FILIPĪ 2:27 - TÖHET LĪPÖRE (Re-edited) Bible (BSI)

²⁷ Pòn kô anga-aṅ nö vahavö, öhta nö im kinpaha: aheūkölōn pöri ngam Tēv tö ò; öt höng in ò, tön in chu inrē, hòṅ chu öt haṙömö tö miṙivlōn,

FILIPĪ 2:27 Referans Kwoze

Salmai 34:19

Pōyen kanihngen ön ngòh tölöök: ṙānyen ò pöri ngam Mā Tēv nö ṙā-ang in u nö ṙòkhöre.

FILIPĪ 2:30

Pò ò nö öhta nö im kinpaha tökūö la-en Kristū, hakihten ngam nômöre nö meukṙen nup töhāṅten im mineukṙen chu tö yīö.

2 KÒRIN 2:7

Hòṅ yīö asātöre aṙēlen ò, hangëḵken ò inrē, hòṅ öp tö ngatī nö öt ngeūktu tö kūö yöng miṙivlōnre.

1 KÒRIN 10:13

Öt kinlahavö yin töp tö möthë tö kanô-òṅ tarik. Tökô-en pöri ngam Tēv, ngam töt hō nö halöngten yīö, mötlö kinlaha, tö kanô-òṅ yīö; hē ngam kinlaha min Anga-aṅ nö vītö talöökö öt kanô-òngvah, hòṅ yīö kalēḵ keūnö e.

INLAHEN 9:37

Ngaich vahavö anga-aṅ; ngaich kapah. Keuheūthë tī cha-a nö vōkan; ngaich haṙōlngen ò nö el ök lātulöng urôhò.

NGAM LĪPÖRE YŌP 5:19

Ṙānyen meh an min i nup tö tafūöl kanihngen; im tösat öt lūölka më-eṅ min tö tötlöök.

Isayā 43:2

Yē meh lök el mak, in meh chū-ö min; lök el tahël inrē ngaich anū-ö min nö öthōḵ nö pökngö tī tö meh: yē meh lök kūö tameūyö, ngaich öthō me-eṅ min ökngö; öt rēhĕn min ngam töhū kūö nö pachôllöngkūö nö i kui meh.

HAPAKŪK 3:2

Ō Mā Tēv, hang ineūkö meh chin, ngaich pa-ekūö chū-ö: Ō Mā Tēv, ha-aṅkö ngam la-enre man ël në samyēuheu, el në samyeūheu mikahtöklōn tö e; fēkö miṙēlōn hē el lanīnö.

YERIMIĀ 10:24

Ō Mā Tēv, vëken chu, im tölöök pöri kinlah ṙôken; Un im tanānyö meh, hòṅ meh öt kēten chu im ranö-ö.

YERIMIĀ 8:18

Öt hanlanken an ngam miṙivlōn chu, vahavö fanöinylö chu nö ellōn chu.

Isayā 38:17

Yĕh meuk kūö lanāmö an nö in chu lökten chu kiröngö miṙivlōn: Hāngen pöri me-eṅ tö ngih nômö chu öm ṙānyö e ṙā-ang el anūlö chūök töchahū-uyö: pò meh ngaich kavalngö nuk tökööl chu nö lā-uk chu.

Isayā 27:8

Ip kinlaha ṙôkö, hē meh tīnngörit ò, ngaich lā-al kūö ò me-eṅ; ngaich anga-aṅ nö kēngen ò nö aṅtī tö chanökhuṙenre ip sakāmö kuföt chuhöt.

2 RĀCHA 20:1

I nuk sakāmö anū-ö ang Hësikiā nö vahavö nö hòṅ kapah. Ngaich yihtöre nö in ò ök pròfĕt Isayā kikōnyö kūön Amôs, ngaich ngö ṙô tö ò, Ngö ṙô an ngam Mā Tēv, Halēnngö ngam patī re man; tön kapah man min, öt aṅ inrē.

YERIMIĀ 45:3

Ngö ṙô man yih, Öt kôlò chin chu-ö! Pò ngam Mā Tēv nö ṙūöhten mirivlōn nö i chanökö chu; chei chin tö inlūhure, hö-ö chin kôtökūö tö haneūheu.

FILIPĪ 2:26

Pò ò nö paṙūtalōn tö yīö ṙòkhöre, haṙīvölōn takô, pò yīö hāngan nö vahavö:

FILIPĪ 2:28

Lökten chin mötlö ṙanāmölōn tīnten ò, hòṅ yīö ṙāmölōn yē yīö meukkūö ò hēk, hòṅ chu chu-ö inrē, höhlö tö miṙivlōn.