FILIPĪ 2:11 - TÖHET LĪPÖRE (Re-edited) Bible (BSI)

¹¹ Hòṅ në taṙòkhöre litāk nö vë-eny tö Yēsū Kristū nö Mā, i kanôlò ngam Tēv Yöng.

FILIPĪ 2:11 Referans Kwoze

1 YÔHAN 4:15

Ngòh vamënyen Yēsū nö Kūön ngam Tēv, iyöng in ò ngam Tēv, im Tēv anga-aṅ inrē.

RŌMA 14:11

Pò e nö ngö kinūichngö, Sā chu aṅ, ngö ṙô ngam Mā, ṙòktöre kui kinmônö min nö simngöre nö in chu, ṙòknyöre ṙô litāk min nö ve-eny nö im Tēv.

T. YÔHAN 13:13

Mahaköphöti, Mā, ngö yin ṙung tö Chu, öi huveū-eu ṙô pò Chu ngatī.

1 YÔHAN 4:2

Ihih yin akahakūö tö ngam Fanöinylö ngam Tēv; aṅ im Tēv yin nö ṙòkhöre vē mahalööknyôre tö Yēsū Kristū nö tarik nö yih:

RŌMA 14:9

Pòn kūö e Kristū nö kapah, ngaich aṅ hēk, hòṅ Ò nö Mākūö tökapah, hĕnghöre tö aṅ inrē.”

1 KÒRIN 12:3

Lökten chin mikahtölōn yīö, tö törö-ö tarik, lamöknyö im Fanöinylö ngam Tēv ṙô, nö ngö ṙô, Töt kôlò an Yēsū. Rö-öv inrē tarik tö kô nö ngö ṙô, Mā an Yēsū, höng lökten im Töhet Fanöinylö.

T. YÔHAN 14:13

Nup töng havëkö yīö i Mine-eny Chu, kēkö u Chū-ö min; hòṅ ngam Yöng nö ha-öinyö nö im Kūön.

1 PĪTÖR 1:21

Yī-ö lamökten in Ò ṙātö ellōnre im Tēv, ngam mahachohlen Ò nö ṙā-ang i tökapah, ngaich kētö kanôlò Ò; hòṅ ngam ṙinātö ellōn yīö tö ngam mineūka inrē, nö im Ṭev.

1 KÒRIN 8:6

Sön pöri nöng hĕng ngam Tēv nö in hī, ngam Yöng, löklö in Ò në taṙòkhöre, in Ò inrē ayī-ö; hĕng ngam Mā, Yēsū Kristū, lökten në taṙòkhöre, lökten Ò ayī-ö inrē.

INMEUKHÖMAT 3:5

Anga-aṅ ngòh tömihôiṅ, kafānö min tö tö-isoh hilā nö ngatī, ngaich öthētu chu-ö min sichngö mine-eny ò nö ṙeū-eung i mat ngam līpöre nômö, ngaich halööknyö minë-eny ò chu-ö min i kūö ngam Yöng chu, i kūö yip Ma-ahānga Ò inrē.

T. MËTIV 10:32

Ngòh vamënyen Chu nö i kūö tarik; vënyen ò min Chu-ö inrē, ikūö ngam Yöng Chu el halīöngö.

INLAHEN 10:36

Ngam ṙô tahīntö Ò i yip kūön Israĕl, minkahten tölöök inhangkö kumchiḵṙen, lökten in Yēsū Kristū; (Anga-aṅ An Mā taṙòkhöre;)

INLAHEN 2:36

Lökten hökngen vē taṙòkhöre aṅ patī Israĕl nö akahalōn takô tö ngam Tēv nö vīlen Ò, nö hĕnghöre Mā, Kristū inrē, ngòh Yēsū harātö yīö.

T. YÔHAN 9:22

Pa-ekūö nak yöng ò tö yik Yahūti; lökten cha nö ngatī ṙô; pò yik Yahūti nö ha-ehangen, nö hōtö ngòh tarik ma-akahngen Yēsū nö Kristū, ngaich ahōṙi anga-aṅ nö ṙā-ang ik māṅ cha.

T. YÔHAN 5:23

Pòn hōtu taṙòkhöre tarik nö ha-öiny ngam Kūön, sā cha nö ha-öiny ngam Yöng.

Salmai 110:1

Ngö ṙô An ngam Mā Tēv tö ngam mā chu: ūichngöre man lāhāmö chu, hanöng saha tī chu vītö yip tö kunyaha elmat tö meh nö ranöönö röön meh.

2 YÔHAN 1:7

Pòn maṙôngö nö ngaich yik mahachīl, nö chuh ing panam, cha-a yik töt mahalööknyôre tö Yēsū Kristū nö yih nö tarik. Anga-aṅ ön ngòh mahachīl, töminyôiny Kristū inrē.

1 KÒRIN 15:47

Lamöklö el tumlat an ngam raneh tarik ngaich nöng tumlat.

RŌMA 15:9

Ane inrē hòṅ vē Tahëng Mihëṅṙö nö ha-öiny ngam Tēv, kūö neūkölōn Ò; sā kinūichngö e nö ngö, Lökten chin min vënyen meh i vē Tahëng mihëṅṙö; tikökṙôre inrē tö Nöinyö meh.

T. YÔHAN 20:28

Ngaich ngö ṙô Tômös, nö sapṙô Ò, Mā Chu, Tēv chu inrē!

T. YÔHAN 17:1

Anū-ö në ṙô Yēsū; ngaich môklökūöre nö el halīöngö nö ngö ṙô, Kayöngö yih an ngam ṙētak. Hapōilö ngam Kūönre Man; hòṅ ngam Kūön nö hapōilen Meh.

T. YÔHAN 12:42

Maṙôngö pöri yik aṅ i yik mā, ṙamātö ellōnre nö in Ò; kūö yik Feresī pöri cha-a nö öt ve-eny e, pòn sōḵ nö ahōṙi, nö ṙā-ang ik māṅre;

T. LŪKÖS 2:11

Kūö yīö, ap umuh nyīö töfötnyuvö tö taheui i panam Tāvit; ap Mā Kristū, Mahayööken.

YERIMIĀ 23:6

Hayöökaṙen min Yūtā i nup sakāmö ò, iyöng min inrē Israel nö köp. Ngih öp min minënyö ò nö havëka: Ngam Mā Tēv an lanöökö hī.

Salmai 18:49

Lökten chin min kētö nöinyö meh in yip pumnāmö tarik: tikökṙôre inrē tö nöinyö ngam minë-eny meh.

T. YÔHAN 14:23

Ngaich ngö ṙô Yēsū tö ò, Yĕn tarīkuvö tö hāngelōn tö Chu, haköp ngih ṙô Chu min anga-aṅ; ngaich hāngenlōn ngam yöng chu tö ò; ngaich yihtöre min āyö in ò, ngaich iyöng in ò.

T. YÔHAN 13:14

Yē Chu Chū-ö Öich Mā, Mahaköphöti inrē, Öich söich röön yīö, hòṅ kö ngatī-i yin yī-ö söich röön höö.