FILIPĪ 2:2 - TÖHET LĪPÖRE (Re-edited) Bible (BSI)

² Hateungngö ngam ṙanāmölōn chu, hòṅ yīö hĕng re ellōn, īnu töm angū-ö hanāngenlōn;

FILIPĪ 2:2 Referans Kwoze

RŌMA 12:16

Hĕngren ellōn yin yēḵ in höö. Un lōn tö tötāilö chehen, hōḵ pöri tö chehen tö taṙeūḵ. Um akaha im hanāngenre töre.

1 KÒRIN 1:10

Kahōlö, ve-ekūö yīö chin töngamuh, lökten i ngam mine-eny ngam Mā hī Yēsū, hòṅ yīö ṙòkhöre hĕngre ṙô, hòn öt inrēvngörevö nö in yīö; hòṅ yīö pöri teung öi mūl im töhĕng ellōn, ngam töngatī inrē inkaha.

2 KÒRIN 13:11

Manā-aṅ, kahōlö, salām. Hateungtöre yin yēḵ; hangëḵeṅre yēḵ; hĕngre ellōn yēḵ; iyöng im lanāmö: ngaich ngam Tēv hanāngen min, lanāmö inrē, nö holtöṙah yīö.

3 YÔHAN 1:4

Hö-ö chin tösamötngörevö ṙanāmölōn tö ngih, öich hang yip kūönre nö lök im kanô-en.

FILIPĪ 2:16

Kiṙapkö ngam ṙô ngam nômö; hòṅ chu löknyuvö ineū-euṅ hē ngam sakāmö Kristū, öich öt töchök alaha röön fal, öt töchök alaha la-evṙen inrē.

INLAHEN 2:46

Örheūheu nö kamnipkūö nö hamūlöre, nö el ngam töhet chūök; fòk ròtī inrē nö i patī; nya-aṅvkūö cha-a nö holtö ṙanāmölōnre, hēngö lōn inrē.

2 YÔHAN 1:4

Pōyen ṙanāmölōn chin, töre öich kôtökūö tö yip rīkre kūön meh nö lök im kanô-en nö sā ngam chöngö taneūngen ih ṙeū-eung im Yöng.

2 TÖSALÒNIKĒ 2:13

Örheūheu pöri īhö ha-öiny ngam Tēv töpòkūö yīö, kahōlö, hanāngen ngam Mā, pò ngam Tēv nö atöllen yīö ik raneh im inyööken inhetlö aṅ im Töhet Fanöinylö, im ṙinātö ellōn inrē im kanô-en:

KÒLÒSĪ 2:5

Tön pòrô chin rö-ö ing alaha, ṙāmölōn, hatīönkö lanënö yīö inrē, ngam kanöpö ngam mikah yīö inrē in Kristū.

FILIPĪ 4:2

Halēnö Yū-ötiā chin, halēnö Sintĕki chin inrē nö hĕngrelōn nö im Mā.

FILIPĪ 2:20

Pò chu öt īnu tö tarik tö sā ellōnre, öp tökô-en chumkūökṙen tö inlahen yīö.

2 KÒRIN 7:7

Öt höng ngam yanihih ò tön ngam ṙinuhöl alaha inrē, ngam ṙinuhöl alaha ò tö yīö, hē ò nö vë-eny nang ih tö ngam mineūka tö yīö, miṙivlōn yīö, kumlēḵ lōn yīö in chu; lökten chu ṙuhölre ṙanāmölōn,

2 KÒRIN 2:3

Ngaich kūich tö e chu-ö angū-ö, hòṅ chu öt miṙīvulōn in cha, yip chūök chu ṙāmölōn, ik hē chu yih; nyanatluvö chin in yīö ṙòkhöre, tö ngam ṙanāmölōn chu nö ṙanāmölōn yīö ṙòkhöre.

INLAHEN 5:12

Löktö eltī yik tanīnöṙô, nuk töpōyen minkahngö, pinngangkūö inrē, tī cha nö i yik tarik. Ngaich cha-a nö ṙòkhöre nö hēng mūl nö el ök rittūi Sòlòmön.

INLAHEN 1:14

Ṙòkhöre cha-a vē nö hamūlöre, kamnipkūö nö ve-ekūötēv, holtö yik kikānö, Mariā inrē ök yöng Yēsū kikānö, tö yik kahëm Ò inrē.

FILIPĪ 1:4

Örheūheu i nup ṙô chu vë-elkui yīö ṙòkhöre, holtö ṙanāmölōnre vë-elkui yīö;

T. YÔHAN 3:29

Ngam tö īnu tö ngam kikānö töhapīhö, ngaich anga-aṅ kikōnyö töpīhövö. Ngam hol ngam kikōnyö pöri töhapihö ngam samökhaka nö hang ṙô ò, pōyen ṙanāmölōn tö kūöṙô ngam kikōnyö töhapīhö. Ngaich chin tööḵlö, tö e, angū-ö ṙanāmölōn.

2 TIMÒTĪ 1:4

Paṙūtalōn hòṅ meukkūö meh, fēken nuk mak mat meh, pò chu hòṅ tööḵngen tö ṙanāmölōn;

INLAHEN 2:1

Hē sanölta ngam sakāmö Pentĕkòstē nö yih, hamūlöre cha-a nö hĕng kang chūök,

FILIMÒN 1:20

Hôṅ, kahōlö, hökngen chu man ṙāmölōn in meh im Mā: hangëḵlö ellōn chu in Kristū.

Salmai 122:8

Pòkūö yip kisānö chu nôlö chu inrē, öch ngö ṙô töngamuh: Lanāmö yēḵ in Meh.