FILIPĪ 2:16 - TÖHET LĪPÖRE (Re-edited) Bible (BSI)

¹⁶ Kiṙapkö ngam ṙô ngam nômö; hòṅ chu löknyuvö ineū-euṅ hē ngam sakāmö Kristū, öich öt töchök alaha röön fal, öt töchök alaha la-evṙen inrē.

FILIPĪ 2:16 Referans Kwoze

1 KÒRIN 9:26

Lökten chin chū-ö ngatī röön fal, öt sā töt akahakūö.

KALATĪ 2:2

Kiröönngöre chu-ö löktö i inmeuktö; ngaich ṙātö ngam tölöök inhānga nö ikūö cha, ngam ahangkö chu i yip Tahëng mihëṅṙö tarik, höng ulāikenre pöri i kūö cha yip tö akaha, hôiṅch öt lökngö yô-òv röön fal, hēk chök alaha röön ngaich fal.

1 YÔHAN 1:1

Vë-eny nang yīö in tö ngam Ṙô ngam nômö ngam aṅ im raneh, ngam maheuṅk në mat ih, ngam ngahëichkö ih, ṙēpa inrē në kuntī ih.

2 KÒRIN 1:14

Sā yīö ngaich rahëichyen ahōḵo in ih, tö ih öi ihö ineū-euṅ yīö yī-ö inrē ineū-euṅ ih im sakāmö ngam Mā Yēsū.

T. YÔHAN 6:68

Ngaich ngö ṙô Sīmōn Pītör, nö sapṙô Ò, Mā! Chuh in chīö öi min? I minë ṙô Meh, an ngam nômö tö örheūheu-aṅ.

1 TÖSALÒNIKĒ 3:5

Angū-ö lökten chin inrē tīnhöti, pòich hòṅ akahalōn tö mikah yīö, hē chu ötkô hökhangen, yē ngam kamlah nö kalaha yīö, ngaich ngam la-en ih nöng chanök alaha.

T. YÔHAN 6:63

Ngam ma-alaha an tö aṅhaṅ tī; öt kanôluṙô an ngam alaha. Ma-alaha nun në ṙô Chu tö yīö, nômö inrē.

T. LŪKÖS 12:8

Ngö ṙô Chin inrē tö yīö, i tumtaka vē vamënyen Chu nö i kūö tarik, cha-a min tövënyu tö ngòh Kūön Tarik, nö i kūö yip ma-ahānga kūön ngam Tēv.

HEPRĀI 4:12

Pò ngam ṙô, ngam tö-aṅ, nö panyôta inrē, mööḵlö kaneūtö inrē tö tö-āṅngöre keūtö fël, tafūni tī inrē tö ranangkūö ngam nômö töm ma-alaha, tö nup tanap u nyöre aṅ el tangëḵ, veut inrē nö akah nup lōn, tanutö ellōn inrē.

1 PĪTÖR 1:23

Pò yīö hēk ngaich fötnyu, öt aṅ im töchahū-uyö kulöl, aṅ im töt chahū-uyö pöri lökten im ṙô ngam Tēv, ngam tö aṅ, tö köp inrē.

1 TÖSALÒNIKĒ 2:19

Asuh ṙöng ap, maheūṅkkö ih, ṙanāmölōn, sapīöv ineū-euṅ? Röh öi yī-ö, i kūö ngam Mā Yēsū ip yanihih Ò?

KALATĪ 4:11

Pa-ekūö chin tö yīö, öich höng lökngö yô-òv min chök alaha tī la-evṙen in yīö.

Isayā 49:4

Ngö ṙô pöri chū-ö, Chök alaha tī chin la-evṙen, mëichngö kumlēḵre chin chöö-önytö töng rö-öv chanök alaha: sön pöri öp huneū-en chu nö im Mā Tēv, ap invahal vah chu inrē nö im Tēv chu.

Salmai 71:17

Ō Tēv, löktö kūö nyinī-öṅ chu Man ngaich haköpten chu ngaich chin vë-eny minë pinngangkūö vahīṙen Meh.

INMEUKHÖMAT 22:17

Ngaich ngam Töhet Fanöinylö, tö ngam töhapihö kikānö inrē, nö ngö ṙô, Ta-ih. Anga-aṅ ngam hamang, hökngen ò nö ngö ṙô, Tā-ih. Anga-aṅ ngòh töhaṙëhe nômö, hökngen ò nö yihtöre: anga-aṅ ngòh töhōḵ hökngen ò nö kēḵ ngam mak ngam nômö nö öt ṙāiyutī.

INLAHEN 13:26

Kahōlö, yī-ö kūön Aprahām, yip mī-in yīö inrē tö pa-ekūö tö ngam Tēv; in hī an ngam ṙô inyööken nö tīntu.

T. MËTIV 10:27

Nup ṙô Chu tö yīö el sinngūlö, ṙô-òv yī-ö tö u el hanātö; nup töhiṙeūtka nö el nang yīö, i kui patī yī-ö ahangkö u.

Salmai 40:9

Ahangkö lanöökö chin elṙô-ngö tömaṙôngö: yĕh meuk, öt ma-iṅ ṙôre chin, akahalōn man, Ō Mā Tēv.

1 KÒRIN 1:8

Ngam mahangëken yīö min söl ip manāngen, hòṅ yīö öt vinëkuvö min ip sakāmö ngam Mā hī, Yēsū Kristū.

FILIPĪ 1:6

Ngaich chin nyātölōn takô, tö ngam ramehlö tölöök la-en nö in yīö, ngaich hateungngö e min hanöng saha ngam sakāmö Yēsū Kristū.

FILIPĪ 1:10

Hòṅ yīö hameuktö nup tölöök; hòṅ yīö kô-en, öt īnu inrē tö töchōich, söl im sakāmö Kristū;