FILIPĪ 2:13 - TÖHET LĪPÖRE (Re-edited) Bible (BSI)

¹³ Tön ngam Tēv An töla-evṙen nö in yīö, hĕnghöre hōtö tö la-evṙen inrē, im tölöök lōn Ò.

FILIPĪ 2:13 Referans Kwoze

HEPRĀI 13:21

Vīten yīö teungten i tökeuheūttöre tölöök, öi la-evṙen tö lōn Ò, vahī-ivṙen nö in hī töp ṙanāmölōn nö i kūö Ò, lökten Yēsū Kristū: kanôlò Ò yēḵ örheūheu. Āmen.

2 KÒRIN 3:5

Öt kūö ih töö-önglōn töre, nö sā lökten ih anū-ö; aṅ im Tēv pöri ngam tanöö-önglōn ih:

2 TIMÒTĪ 1:9

Ngam mahayööken, ngaich havëten hī nö im töhet la-en, öt asā nup la-en hī, sā ap lōn Ò pöri, ap inlōnti inrē, ngam kinë-eṅkūö hī in Kristū Yēsū misī, nöng örheūheu,

RŌMA 9:16

Lökten e nö öt aṅ in ò öp tö hòṅ lōnu, öt rēhĕn nö aṅ ò öp famal, tön aṅ im Tēv ngam tö-aheūkölōn.

1 KÒRIN 15:10

Kūö lōn ngam Tēv pöri, chū-ö öich sāre töngamuh rö-ö an nö mëchi ngam inlōnti kine-ekūö chu; mööḵlö inlaha pöri chū-ö la-evṙen tö cha nö ṙòkhöre;

T. YÔHAN 3:27

Ngaich sapṙô cha Yôhan nö ngö ṙô, Öt tarīkuvö tökô nö kahe-evö, yē e nö öt ṙamā-ang el halīöngö nö kine-eṅkūö ò.

EFISÖS 1:11

Ngam, chūök hī vītu amīnuvö, ngaich nö la-urĕh nö halēnngen hī, sā ngam chööḵnyö Ò, ngam vamī taṙòkhöre, sā ap lōn Ò:

1 KÒRIN 12:6

Ṙōlkangen nup la-en inrē; höng Anga-aṅ Tēv, ngam töla-evṙen nö i tökeuheūttöre.

2 TÖSALÒNIKĒ 1:11

Angū-ö chööḵnyö ih inrē örheūheu vë-elkui yīö, hòṅ ngam Tēv hī min nö kaheukten yīö tö hōḵov im invëkö yīö, ane inrē hateungngö nup taṙòkhöre lōn ngam lanöökö, nup taṙòkhöre inrē la-en ngam mikah, holtö kanô-òṅ:

EFISÖS 1:5

Ngaich nö lā-urĕh nö halēnngen hī, töharuklöngö kūön, lökten in Yēsū Kristū, öi in Ò, sā ngam tölöök lōn Ò,

EFISÖS 2:8

Pò yīö kūö inlōnti ngaich hayöökaṙen lökten mikah; rö-ö nö aṅ in yīö angū-ö: aṅ im Tēv an inlōnti:

1 RĀCHA 8:58

Hòṅ ò nö harôntö ellōn hī nö in re öi lök el nup talöökö ò nö ṙòkhöre, haköp nup inchöngten inrē, tö nup chöngö ò, aṅ in ò inrē inkaha fālen, nuk tinöölô yik muvöhngö hī.

Salmai 119:36

Hachōtö ellōn chu i minë chöngö Meh: un im yinikhanga.

T. LŪKÖS 12:32

Ui pa-ekūö, tökūöṅnen pököre; tön tölöök an nö lōn ngam Yöng yīö nö kē-ĕkūö yīö tö ngam pūlngö.

EFISÖS 1:9

Keuheūt hë tī nö mikahtö lōn hī tö ngam lōn Ò öt mikahkūö sin; sā ngam tölööklōn Ò, ngam chööḵnyö Ò, nö in Ò,

T. YÔHAN 6:65

Ngaich ngö ṙô Anga-aṅ tö cha, Angū-ö an löknyö ṙô Chu tö yīö. Öt hĕng tak tarik tö kô nö yihtöre nö in Chu, yĕn öt kine-eṅkūö ò tö ngam Yöng.

YERIMIĀ 32:38

Ngaich cha-a min nö tarik chu, ngaich chū-ö min Tēv cha.

RŌMA 9:11

Pòn öl nö fötnyu, öt rēhĕn nö kēken tölöök, hēk töchōich, hòṅ ngam chööḵnyö ngam Tēv nö köp, sā ngam kintöllö, öt aṅ i la-en, aṅ in Ò pöri ngam mahave-eti,

YERIMIĀ 31:33

Ngih pöri kinlēḵngô tövī-i tö chu i patī Israel unôichrit nup sakāmö, ṙô ngam Mā Tēv: Ellōn cha tī chin min chaphöt ngam chöngöre kūchhöt e chin min nö ellōn cha; ngaich chū-ö min Tēv cha, ngaich cha-a min nö tarik chu.

INCHŌḴ-OṘÔ 21:1

Töhëm an nö mak ngam ellōn ngam rācha eltī ngam Mā Tēv; havēngökūö e an i kū-ö lōn ò.

ESRĀ 1:1

Ik raneh samyeūheu Sāirös rācha aṅ Pörsiā, ngam ṙô ngam Mā Tēv nö löknyö elvāng Yarimiā nö hōtu nö hateungtukūö, haruhlö ellōn Sāirös ngam Mā Tēv ök rācha aṅ Pörsiā pòn hōten ò nö keuheūt i nuk pūlngö ò nö ahānga kūichngö e inrē:

ESRĀ 7:27

Tökôlò an yēḵ ngam Mā Tēv, ngam Tēv yik yöng hī, ngam chamaphöt töngatī nö ellōn ngam rācha, nö hinôtö ngam patī ngam Mā Tēv nö havailöng ngam i Yērusalem,

ESRĀ 1:5

Choholre ngaich yik yöngkūö patī yik yöng Yūtā Penyamin inrē, tö yik kūönṙô Lēvi inrē, ṙòkhöre cha-a yik tö haruhlöng ellōn töngam Tēv nö kiröönngöre nö mānlö ngam patī ngam Mā Tēv nö hēk ngam i Yērusalem;

2 KINṘÖTNGÖ 30:12

I kui Yūtā ngam kël ngam Tēv nö kētö tö hĕng ellōn cha nö la-evṙen tö hinôtöre tök rācha tö yik kūön rācha inrē nö löktö im ṙô ngam Mā Tēv.

T. YÔHAN 6:45

Ngö kinūichngö an, tö ṙô yip pròfĕt, Ngaich ṙòkhöre min cha-a nö haköptu tö ngam Tēv Ṙòkhöre yip hamang ṙô ngam Yöng, ngaich haköp, nö yihtöre nö in Chu.

Isayā 26:12

Mā Tēv vītö lanāmö man min in ih: pò meh ngaich inrē la-evṙen tö nup la-en ih öm ṙënngen ih.

Salmai 141:4

Un harūöṙi ngam ellōn chu nö i tötlöök, nö i la-en ötlanöökö, nö in yip tarik vamī öt lanöökö: uh inrē öich nyā nup nya-aṅ cha.

NAHIMIĀ 2:4

Ngö ṙô ngaich ök rācha tö chu, Öp yòh öp pökeh havëkö meh? Lökten chu vë-ekūö ngam Tēv halīöngö.

1 PĪTÖR 1:3

Tökôlò an yēḵ ngam Tēv, ane inrē Yöng, ngam Mā hī Yēsū Kristū ngam tö sā ṙôkö öp neūkölōnre nö kayôḵnyen hī im tö aṅ mineūka, lökten i invanlö Yēsū Kristū nö ṙā-ang i tökapah,

INLAHEN 11:21

In cha ngam Mā, ngaich maṙôngö yik ṙamātö ellōnre nö havöötökūöre nö im Mā Tēv.

Salmai 110:3

Hòṅ yip tarik Meh nö kētöre ip sakāmö minhôiṅyö Meh: i vanāiyö ngam hanëtö meh, im peuheū, ap inyālö nö sā tacham.

NGAM LĪPÖRE YŌP 33:29

Yĕh meuk, tī ngam Tēv nun anū-ö, nët heuh, lūöi heuh, nö i tarik,

T. LŪKÖS 2:14

Kanôlò ngam Tēv yēḵ nö el halīöngö kumchikṙen nö el tumlat, hanāngenlōn nö i tarik.

RŌMA 12:3

Tön kö i tarik ṙô chin, yip in yīö, lökten im inlōnti kinë-eṅkūö chu, un tulöng lōn töre, tö ap tölngöre; ṙat töheich lōn pöri, nö sā tī ngam Tēv nö i tö hĕng tak tarik nö kalah ṙôken mikah.