FILIPĪ 1:27 - TÖHET LĪPÖRE (Re-edited) Bible (BSI)

²⁷ Höng hökngen nup inlahen yīö nö töhōḵov, ngam aṅ im tölöök inhangkö Kristū: yē chu pöri pòrô in yīö, hēk rö-ö höng hòṅ hang inlahen yīö chu-ö, hòṅ yīö köp hēngö ellōn, hĕngrelōn pītnyöre tö kūö ngam tölöök inhānga,

FILIPĪ 1:27 Referans Kwoze

EFISÖS 4:1

Lökten chin chu-ö, tökē-ĕ töpôkūö ngam Mā, vë-ekūö yīö, öi löökö inlaha, lök im invëkö yīö, ngam invëkö yīö ngaich.

1 KÒRIN 1:10

Kahōlö, ve-ekūö yīö chin töngamuh, lökten i ngam mine-eny ngam Mā hī Yēsū, hòṅ yīö ṙòkhöre hĕngre ṙô, hòn öt inrēvngörevö nö in yīö; hòṅ yīö pöri teung öi mūl im töhĕng ellōn, ngam töngatī inrē inkaha.

2 PĪTÖR 3:14

Lökten, kahōlö, yĕh meūköre öi höngö u anū-ö, haṙūöttökūöre hòṅ yīö min kôti im lanāmö, öi öt mirūnuvö, öt chnôichu inrē ikūö Ò.

KÒLÒSĪ 1:10

Ngaich yī-ö min kô lök im Mā, haṙamlōn i nup tökeuheūttöre; ṙônguvö i nup tökeuheūttöre tölöök la-en, ṙuhölre inrē im mikahkūö tö ngam Tēv;

NGAM LĪPÖRE KAHŪICH YŪT 1:3

Kahōlö, i panītnyöre chin kūichhöti in yīö, tö inlahen ngih inyööken tarik; hòṅ kūichhöti chin in yīö, hōten yīö chin i tölngöre, laklö ngam mikah, ngam töng hĕng heuh kinëti nö ngaich nö i yip töhet.

1 TÖSALÒNIKĒ 4:1

Kahōlö, vë-ekūö yīö in, ane inrē hōten yīö im Mā Yēsū, hòṅ yīö ṙuhölre hēkökūöre sā ṙô ih tö yīö, tö lahök yīö, öi haṙamlōn ngam Tēv, sā lahök yīö ngaich.

FILIPĪ 2:12

Lökten, kahōlö, sā yīö ngaich öt ahôngen, öt höng yē chu in, tön möthë yē chu rö-ö, vīlö inyöökenre yin, holtö pinhe-eṅkūö, kinchëyöre inrē;

FILIPĪ 3:18

Tön maṙôngö yip lamök, yip ṙô chu ṙung ṙōlheuh ṙô tö yīö; öich paneunyngöre vë-enynang yīö töngamuh, tö cha nö tökunyahaṅ elmat tö ngam töhakālö Kristū.

2 KÒRIN 13:11

Manā-aṅ, kahōlö, salām. Hateungtöre yin yēḵ; hangëḵeṅre yēḵ; hĕngre ellōn yēḵ; iyöng im lanāmö: ngaich ngam Tēv hanāngen min, lanāmö inrē, nö holtöṙah yīö.

INLAHEN 4:32

Ngaich ṙòkhöre yik ṙamātö ellōnre nö hēngö ellōn, lōn inrē; öt hĕng tak tö cha tö ṙô-òv tö nup chehen nö chehen ò; ṙòkhöre pöri cha-a nöng hēngö inlānen.

Salmai 133:1

Yĕh meuk, sitih lanöökö öng nö i vē hanöngkisānöre: nö holtöṙahre nö mūl nö iyöng!

YERIMIĀ 32:39

Kētö ellōn cha chin min tö töhĕng, hĕng talöökö inrē, hòṅ cha nö örheūheu nö pa-ekūö tö chu, hòn löök nö in cha, löök inrē in yip kūön cha unôichrit cha.

2 PĪTÖR 3:11

Meuk öm pöichö tö në nö ngatī nö ṙòkhöre nö piyööyi, hòṅ sitih inlahen öi yī-ö tarik öi i nup töhet, nup lanöökö inrē,

1 KÒRIN 15:58

Lökten, yī-ö hol chu, haköpöre yin, ui hanlöinyken: örheūheu ṙūölö ngam la-en ngam Tēv, akahatöhechlōn tö ngam la-en yīö, im Mā Tēv, nö öt chanök alaha.

RŌMA 1:16

Pò chu öt sirōngkūö tö ngam tölöök inhānga: pò e nö minhôiṅyö ngam Tēv im inyööken, nö in cha nö ṙòkhöre yip ṙamātö ellōnre; i yip Yahūti urĕh, i yip Krīk inrē.

YĀKÖP 3:18

Ngaich ngam kulöl lanöökö nö teūichtu nö im lanāmö tö cha yip vamī lanāmö.

FILIMÒN 1:5

I elnangre hang ngam hanāngenlōn meh, ngam in meh lā im Mā Yēsū, lā i yip töhet inrē nö ṙòkhöre;

TAITÖS 2:10

Öt kachötatī, hameuktö nup kanô-enre pöri; hòṅ cha nö hanyöṅt ngam inköphöti i tökeuheūttöre aṅ im Tēv Mahayööken.

2 TIMÒTĪ 4:7

Ngaichö alaha chin kiyung im tölöök kinyūngö, sölngö röön chin ngaich fal, köptī chin tö ngam mikah:

1 TIMÒTĪ 1:19

Kiṙapkö ngam mikah, tö ngam lanöökö el kuilōn; ngam tö kurīngi tö yip rēvre, ngaich sayöḵötī nö im mikah:

1 TIMÒTĪ 1:11

Sā ngam tölöök inhānga, kanôlò ngam tökôlò Tēv, ngam tökētū nö in chu.

INLAHEN 2:46

Örheūheu nö kamnipkūö nö hamūlöre, nö el ngam töhet chūök; fòk ròtī inrē nö i patī; nya-aṅvkūö cha-a nö holtö ṙanāmölōnre, hēngö lōn inrē.

T. MËTIV 12:25

Akaha lōn Ang Yesū tö ellōn cha, ngaich ngö ṙô tö cha, “Ngih pūlngö maharēvöre nö lā-alre; ngaich öt köp min angū-ö.

INCHŌḴ-OṘÔ 22:23

Pò ngam Mā Tēv min nö vë-elkui cha ngaich öt hakôlò nômö cha, yip töt mahakôlò cha.

1 TÖSALÒNIKĒ 3:6

Hē Timòtī pöri töngamuh nö yih nö in ih nö ṙā-ang in yīö, ngaich kumtö tölöök vinënyö ngam mikah, hanāngenlōn yīö inrē, nö in ih, tö yīö inrē afēken ih örheūheu, meūka hòṅ meukkūö ih, sā ih īhö inrē hòṅ meukkūö yīö;

KÒLÒSĪ 1:4

Pò ih hang ngam mikah yīö in Kristū Yēsū, ngam mikah hanāngenlōn yīö inrē, i vē taṙòkhöre tarik ngam Tēv; lökten ngam mineūka ngam hinöngken yīö el halīöngö.

FILIPĪ 2:24

Hayönglenre chinri im Mā tö chu min yih chu-ö inrē öt ṙòktörevö.

EFISÖS 1:15

Angū-ö an lökten chu chu-ö inrē, höng hangtöre tö ngam mikah yīö im Mā Yēsū, ngam hameuktö yīö, i yip töhet nö ṙòkhöre,

EFISÖS 1:13

In Ò yin yī-ö inrē, ngaich öi hang ngam ṙô kanô-en; ngam inhangkö inyööken, ngaich öi ṙātö ellōnre inrē, in Ò yī-ö haköpi tö ngam Töhet Fanöinylö kinlēḵngô,

KALATĪ 1:7

Ngam töt tahëng tölöök inhānga: pòn rēvre yip mahakihten yīö, ngaich hòṅ halō-ongkūö yīö töm tölöök inhangkö Kristū.

2 KÒRIN 9:13

Ngaich cha-a nö hapōilö ngam Tēv i inmeuktö ngih mineukṙen nö öt inhôngen inlööknyô yīö, tö ngam inhangkö Kristū, ngam kanô-en ellōn yīö inrē nö tī-iv nö in cha i taṙòkhöre inrē;

2 KÒRIN 4:4

Yip tö tilupi ellōn, tö öp tēv ngih panam, töt ṙamātö ellōnre, pòn sōtu nö malīlöng nö in cha, ngam hanātö ngam kanôlò Kristū, ngam insā ngam Tēv.

RŌMA 15:29

Akahalōn chin tö e yē chu yih in yīö, tööḵlö chin min yih in yīö tö ngam inkôlò aṅ in Kristū.

RŌMA 15:16

Pò chu hōtu mameukṙen Kristū Yēsū i vē Tahëng mihëṅṙö, mineukṙen ngam tölöök inhangkö ngam Tēv, hòṅ ngam kinëtö yip Tahëng minhëṅṙö nö tö hō-ovö, nö tö ahetlöngö tö ngam Töhet Famöinylö.

RŌMA 10:8

Sitih pöri ngam ṙô e? Ranghen meh an ngam ṙô, i elvāng meh, i ellōn meh inrē: angū-ö, ngam ṙô mikah ngam inhānga tö ih:

RŌMA 1:9

Pò ngam Tēv nö Anga-aṅ mameūkö chu, lahök la-en chu im ma-alaha, im tölöök inhangkö ngam Kūön Ò, tö chu öt ṙākôre ṙôten yīö;

RŌMA 1:5

Ngam lökten hī teūngen ngaich tö inlōnti, töre inrē tanīnöṙô, im hināngö ngam mikah tö vē taṙòkhöre tarik, tö kūö ngam minënyö Ò:

INLAHEN 24:24

Haroh tum hang sumkam, yih ngaich Filik nö holten Trusilla, ök Yahūti pihö ò; ngaich tīnngö mahavëken Pôl; ngaich hang ṙô ò tö ngam mikah in Kristū Yēsū.

Salmai 122:3

Vīlöngö an Yērusalem: nö el panam nö tö lip.

FILIPĪ 1:5

Pò ngam innôltö yīö i ṙinūönyö ngam tölöök inhānga, hē tök raneh sakāmö yīö kē-ĕ e, söl ing töngamuh.

FILIPĪ 3:20

Pò ngam halīöngö nö panam hī, ngam löktö ngam Mahayööken, ngam Mā Yēsū, ngam ahökkö hī;

FILIPĪ 4:1

Lökten, kahōlö, hanāngen chu, töpīṙūtka, ṙanāmölōn chu, sapīöv chu inrē, ngatī yin köp sökhaka im Mā, yī-ö hanāngen chu.

1 KINṘÖTNGÖ 19:12

Ngö ṙô anga-aṅ, Yē yip aṅ Sīriā nö yahlö kumlēḵ tö chu, ngaich holṙen chu min më-eṅ; yē yip aṅ Amön pöri nö yahlö kumlēḵ tö meh, ngaich holṙen meh chū-ö min.