FILIPĪ 1:15 - TÖHET LĪPÖRE (Re-edited) Bible (BSI)

¹⁵ Rīkre yip ma-ahangken Kristū nöng kūö kumnyah elmat inrāinyngö inrē; rīkre inrē tölöökö ellōn:

FILIPĪ 1:15 Referans Kwoze

FILIPĪ 2:3

Un lökten inmūltö i tötlöök, hēk tötöl kanôlò, im inyāichngö ellōn pöri, kö taṙeūḵ tölōnre tö yip tahëng.

2 KÒRIN 11:13

Pò yip tö ngatī tarik nö tanīnöṙô töminyôinyaṅ, vamī inchīlö, vītöre nö tanīnöṙô Kristū:

2 KÒRIN 4:5

Pò ih öt höng ahangköre, tön Kristū Yēsū nö Mā, ngaich ihö sā kūön alaha yīö, tö pòkūö Yēsū.

2 KÒRIN 1:19

Pò ngam Kūön ngam Tēv, Yēsū Kristū, tö-ahangka tö ih in yīö, tö chu, Silvanös Timòtī inrē nö öt hòṅ, öt hö-ö, in Ò pöri ngam tö hôṅ.

T. MËTIV 23:5

Ṙòkhöre pöri nup la-en cha, nöng inmeukhömat tarik. Pò cha nö pōitāk tī tö nup tökūichö i vanön kui cha; ṙūönyö tanāich hilāre inrē.

1 TIMÒTĪ 3:16

Kiröng an ngam öt mikahkūö aṅ im lanöökö, öt kilka nö ṙô; Anga-aṅ ngam tö hameuktu nö im alaha, hameuktu nö ma-alaha nö tölöök, meūkö tö ma-ahānga, ahangka i vē tarik, in Ò nö ṙātö ellōnre vē aṅ ngih panam, kēḵlöngö im kanôlò.

KALATĪ 2:4

Ngaich kūö yip tökô-en pöri hol, tö ulāihötvö, yip yamih nö ulāikenre nö hayun chunhëṅṙen ih in Kristū Yēsū, pòn kēten ih nö im inkövö:

2 KÒRIN 12:20

Tön röingö lōn chin hòn öt lökngö yô-òv, yē chu min yih öich öt kôtökūö tö yīö öt sā lōn chu, kôti chu-ö inrē öich sā lōn yīö tö chu; hòn öt löktö yô-òv, töng tulönghöre lōn, tinutngö, tanāinyö, manūlö tötlöök, vine-eng nang, tö föh lōn, tinṙōlen;

1 KÒRIN 13:3

Yē chu öre keuheūttö inlānenre öich ha-aṅhaṅl yāich. Yē chu öre hökngen ngih alahare nö föngi; öt īnuvö pöri tö hanāngenlōn, öt kôlò chū-ö tö kūö e.

1 KÒRIN 1:23

Ahangken, Kristū pöri īhö nö harātu, vanāichö i yip Yahūti, kumlō-ov inrē i yip Tahëng mihëṅṙö;

INLAHEN 11:20

Rēvre pöri yik umuh tö cha tarik, aṅ Saiprös, Kurēnī inrē, mikahten yik tahëng mihëṅṙö cha-a; hē cha nö yih nö i Anti-òk, ahangken cha tö ngam Mā Yēsū.

INLAHEN 10:36

Ngam ṙô tahīntö Ò i yip kūön Israĕl, minkahten tölöök inhangkö kumchiḵṙen, lökten in Yēsū Kristū; (Anga-aṅ An Mā taṙòkhöre;)

INLAHEN 9:20

Iṙūö ahangken Yēsū anga-aṅ, nö el chūök vine-eṅkūötēv, tö Ò nö Kūön ngam Tēv.

INLAHEN 8:35

Kaknyöre ngaich Filip, löktökūö ranehenyrit ngam ṙô ngam töhet līpöre, nö mumkahten ò tö Yēsū.

INLAHEN 5:42

Ngaich örhĕnghang sumkam cha-a nö ël ngam töhet chūök, i patī inrē, öt ṙākenre nö haköphöti, mumkahten inrē, tö Yēsū nö Kristū.

INLAHEN 8:5

Chuh ik panam ang Filip i Samariā, ngaich ahangken cha tö Kristū.

RŌMA 2:8

In cha pöri yip töminôṙô, maha-ôngen ngam kanô-en, hamangṙô michūṙen; ngam lanīnö.