī, acha-a inrē yip tötāhai tö ò, ahōnyu inrē nö ṙā-ang im māṅ.

HEPRĀI 13:17

Hang chöngö yip mahayöngö yīö, hökngö lōn cha: tön aṅtö minë nômö yīö yip, nö sā yip mahameuktö kinṙötöre min; hòṅ cha nö la-evṙen nö holtö ṙanāmölōnre, tö holtö inlöinyöre: tön öt tö kanôluṙô an sin nö in yīö.

KÒLÒSĪ 4:10

Salāmö yin tö Aristakös ngòh hol chu nö hakövö, tö Mākös inrē, ngòh kūön kanānö Parnöpas, (ngam hinôtö yīö tö chu, höngan yē ò nö yih nö in yīö),

2 KÒRIN 7:2

Luvënyö kūö ellōnre yin in ih; öt tarīku tö chök tö tī ih, öt tarīkuvö tö hachōichi tö ih, öt tarīkuvö tö hakeūṙiṙen tö ih,

RŌMA 10:15

Sitih inlahen aich min nö mikahten, yē cha nö öt tīntu? Sā kinūichngö e nö ngö, “Iṙën vanāyö röön aich vē ma-ahangkö ngam kumchikṙen, tö kumtö ngam tölööḵ inhangkö tölöök inrē!”

INLAHEN 28:10

Yik tö pōyen tī nö hakôlò ih; ngaich hē ih chuh, ngaich chaplö aṅ ih cha-a, tö nuk hanāṅten ih.

INLAHEN 8:8

Ngaich pōyen ṙanāmölōn cha-a nö im panam.

INLAHEN 2:46

Örheūheu nö kamnipkūö nö hamūlöre, nö el ngam töhet chūök; fòk ròtī inrē nö i patī; nya-aṅvkūö cha-a nö holtö ṙanāmölōnre, hēngö lōn inrē.

T. YÔHAN 13:20

Tökô-ò ṙô Chin tö yīö, Ngòh hamôḵòṅ tahīntö chu, hōḵen Chu anga-aṅ, ngòh hamôḵen Chu, hōḵo ngam tamīnten Chu.

T. LŪKÖS 9:5

Ngaich yē ṙôngö yip samôḵen yīö yē yīö pöchö kiröönngöre ṙāngö ngam panam, pitōngngö pitung kunröönre pöichö, minkahngö cha.

Isayā 52:7

Yöng vanāyö röön ò nö i kui minë rôngö ngam tökumtö tölöök inhānga, ngam pumrātngö lanāmö, ngam tökumtö tölöök inhāṅnga aṅ i tölöök, ngam pumrātngö chūök inyööken, ngam tö ngö ṙô tö Sīyôn, Hayöng an ngam Tēv meh.

FILIPĪ 2:28

Lökten chin mötlö ṙanāmölōn tīnten ò, hòṅ yīö ṙāmölōn yē yīö meukkūö ò hēk, hòṅ chu chu-ö inrē, höhlö tö miṙivlōn.