FILIPĪ 1:21 - TÖHET LĪPÖRE (Re-edited) Bible (BSI)

²¹ Pòn in Kristū ngam anāhaṅ chu, taneūngen, yē chu kapah.

FILIPĪ 1:21 Referans Kwoze

KALATĪ 2:20

Ngaich chin harātu hol Kristū; sön chu-ö aṅ: rö-ö pöri ōtre öich chū-ö, tön Kristū tö aṅ nö in chu: ngaich ngam anaha chu töngamuh ing alaha, aṅ chū-ö im mikah, ngam mikah im Kūön ngam Tēv, ngam töhāngenlōn tö chu, kēngöre inrē töpôkūö chu.

2 KÒRIN 5:8

Ngö ṙô chin, öt pa-ekūö in, ngaich lahëḵ hōḵ rö-ö im alaha, ngaich i patī hol tö ngam Mā.

2 KÒRIN 5:1

Pò hī akahalōn, yē ngam patī ngam alaha hī aṅ el tumlat nö payāiyi, ngaich patī-iv ayī-ö tö aṅ im Tēv, öt vahī kuntī nö patī, töt chanūhuvṙen, nö el halīöngö:

FILIPĪ 1:23

El ngam töcheūkti chin i hôi minë tö nët, hòṅ lōnu tö ngināichö ngaich in Kristū; pò e angū-ö nö tö saṙaklöng anehten:

KÒLÒSĪ 3:4

Hē Kristū min nö hameuktu, ngam nômö hī; hameuktu yī-ö min inrē hol Ò, im kanôlò.

2 KÒRIN 5:6

Lökten örheūheu öt pa-ekūö, akahalōn inrē, yē hī ṙòngmö i patī, el ngam alaha, ngaich öt im Mā ayī-ö.

FILIPĪ 1:20

Sā ngam tökô maheūṅkkö chu, mineūka inrē, hòṅ chu öt sinrōnguvökūö i tö hĕng, öt tinrūṙuṙen pöri, sā tö-örheūheu, hameuktu An töngamuh inrē Kristū nö ing alaha, chu, yĕn im unhôṅmö chu hēk im kinpaha chu.

INMEUKHÖMAT 14:13

Ngaich chu-ö hang ök ṙô lamöktö el halīöngö tö ngö ṙô Kūich, töngamūhuten yin vē kupah, vē tökapah nö im Mā Tēv, nö tökôlò; hôṅ, ngö ṙô ngam Töhet Fanöinylö, hòṅ cha nö ngaich nö heūheure nö ṙā-ang i nup la-enre; pò nup la-en cha nö tömrit cha.

KALATĪ 6:14

Uh chin yēḵ chū-ö eū-eure, höng im töhakālö ngam Mā hī, Yēsū Kristū; ngam lökngen ngih panam nö kapah nö in chu, kapah chu-ö inrē ing panam.

1 KÒRIN 1:30

In Ò pöri yī-ö in Kristū ngam tövītu nö mikah ngam Tēv nö in hī, lanöökö, inhetlö, ṙinānyö inrē:

FILIPĪ 2:21

Pò cha nö ṙòkhöre nö lukkenre, tö nup töt aṅ in Kristū.

1 KÒRIN 3:22

Yĕn pòrô nö Pôl hēk Apòlös, hēk Kīfas, hēk ngih panam, hēk nômö, hēk kinpaha, hēk nup tö ṙònghöichṙen töngamuh, hēk nup tö mòkngöre nö yih; ṙòkhöre nö yī-ö;

FILIPĪ 1:22

Yēre pöri hòṅ aṅ ing alaha, yĕn angū-ö ngaich ṙòng ngam la-en, ngaich rö-ö chu-ö akahalōn tö atöllöre min.