FILIPĪ 1:20 - TÖHET LĪPÖRE (Re-edited) Bible (BSI)

²⁰ Sā ngam tökô maheūṅkkö chu, mineūka inrē, hòṅ chu öt sinrōnguvökūö i tö hĕng, öt tinrūṙuṙen pöri, sā tö-örheūheu, hameuktu An töngamuh inrē Kristū nö ing alaha, chu, yĕn im unhôṅmö chu hēk im kinpaha chu.

FILIPĪ 1:20 Referans Kwoze

1 PĪTÖR 4:16

Un sirōngkūö an yēḵ ngòh tarik tö sā kanihngen Kristīön: hökngen ò pöri nö hapōilö ngam Tēv nö in e angū-ö mine-eny.

1 KÒRIN 6:20

Rö-ö yin yī-ö rehre töre: pò yīö ṙāyu havaha; lökten eū ngam Tēv im alahare.

Isayā 54:4

Um pa-ekūö tön öthō man min siṙōngkūö um kalūöchöre elkui, tön öthō man min sumrōngikūö; pò meh min vaichngö ök sumrōngkūöre öm ayal, ök minṙēngö meh inrē öm tafīösī hö-ö me-eṅ min köpölōn tö e.

1 TÖSALÒNIKĒ 5:23

Hòṅ ngam Tēv lanāmö nö keuheūtlöre tī nö ahetlen yīö: haköpka nup inrē yēḵ nö tumre ma-alaha, nômö, alaha yīö inrē, nö öt vinëku ip yanihih ngam Mā hī Yēsū Kristū:

1 YÔHAN 2:28

Yĕh pöchö, yī-ö kun kūön chu, haköpöre in Ò; hòṅ hī tayāchaṙen, öi öt sirōngkūö i kūö ò, hē öp yanihih Ò, yĕn hameuktu min Anga-aṅ.

FILIPĪ 2:17

Hôṅ, yē chu kētu im tökētu ane inrē mineukṙen ngam mikah yīö, ṙāmölōn chu-ö, ṙāmölōn hòṅ hol yīö ṙòkhöre:

RŌMA 8:19

Pò në tö vīlöngö nö meūka takô, hökkö inmeuktö vē kūö ngam Tēv.

2 KÒRIN 10:8

Pò chu pòrô öre pōyen ṙô eū nup chöngö ih nup kahëtö ngam Mā nö minānlö yīö, öt tinṙōlngö yīö, öthōḵ chu-ö min sumrōngikūö:

2 KÒRIN 4:10

Örheūheu aṅhav alaha tö ngam tö hòṅ kapah Yēsū, hòṅ ngam nômö inrē aṅ in Yēsū nö hameuktu nö i alaha ih.

1 KÒRIN 7:34

Harīkngöre an ngam tö pihöv kikānö tö ngam töt chô-òv rēlö. Ngam kikānö töt pihöv, piṙūtkö nup aṅ im Mā, pò ò nö hòṅ het nö im alaha im ma-alaha inrē: ngòh kikānö pöri tö pihöv, piṙūtkö nup aṅ ngih panam, öp inlahen ò nö haṙamlōn ngam pihöre.

Isayā 50:7

Pò ngam Mā Tēv min nö holṙen chu; lökten chin öt kalūöchöre elkui; lökten chin hangëkūöre sā töngëḵ ihong, ngaich akahalōn chū-ö tö chu min öt sumrōngikūö;

Salmai 119:116

Ṙapken chu sā ngam ṙô Meh, hòṅ chu aṅ: uh öich hökiṙen sirōngkūö töp maheūṅkkö re.

RŌMA 5:5

Öt sumrōngngökūö an ngam mineūka; pò ngam hanāngenlōn ngam Tēv nö ngaich nö pirāti nö ellōn hī, lökten im Töhet Fanöinylö, ngam tö kētu nö in hī.

Isayā 45:17

Hayöökaṙen pöri min Israĕl tö ngam Mā Tēv nö aṅtī tö ngam tötchanuhuvṙen inyööken: öt sirōngkūö yin min yī-ö öt rēhĕn kalūöchöre elkui söl môkö örheūheu.

KÒLÒSĪ 1:24

Ṙāmölōn chin i në kanihngenre tö pòkūö yīö, ngaich haṙënngö ngam töhāṅten chu-ö kanihngen Krsitū ing alahare, pòkūö ngam alaha Ò, ngih māṅ;

RŌMA 12:1

Kahōlö, lökten chin vë-ekūö yīö, lökten i minë neūkölōn ngam Tēv, öi kētö minë alahare, tökētu nö tö aṅ, töhet, tö hōḵovö tö ngam Tēv, nö aṅ im töhet tī yīö la-en.

FILIPĪ 1:14

Pōyen yip kisānö im Mā inrē, nö hayönglenre lökten im inkövö chu, nö ṙūöhölre öttinrūṙuṙen, nö ṙô-òv tö ngam ṙô ngam Tēv holtö ötpinhë-eṅkūö.

2 KÒRIN 7:14

Yē chu eū an tö pòkūö yīö, hö-ö chin sumrōngikūö, pò ih kô-òṙô in yīö tö në nö ṙòkhöre, ngatī inrē ngam ineū-euṅ nö kôti nö tökô-en, ngam ṙô chu i kūö Taitös.

2 KÒRIN 5:15

Kūö tö maṙôngö Anga-aṅ nö kapah, pòn sōtu yip tö aṅ nöng kanahngenre nö ha-aṅhare, in Ò pöri ngam pòkūö cha nö kapah, ngaich choholre nö hēk.

1 KÒRIN 15:31

Kahōlö, ṙô tö ngam ṙānāmölōnre chin in yīö, ngam lamökten im Mā hī Kristū Yēsū, örheūheu chin chū-ö kapah.

RŌMA 9:33

Sā kinūichngö e nö ngö, Yĕh meuk, i Sīyôn tī chin ṙātö öp ihong kinvēngöröön, ane inrē ihong lökngövah: anga- aṅ ngòh ṙamātö ellōnre nö in Ò, öt sirōngkūö min.

RŌMA 6:19

Sā inlahen ṙô tarik chin, kūö öt kumlēḵ alaha yīö: pòn sā yīö sin misī, kēḵngö nup tūmö alaha yīö nö kūön ngam töchōich, ngatī yin töngamuh, kētö minë tūmö alaha yīö nö kūön ngam lanöökö.

RŌMA 6:13

Ui rēhĕn kētö nup tūmö alahare im tökööl nö aṅtī nup ötlanöökö, kētöre pöri yī-ö im Tēv öi tö aṅ ṙā-ang yip tökapah; nup tūmö alaha yīö inrē nö aṅtī ngam lanöökö nö im Tēv.

INLAHEN 21:13

Ngaich ngö ṙô ang Pôl, Kūöyòh öi peuny ane inrē miṙivngölōn chu, öi ngatī, yē chu tölēnen, öt höng tönyëkö, tön kapah inrē, i Yerūsalem, töpòkūö Mine-eny ngam Mā Yēsū?

INLAHEN 20:24

Rö-ö ön ngih nômö chu nö tö pōi ṙāi tö lōn chu, öt tökôlò inrē nö in chu; höng yē chu keuheūten tö ngam la-en, taneūngen chu aṅ im Mā Yēsū, ngam inhangkö ngam tölöök inhānga, ngam inlōnti aṅ im Tēv.

T. YÔHAN 21:19

Ṙô Yēsū an angū-ö nö hameuktö inlahen kinpaha ò, nö ha-öiny ngam Tēv. Keuheūthë ṙô Yēsū tö e, ngaich ngö ṙô tö ò Tā-a, tömrit Chu.

INCHŌḴ-OṘÔ 23:18

Öthō nö öt mū-unôchu umuh, öt rökiṙen ap min inrē maheūṅkkö meh.

INCHŌḴ-OṘÔ 10:28

I ṙanāmölōn manāngen öp maheūṅkkö tölöök, öt teung tö yīhi pöri öp maheūṅkkö tötlöök.

Salmai 119:80

Hökngen ngih lōn chu nö teung nö i minë chöngö Meh: hòṅ chu öt sirōngkūö.

Salmai 62:5

Nômö chu, höng ngam Tēv man, um ṙô-òv: tön aṅ in Ò öp tömeūkka tö chu.

Salmai 25:2

In meh chin hayönglenre, Ō Tēv chu: un hökiṙen yip lā-al chu nö mihôiṅ tö chu, uh chin hökiṙen sirōngkūö.

INLAHEN 4:31

Hē cha nö keuheūtô nö ve-ekūötēv, ngaich ök chūök cha nö hamūlöre, nö kayīna; ngaich ṙòkhöre cha-a nö tööḵlö tö ngam Töhet Fanöinylö; ngaich ötpa-ekūö nö ṙôtö nup ṙô ngam Tēv.

2 KÒRIN 3:12

Īnu tö töngatī mineūka lökten, öt pinhe-evkūö ṙô ihö.

2 KÒRIN 7:4

Kiröng an ngam öt pinyū-uṙô chu in yīö, kiröng an ngam ineū-euṅ chu tö pòkūö yīö: tööḵlö chin tö ṙinuhöl alaha, taṙēchi chin tö ṙanāmölōn i nup kanihngen ih.