FILIPĪ 2:26 - TÖHET LĪPÖRE (Re-edited) Bible (BSI)

²⁶ Pò ò nö paṙūtalōn tö yīö ṙòkhöre, haṙīvölōn takô, pò yīö hāngan nö vahavö:

FILIPĪ 2:26 Referans Kwoze

FILIPĪ 1:8

Ngam Tēv An ameūken chu, töṙôken lōn chu tö yīö, sā hanāngenlōn Kristū Yēsū.

EFISÖS 3:13

Sōten yīö chin uha-en i në kanihngen chu tö pòkūö, në kanôlö yīö.

RŌMA 12:15

Ṙāmölōn i tö ṙāmölōn; peuny i yip pameuny.

Isayā 61:3

Kē-ĕkūö yip töhaṙivlōn inrē i Sīyôn tö neūmö ṙënngen tisum, tavī-i ṙanāmölōn inrē nö ṙënngen miṙivlōn, nöinyö inrē kinṙum nö ṙënngen tötkalē-en ellōn; hòṅ cha nö kaheūkö nö ōk chōn lanöökö, nö taheūichtö ngam Mā Tēv, hòṅ ò nö hapōilöngö.

INCHŌḴ-OṘÔ 12:25

Langanhutī an tö ò ngam pinṙūtölōn ngòh tarik, haṙamlōn ò pöri öp tölöök ṙô.

FILIPĪ 4:1

Lökten, kahōlö, hanāngen chu, töpīṙūtka, ṙanāmölōn chu, sapīöv chu inrē, ngatī yin köp sökhaka im Mā, yī-ö hanāngen chu.

RŌMA 9:2

Tö chu öich kiröngen in tö miṙivlōn, öt ṙākenre inrē öp chanökö ellōn chu.

T. MËTIV 26:37

Ngaich ngô-òṅ Pītör Anga-aṅ, nö holre, tö nak tö nët tak kūön Sepetī inrē; kētöre ngaich Anga-aṅ nö haṙivlōn takô, kihngen ellōn inrē.

T. MËTIV 11:28

Ta-ih, yihtöre yin in Chu, yī-ö taṙòkhöre töchei, yī-ö inrē tölangan tö kumre; töich kētö haneuheu yīö.

Salmai 69:20

Lakūkötī öp minṙēngö nö ellōn chu; tööḵngen chin tö lumngan: ngëichkö öp tö-aṙē-ĕlōn chin, öt hĕng tak pöri mahaṙamlōn inrē, öt hĕng tak mahaṙamlōn kanôtö kūö chu.

2 SAMUĔL 13:39

Ngaich ök ellōn ök rācha Tāvit nö kū-ötö in Apsalem: pòn ngaich nö öt miṙīvulōn nö in Amön pò ôn ngaich nö kapah.

1 PĪTÖR 1:6

Ngam chūök yīö pōyen ṙanāmölōn, pòrô öi töngamuh rahëichhangkūö, yĕi hōtuvö, öi miṙīvilōn i tö ṙōlkangen kinlaha,

FILIPĪ 1:3

Ha-öiny ngam Tēv chin, yē chu afēken yīö,

KALATĪ 6:2

Keunhökūö höö yin tö lumnganre, ngaich ngatī hateungngö chöngö Kristū.

2 KÒRIN 9:14

Ngaich cha-a inrē nö piṙūtken yīö nup töpōyen inlōnti in yīö aṅ im Tēv, nö holtö vine-eṅl kui yīö.

1 KÒRIN 12:26

Yĕn pòrô nö hĕng ngam tūmö alaha nö chök, ṙòkhöre ngaich minë tūmö alaha nö hol e nö chök; hĕng ngam tö eū-eu, ṙòkhöre ngaich minë tūmö alaha nö ṙāmölōn nö hol e.

RŌMA 1:11

Tön paṙūtalōn chin hòṅ meukkūö yīö, pò chu hòṅ kētö ngam inlōntö ma-alaha in yīö, hòṅ yīö köp;

INLAHEN 21:13

Ngaich ngö ṙô ang Pôl, Kūöyòh öi peuny ane inrē miṙivngölōn chu, öi ngatī, yē chu tölēnen, öt höng tönyëkö, tön kapah inrē, i Yerūsalem, töpòkūö Mine-eny ngam Mā Yēsū?

NGAM LĪPÖRE YŌP 9:27

Yē chu ngö ṙô,Vaichngö ök vahë-enyre chin min, ngaich chū-ö min ṙāngö anūnökūö re ngaich ṙāmölōn,

2 SAMUĔL 24:17

Ngaich Tāvit nö vë-ekūö ngam Mā Tēv hē ò nö meuk ök ma-ahānga ök famëlngö yik tarik, nö ngö ṙô, Yĕh meuk, chū-ö chin tököölö fālen, chū-ö inrē töminôṙô: në sīṅp pöri, asuh ap tī u anū-ö? Vë-ekūö meh chin in chu an yēḵ ngam kël meh, i patī ök yöng chu inrē.

FILIPĪ 2:25

Öt ṙanāngen pöri tölōn chu ngam tinīntö Epafròtitös nö in yīö, ngam kisānö chu, hol chu tö la-evṙen, hol chu kumyung, ma-aṅhangken yīö inrē, mameukṙen chu inrē tö nup töhāṅten;

FILIPĪ 2:27

Pòn kô anga-aṅ nö vahavö, öhta nö im kinpaha: aheūkölōn pöri ngam Tēv tö ò; öt höng in ò, tön in chu inrē, hòṅ chu öt haṙömö tö miṙivlōn,