FILIPĪ 2:12 - TÖHET LĪPÖRE (Re-edited) Bible (BSI)

¹² Lökten, kahōlö, sā yīö ngaich öt ahôngen, öt höng yē chu in, tön möthë yē chu rö-ö, vīlö inyöökenre yin, holtö pinhe-eṅkūö, kinchëyöre inrē;

FILIPĪ 2:12 Referans Kwoze

1 KÒRIN 15:58

Lökten, yī-ö hol chu, haköpöre yin, ui hanlöinyken: örheūheu ṙūölö ngam la-en ngam Tēv, akahatöhechlōn tö ngam la-en yīö, im Mā Tēv, nö öt chanök alaha.

HEPRĀI 4:11

Lökten ta-a töi hakūötenre kuhēthötre, hòn öt tarīku tö fukta nö sā yip aṅ minôṙô.

1 PĪTÖR 2:11

Kahōlö; hōten yīö chin yī-ö kumröönngöre ane inrē töt aṅhih, ṙāngö nup lōn alaha, nup kumyung nö lā-al ngam ma-alaha.

T. MËTIV 11:29

Keunlöre yin töm kaneun Chu; haköp inrē öi in Chu; tön töṙēm Chin, töyāichö ellōn inrē; ngaich kôtökūö yī-ö mīnö tö haneūheu nômöre.

FILIPĪ 1:27

Höng hökngen nup inlahen yīö nö töhōḵov, ngam aṅ im tölöök inhangkö Kristū: yē chu pöri pòrô in yīö, hēk rö-ö höng hòṅ hang inlahen yīö chu-ö, hòṅ yīö köp hēngö ellōn, hĕngrelōn pītnyöre tö kūö ngam tölöök inhānga,

Isayā 66:2

Vahīṙen në kuntī chu nun në, lökten në taṙòkhöre nö chū-ö chu, ṙô ngam Mā Tēv Ngòh pöri tarik ngahëichkö chu min, ngòh yāich töhaṙivlōn tö tökööl re inrē, tökichëyöre inrē tökūö ṙô chu.

2 PĪTÖR 3:18

Sīöplö pöri im inlōnti ane inrē inkaha ngam Mā hī Mahayööken hī inrē Yēsū Kristū. Kanôlò Ò yēḵ, hĕnghöre töngamuh örheūheu inrē. Āmen.

HEPRĀI 5:9

Keuheūthë inteungten, ngaich Anga-aṅ, nö in cha nö ṙòkhöre yip töt maha-ôngen Ò, nö löktö tö örheūheu-aṅ inyööken;

2 TIMÒTĪ 2:10

Lökten chin keūnö u nö kanihngen kūö yip tökatöllöngö, hòṅ cha nö teūngen tö ngam in yööken aṅ in Kristū Yēsūs nö hol tö ngam töt chanūhuv kanôlò.

INCHŌḴ-OṘÔ 13:4

Yāla an ngam nômö tö ṙahata, öt taneūnguṙen pöri, kôlò mineukten pöri ngam nômö töpētngen.

HEPRĀI 4:1

Ta-a lökten töi pa-ekūö, hòn öt amahaiṙen nö hĕng hang tak in yīö töhāṅten tö e, ngam kinlēḵngô, nö ṙā-ai nö kuhēthötre im haneūheuṅ Ò.

HEPRĀI 12:1

Lökten in ayī-ö inrē, ta-a, ṙā-ngö nup sanānngenre, ngam tökööl inrē tö lööṙen nö havīlen hī, öi meūköre havīlöngö tö tökiröngen taṙul, yip ameū-a, ngaich ta-a inrē, töi fal asōl, ngam insōlö töṙātu nö i kūö hī.

FILIPĪ 4:1

Lökten, kahōlö, hanāngen chu, töpīṙūtka, ṙanāmölōn chu, sapīöv chu inrē, ngatī yin köp sökhaka im Mā, yī-ö hanāngen chu.

RŌMA 2:7

I yip mahamöiyöre i tölöök la-en; nö chöh kanôlò, ineū-euṅ, töt chinhūngu inrē, in cha ngam nômö tö örheūheu aṅ:

1 TÖSALÒNIKĒ 1:3

Öt ṙākö kanöpölōnre töm la-en yīö aṅ im mikah, ngam vahīken yīö inrē aṅ im mikah, ngam manöiyö inrē aṅ im mineūka, im Mā hī Yēsū Kristū, i kūö ngam Tēv hī, Yöng inrē;

FILIPĪ 1:29

Pòn kētu nö in yīö, nö pòkūö Kristū, öt höng ngam ṙinātö ellōn in Ò, tön kihngen inrē töpòkūö Ò:

Salmai 119:120

Kichëyöre ön ngih alaha chu kūö pinheṅ-eṅkūö tö Meh: ngaich chū-ö pa-ekūö tö minë inkah fālen aṅ in Meh.

Salmai 2:11

Lök la-en ngam Mā Tēv hol tö pinhë-ekūö: ṙāmölōn hol tö kinchëyöre.

2 KÒRIN 7:15

Ṙuhölre ṙôken ap hanāngen ò tö yīö nö ellōn ò, yē ò nö fēken öt minôṙô yīö ṙòkhöre; höngan yin ngaich holtö pinhë-eṅkūö, kinchëyöre inrē.

1 KÒRIN 2:3

In yīö chin inrē holtö ötkumlēḵen, i pinhe-eṅkūö, i yöng kinchëyöre inrē.

EFISÖS 6:5

Yī-ö mahalanṙen, hang ṙô cha yip fehngenre nö ing alaha nö yöngṙen yīö, holtö pinhe-eṅkūö, kinchëiyöre inrē, kô-en i ellōn yīö, sāre in Kristū;

Isayā 66:5

Hangihtöre tö ṙô ngam Mā Tēv, yī-ö tökichëyöre tökūö ṙô ò; öp sumrīkhen meh hanöng kisānö meh kamvalngen meh inrē pòkūö ngam minë-eny chu, ngö ṙô ana, Hökngen ngam Mā Tēv nö ineū-euṅv, hòṅ ih meuk ṙanāmölōn meh; acha-a pöri min tö sumrōngikūö.

INCHŌḴ-OṘÔ 10:16

Chuh im nômö an ngam raneushö tölöök, im tökööl ngam taneūngen tötlöök.

T. MËTIV 11:12

Hētentö sakāmö Yôhan ap Vamôk, söl ing töngamuh, ngam pūlngö ngam halīöngö nö kīlö; ngaich yik kamil nö teūngen tö e.

ESRĀ 10:3

Lökten tā-a töi vī kinlēḵngô im Tēv hī öp ṙināngö vē töpīhövö kikānö tö yip kūön cha inrē, nö sā ṙô ngam Mā chu nö halēn cha-a inrē yip tökichëyöre nö im chöngö ngam Tēv hī; tā-a inrē kēkö alaha e nö sā ngam chöngö.

FILIPĪ 1:5

Pò ngam innôltö yīö i ṙinūönyö ngam tölöök inhānga, hē tök raneh sakāmö yīö kē-ĕ e, söl ing töngamuh.

INLAHEN 9:6

Ngaich kichëyöre anga-aṅ, pingangkūö inrē; ngaich ngö ṙô tö Ò, Mā! Asuh ap lōn Meh, la-en chu? Ngaich ngö ṙô ngam Mā tö ò, Choholre man; kuhēthötre im panam; vënyu nang man min töp la-enre.

FILIPĪ 2:19

Meūka pöri chu-ö im Mā Yēsū tö tinīntö Timòtī nö in yīö öt ṙòktörevö, hòṅ chu chu-ö inrē ṙāmölōn yē chu akahalōn tö inlahen yīö,

1 KÒRIN 4:14

Rö-ö chin kūichtö në sumrōngngökūö yīö, mikahten yīö pöri, sāre tö hanāngenre kūönre.

FILIPĪ 4:15

Akahalōn yin yī-ö inrē aṅ Filipī tö e, hē ranehten ngam tölöök inhānga, hē chu ṙāngö Makētònī, öt mahanôltörevö nö in chu aṅ im Māṅ, i kinë-eṅti kinë-eṅ inrē, höng yī-ö yin;

INLAHEN 16:29

Ngaich havëtö ëāṅvö anga-aṅ, tisòkhötre ngaich nö lātuhĕt, kichëyöre, pòn pa-ekūö. Afukngöre nö i kūö nā Pôl, nāṅ Sailes;

FILIPĪ 1:6

Ngaich chin nyātölōn takô, tö ngam ramehlö tölöök la-en nö in yīö, ngaich hateungngö e min hanöng saha ngam sakāmö Yēsū Kristū.