FILIPĪ 2:14 - TÖHET LĪPÖRE (Re-edited) Bible (BSI)

¹⁴ La-evṙen tö taṙòkhöre un uyëkuvö, un kil ṙô,

FILIPĪ 2:14 Referans Kwoze

1 PĪTÖR 4:9

Kö haṙūötken höö, un uyëku.

1 KÒRIN 10:10

Uh yin rēhĕn milöh minuhre, sā yik rīkre tö cha; ngaich halëli tö ngam mahalëlhanga.

FILIPĪ 2:3

Un lökten inmūltö i tötlöök, hēk tötöl kanôlò, im inyāichngö ellōn pöri, kö taṙeūḵ tölōnre tö yip tahëng.

YĀKÖP 5:9

Kahōlö, un uyëku in höö, hòṅ yīö min öt kahòkkaṙen: yĕh meuk ngam kamhôṅka, nö sökhaka nö i kūö minë inkūp.

RŌMA 12:18

Yē e nö kô ip tölngö ṙôken e nö in meh, lām i taṙòkhöre tarik.

1 TÖSALÒNIKĒ 5:15

Ngëicha hòn öt hĕng tak tö tītö tötlöök nö invahal tötlöök; örheūheu pöri tömkö ngam tölöök in höö, i taṙòkhöre inrē.

YĀKÖP 1:20

Pò ngam lanīnö ngòh tarik nö öt ṙūönyö ngam lanöökö ngam Tēv.

KALATĪ 5:26

Ta-a, uh in im tötöl ineū-euṅ, öi harunnyö lanīnö höö, kunyahaṅ elmat tö höö inrē.

KALATĪ 5:15

Yē yīö pöri kāpöhöö, kö kā-a höö inrē, haṙēmngenre hòṅ yīö öt keuheūt tö kūö höö.

YĀKÖP 3:14

Yē yīö pöri aṅhaṅv ellōn tö töchōich kumnyahṙen, linā-al inrē, ui eū-eure, ui minyôinyaṅ inrē im kanô-en,

RŌMA 14:1

Hōḵo ngam töt kalē-ĕ mikah pöri yī-ö, uh pöri tökatöngalōn kamilṙô.

Salmai 106:25

Uyëḵa pöri nö el nuk inrūkui re: ngaich öt hang ṙô ngam Mā Tēv.

NGAM LĪPÖRE KAHŪICH YŪT 1:16

Cha-a yin famël tarik, vame-eny miṙivre, tömrit kuilōnre (minë elvāng cha inrē nö ṙôtö yöng ṙô tö föh), hameuktö miṙēre tö tarik, nö chööḵnyö tö taneūngenre.

1 PĪTÖR 3:11

Hökngen ò nö havöötö ukre nö im tötlöök, ngaich la-evṙen tö tölöök; hökngen ò nö chöh kumchikṙen, ngaich tömrit e.

HEPRĀI 12:14

Lām i taṙòkhöre tarik, ane inrē tömkö ngam inhetlö, öt tarīku min mameuk ngam Mā, yĕn öt īnu tö e;

RŌMA 16:17

Kahōlö, ve-ekūö yīö chin, mikahngö yip tö tī-iv tö inrēvngö, nö chööḵnyi fanukngö, tö harīkngöre tö ngam haköp yīö inköphöti: havööngö kūöre tö cha.

INLAHEN 15:2

Ngaich hē nā Pôl, nāṅ Parnöpas, nö kilṙô cha, hatöntöre inrē nö in cha; ngaich hōtu nā Pôl, nāṅ Parnöpas, rēvre inrē yik tahëng aṅ in cha, chamuh Yerūsalem, nö i yik tanīnöṙô, mā inrē, nö ve-ekūö cha tö ngam ṙô. Ngaich ngam māṅ nö meukṙen el talöökö cha.

INLAHEN 6:1

Hē e yik mahaköp nö ṙūhölre ṙôngö, ngaich yik Yahūti aṅ tahëng, nö uyëkö yik aṅmuh Yahūti; pò yik tafīösi kikānö in cha, nöng örheūheu nö vāichiṙen hē el nāhaṅl.

1 TÖSALÒNIKĒ 5:13

Tulöng lōn tö cha im hanāngenlōn, chöḵöiny tö nup im hanāngenlōn, chöḵöiny tö nup la-en cha. Lām yī-ö in höö.

KINṘEŪKÖ 14:27

Irô-òtö manööyö Öich min i ngih tötlöök ṙôngö tarik, vē mihiṙeūtkôre nö lā-alkūö Chu? Hang ṙô yip kūön Israĕl Chin nö hiṙeūtkôre, nö lā-alkūö Chu.

2 KÒRIN 12:20

Tön röingö lōn chin hòn öt lökngö yô-òv, yē chu min yih öich öt kôtökūö tö yīö öt sā lōn chu, kôti chu-ö inrē öich sā lōn yīö tö chu; hòn öt löktö yô-òv, töng tulönghöre lōn, tinutngö, tanāinyö, manūlö tötlöök, vine-eng nang, tö föh lōn, tinṙōlen;

INLAHEN 15:39

Ngaich cha-a nö lā-alkūöre; lökten cha nö ngaich nö kö köhngen tö höö. Ngô-òṅ Mākös ang Parnöpas, ngaich chuh Saiprös/Kūprös.

INLAHEN 15:7

Keuheūthë ṙô cha-a nö ve-ekūöre, söklöre Pītör, ngaich ngö ṙô tö cha, Kahōlö; akahalōn yin tök misī tī ngam Tēv nö katölhöl nö in hī, pòn hōtu vē tahëng mihëṅṙö, nö löknyö elvāng chu ahang tö ngam ṙô ngam tölöök inhānga; ngaich ṙātö ellōnre.

T. MĀKÖS 14:5

Inyihyö an öre yih, ngaich kô-òren nö lūöyòng ṙāi tö rupīö; ngaich kētu nö i yāich. Ngaich cha-a nö uyëken ò,

T. MËTIV 20:11

Ngaich hē cha nö kēḵ raneushöre, līn cha-a ngaich nö ik tö patī-ivö; ngaich ngö ṙô,

INCHŌḴ-OṘÔ 13:10

Vīlö linā-alkūö an ngam inkeūlen ngam töt hòṅ hang, in cha pöri ngam mikah yip tö hòṅ halēnö.

T. MĀKÖS 9:14

Ngaich hē cha nö yihtöre nö i yik mahaköp, ngaich meuk yik tömaṙôngö cha-a nö havīlen cha; ve-ekūö cha inrē yik kamūich.

T. LŪKÖS 5:30

Ngaich yik Feresī, yik kamūich inrē, nö vahëkuvö nö i yik mahaköp nö in Ò, nö ngö ṙô, Kūö yòh öi yī-ö nyā, òk inrē, öi holkūö mahamūl ṙāi kinëhöt chehen, tököölö fālen inrē?