FILIPĪ 2:17 - TÖHET LĪPÖRE (Re-edited) Bible (BSI)

¹⁷ Hôṅ, yē chu kētu im tökētu ane inrē mineukṙen ngam mikah yīö, ṙāmölōn chu-ö, ṙāmölōn hòṅ hol yīö ṙòkhöre:

FILIPĪ 2:17 Referans Kwoze

2 TIMÒTĪ 4:6

Tön ngaich chin ha-ehangvah kētu, yih an nö ngaich ngam hēngörit chu.

RŌMA 15:16

Pò chu hōtu mameukṙen Kristū Yēsū i vē Tahëng mihëṅṙö, mineukṙen ngam tölöök inhangkö ngam Tēv, hòṅ ngam kinëtö yip Tahëng minhëṅṙö nö tö hō-ovö, nö tö ahetlöngö tö ngam Töhet Famöinylö.

2 KÒRIN 12:15

Kiröṅngö ṙānāmölōn chin, keuheūthang, keuheūtiṙen inrē tö kūö nup nômö yīö. Yē chu pōyen hanāngenlōn tö yīö, ngaich kūöṅnen hananghuṙen hòng?

KÒLÒSĪ 1:24

Ṙāmölōn chin i në kanihngenre tö pòkūö yīö, ngaich haṙënngö ngam töhāṅten chu-ö kanihngen Krsitū ing alahare, pòkūö ngam alaha Ò, ngih māṅ;

FILIPĪ 1:20

Sā ngam tökô maheūṅkkö chu, mineūka inrē, hòṅ chu öt sinrōnguvökūö i tö hĕng, öt tinrūṙuṙen pöri, sā tö-örheūheu, hameuktu An töngamuh inrē Kristū nö ing alaha, chu, yĕn im unhôṅmö chu hēk im kinpaha chu.

2 KÒRIN 7:4

Kiröng an ngam öt pinyū-uṙô chu in yīö, kiröng an ngam ineū-euṅ chu tö pòkūö yīö: tööḵlö chin tö ṙinuhöl alaha, taṙēchi chin tö ṙanāmölōn i nup kanihngen ih.

1 YÔHAN 3:16

I ngih, pò Ò nö kēḵngö nômöre tö pòkūö hī. Ngaich hòṅ kēḵngö nômöre ayī-ö töpòkūö yip holre.

RŌMA 12:1

Kahōlö, lökten chin vë-ekūö yīö, lökten i minë neūkölōn ngam Tēv, öi kētö minë alahare, tökētu nö tö aṅ, töhet, tö hōḵovö tö ngam Tēv, nö aṅ im töhet tī yīö la-en.

1 PĪTÖR 2:5

Yī-ö inrē, sā tö-aṅ ihong, öi mānlöngö i ngam aṅ i töhet patī, öi töhet, mameukṙen, öi kētö aṅ i töhet tökētu, töhōḵov tö ngam Tēv lökten Yēsū Kristū.

1 TÖSALÒNIKĒ 2:8

Ngatī ihö ṙāmölōn kē-ĕkūö yīö, öt höng ngam tölöök inhangkö ngam Tēv, tön në nômö ih inrē, pò yīö ngaich hanghuṙen tö ih, öi aheuk hòṅ īnu tö yīö.

FILIPĪ 4:18

Keuheūttöre aṅ in chin, kôlò inrē: tööḵngen chin, pò chu teūngen in Epafròtitös tö nup sahöömtö yīö, tö tahūsa tinôngö, töhōḵovö tökētū, ṙanāmölōn nö im Tēv.

FILIPĪ 2:30

Pò ò nö öhta nö im kinpaha tökūö la-en Kristū, hakihten ngam nômöre nö meukṙen nup töhāṅten im mineukṙen chu tö yīö.

INLAHEN 21:13

Ngaich ngö ṙô ang Pôl, Kūöyòh öi peuny ane inrē miṙivngölōn chu, öi ngatī, yē chu tölēnen, öt höng tönyëkö, tön kapah inrē, i Yerūsalem, töpòkūö Mine-eny ngam Mā Yēsū?

INLAHEN 20:24

Rö-ö ön ngih nômö chu nö tö pōi ṙāi tö lōn chu, öt tökôlò inrē nö in chu; höng yē chu keuheūten tö ngam la-en, taneūngen chu aṅ im Mā Yēsū, ngam inhangkö ngam tölöök inhānga, ngam inlōnti aṅ im Tēv.

KINṘEŪKÖ 28:6

Tö-iṙūöhen an angū-ö töföngö tökētu, ngam chöngö i kui rôngö Sināi nö tötahūsa, nö im Mā Tēv, lökten i kūö tameūyö.

KINṘEŪKÖ 28:7

Ngam tö-ôkö tökētu ip töhĕng nòng sīṅp, hĕng i töfën i töhĕng hin, im töhet chūök min më-eṅ ṙöhnyö ngam tö-ôkö tökētu i ngam Mā Tēv, aṅ im tökalēḵ.

2 KÒRIN 6:10

Sā tö haṙīvölōn, ngaich sön tö-örheūheu ṙamölōn sā yāich, ngaich maṙôngö tī tö tökôlò; sā töt hĕng mihëṅṙö aṅ in, ngaich sön tö īnu tö tökeuheūttöre.

FILIPĪ 2:18

Ngatī yī-ö inrē ṙāmölōn, hol chu inrē ṙāmölōn.

2 KÒRIN 4:12

La-evṙen an ngam kinpaha nö in ih, nômö pöri in yīö.