FILIPĪ 2:10 - TÖHET LĪPÖRE (Re-edited) Bible (BSI)

¹⁰ Hòn i Mine-eny Yēsū në kui kinmônö nö simngöre, nö ṙòkhöre, nup aṅ elhalīöngö, aṅ el tumlat, aṅ lātaṙeūḵ töng tumlat inrē:

FILIPĪ 2:10 Referans Kwoze

T. MËTIV 28:18

Yihtöre ngaich Yēsū nö in cha; ngaich ve-ekūö cha, nö ngö ṙô, Ṙòkhöre nun në chöngö nö kētu nö in Chu, el halīöngö, ing panam inrē.

HEPRĀI 1:6

Ngaich hēk hē Ò nö kēhöt ngam lanòh nö ing panam, ngö ṙô Anga-aṅ, Hökngen vē taṙòkhöre ma-ahānga ngam Tēv nö afukngöre nö i kūö Ò.

EFISÖS 3:14

Angū-ö an lökten chu, simtö kui kinmônöre im Yöng,

INMEUKHÖMAT 4:10

Më tö kahuk michöömö fën tak Mākūö, nö afukngöre nö ikūö Ò ngam amūichhak nö el kantēra, ngaich sōntökūöre nö in Ò ngam tö-örheūheu nö aṅ. Ṙātö nup sapīövre cha-a i kūö ngam kantēra; nö ngö ṙô,

EFISÖS 1:10

I ṙinūöhnyö ngam sanööḵtökūö minë ṙētak, nö hamūllö nup taṙòkhöre in Kristū, nup el halīöngö, tö nup ing panam inrē, in Ò.

T. MËTIV 27:29

Ngaich kupāt sapīöv Ò cha-a, tö töchökhukūö; ngaich sumpīövlöng nö i kui Ò. Kētu eltī Anga-aṅ tö tinkung, nö lahāmö. Simngöre cha-a ngaich nö i kūö Ò; ngaich hayëḵngen Ò nö ngö ṙô, Salām, Me-eṅ Rāchakūö Yahūti.

INMEUKHÖMAT 20:13

Ngaich ngam mai nö havanlö yip aṅre kupah; ngaich ngam kinpaha tö ngam chūök kupah nö havanlö yip aṅre kupah: ngaich cha-a nö kö kahòkkaṙen nö asā-a nup lā-en cha.

EFISÖS 4:9

Yônlö Anga-aṅ, asuh öng angū-ö, tön kūö Ò ngaich nö yônti nö lātaṙeūḵ töng panam?

RŌMA 11:4

Ngaich sitih ṙô ngam Tēv nö sapṙô Ò? Sat köiny yip tarik ṙahātö chu, yip töt sāmimtö kui kinmônöre nö i kūö Pē-al.

T. MËTIV 12:40

Pòn sā Yôna misī nö lūöi sumkam, lūöi mitööm inrē nö ellōn ök tökiröng kāḵ; ngatī min ngòh Kūön Tarik nö lūöi sumkam lūöi mitööm inrē, nö lataṙeū tö tumlat.

Ranehlö 41:43

Ngaich hōḵten ò angā-aṅ nö ël ök innëtö inröl ök in ò; ngaich chā-a nö urēhĕkūö ò nö hūḵa, nö ngöṙô, Simtökui kinmônöre: ha-ūichlen ò angā-aṅ ngaich nö ikui ngam panam Aikup nö ṙòkhöre.

Salmai 95:6

Tā-a, töi sōntökūöre ve-ekūö Ò: līvngöre i kūö Yāhvē ngam Vami-i hī.

INMEUKHÖMAT 5:3

Ngaich öt hĕng tak el halīöngö, hēk el tumlat, hēk lātaṙeū töng tumlat tökô nö ṙòngnyökūö ngam līpöre, hēk hatīönkö e.