FILIPĪ 2:19 - TÖHET LĪPÖRE (Re-edited) Bible (BSI)

¹⁹ Meūka pöri chu-ö im Mā Yēsū tö tinīntö Timòtī nö in yīö öt ṙòktörevö, hòṅ chu chu-ö inrē ṙāmölōn yē chu akahalōn tö inlahen yīö,

FILIPĪ 2:19 Referans Kwoze

1 KÒRIN 4:17

Angū-ö an lökten chu tīnten Timòtī nö in yīö, ap hanāngen chu, tökô-en inrē nö kūön nö im Mā Tēv, anga-aṅ ap min famëlen yīö, tö nup talöökö chu mi-in Kristū, sā ṙô chu haköptö māṅ keuheūtngöre chūök.

1 TÖSALÒNIKĒ 3:2

Ngaich tīnngen Timòtī, ngam hol ih mameukṙen ngam Tēv inrē im tölöök inhangkö Kristū, nö mahaköpngen yīö, mahangëken yīö im mikah;

FILIPĪ 1:1

Pôl Timòtī inrē, töhakövö in Kristū Yēsū, yip taṙòkhöre i Filipī, töhet in Kristū Yēsū, holtö yip Pisköp, Tīkön inrē:

FILIPĪ 2:28

Lökten chin mötlö ṙanāmölōn tīnten ò, hòṅ yīö ṙāmölōn yē yīö meukkūö ò hēk, hòṅ chu chu-ö inrē, höhlö tö miṙivlōn.

YĀKÖP 4:15

Tön ngö ṙô yin öre, Aṅ in min, yē lōn ngam Mā, ngaich vīken ngih, hēk ngī-aṅ.

2 TIMÒTĪ 1:12

Angū-ö lökten chu inrē kihngen tö në; ngaich sön chū-ö öt sirōngkūö; pò chu akahakūö töp chūökre ṙātö ellōnre, ngaich akahalōn chū-ö tö Ò nö kô nö aṅtö yip kahëtö chu in Ò ip sakāmö.

2 TÖSALÒNIKĒ 1:3

Kahōlö, hòṅ örheūheu in ha-öiny ngam Tēv, pòkūö yīö, pò e angū-ö nö tölöök, pòn pōihöl sanīöpö ngam mikah yīö, pōyen inrē ngam hanāngenlōn yīö tö höö nö in yīö ṙòkhöre;

EFISÖS 1:13

In Ò yin yī-ö inrē, ngaich öi hang ngam ṙô kanô-en; ngam inhangkö inyööken, ngaich öi ṙātö ellōnre inrē, in Ò yī-ö haköpi tö ngam Töhet Fanöinylö kinlēḵngô,

RŌMA 16:21

Salāmö yin tö Timòtī ngòh hol alaha chu; vē mak alaha chu inrē, hēḵ Lusīös, Chēsan, Sosipitör inrē.

RŌMA 15:12

Hēk ngö ṙô inrē Isayā, Ṙĕh öp min löklö in Yēsī, öp chamôhòlre nö hayöng vē Tahëng mihëṅṙö; im Ò maheūṅkka min vē Tahëng mihëṅṙö.

T. MËTIV 12:21

Ap Minënyö Ò, öp min maheūṅkkö yip tahëng mihëṅṙö tarik.”

YERIMIĀ 17:5

Ngö ṙô An ngam Mā Tēv, Tötkôlò ap tarik mahayönglenre nö I tarik ngaich vī alaha nö këlre, öp tö ellōnu töp mahavööngökūöre nö ṙā-ang im Mā Tēv.

1 PĪTÖR 1:21

Yī-ö lamökten in Ò ṙātö ellōnre im Tēv, ngam mahachohlen Ò nö ṙā-ang i tökapah, ngaich kētö kanôlò Ò; hòṅ ngam ṙinātö ellōn yīö tö ngam mineūka inrē, nö im Ṭev.

INLAHEN 16:1

Yihtöre ngaich anga-aṅ nö i Törpī, Listra inrē. Ngaich hĕng tak ök mahaköp umuh, Timòti ök minë-eny ò; Yahūti ök kikānö yöng ò.

FILIPĪ 2:18

Ngatī yī-ö inrē ṙāmölōn, hol chu inrē ṙāmölōn.

1 TÖSALÒNIKĒ 3:5

Angū-ö lökten chin inrē tīnhöti, pòich hòṅ akahalōn tö mikah yīö, hē chu ötkô hökhangen, yē ngam kamlah nö kalaha yīö, ngaich ngam la-en ih nöng chanök alaha.