11 Tööḵlö tö ṙòng lanöökö, nup lamökten Yēsū Kristū, i kanôlò, nöinyö ngam Tēv.
Ṙòkhöre nup chinökṙen ing töngamuh nö öt ṙanāmölōn, chanökö pöri: unôichngöre pöri anū-ö nö ṙôngu tö lanāmö nö in cha, yip tö harūnö nö in e, öp ṙòng lanöökö.
I ṙôken ṙòng yīö i yīö mahaköp in Chu inrē, ngam Yöng Chu nö eū-eu.
Ngaich yī-ö min kô lök im Mā, haṙamlōn i nup tökeuheūttöre; ṙônguvö i nup tökeuheūttöre tölöök la-en, ṙuhölre inrē im mikahkūö tö ngam Tēv;
Ök kūö chu lukkö ngam inlōnti; lukkö nup ṙòng pöri chu-ö tö ṙūölöre tö pò tī yīö.
Ngam yamih nö in yīö, sā e inrē i në taṙòkhöre panam, ṙònguvö, nö ṙuhölre; sā e inrē nö in yīö, hētentö ngam sakāmö yīö ngaich hang, akahalōn inrē, im kanô-en tö ngam inlōnti aṅ im Tēv.
Ngaich pöri ṙānyu töngamuh ṙā-ang im tökööl, ngaich vītu öi kūön ngam Tēv, ngaich ṙôngu yī-ö im inhetlö, ngaich nômö tö tö örheūheu-aṅ, manāngen.
Pòn sā ngam tumlat nö meunylö aṅkūö ngam panô-òṅ inrē nö sīöplö aṅkūö tö nup töteūichtu nö ël e, ngatī ngam Mā Tēv min nö vītö ngam lanöökö nöinyö inrē nö sīöplö nö i kūö pumnāmö tarik.
Mumātö pöri yi-ö öi tökatöllöngö, mineukṙen aṅ im Mā, töhet tarik, tarik öi amin ngam Tēv, pò yīö hōtu hameuktö lanöökö Ò ngam mahavënyen yīö ṙā-ang el sinngūlö, öi im pinngangkūö hanātö:
Hòṅ ngam minë-eny ngam Mā hī Yēsū nö in yīö nö ineū-euṅv, in Ò yī-ö inrē, sā ngam inlōnti aṅ im Tēv hī, ngam Mā inrē Yēsū Kristū.
(Pò nup ṙòng aṅ ngam hanātö, nup taṙòkhöre, nö tölöök, ötmichūṙen, kanô-en inrē),
Ngam rupīö kinlēḵngô ngam amin hī, invānö ngam inlānen ngam Tēv, nö ineū-euṅ ngam kanôlò Ò.
Lökten yē yīö nya-aṅvkūö òk, hēk nup töng vahīken yīö, vīken u nö ṙòkhöre nö kanôlò ngam Tēv.
Hökngen ngam ëāṅvöre yin nö yang nö i kūö tarik; hòṅ cha nö meuk nup tölöök la-en yīö, ngaich ha-öiny ngam Yöng yīö, ngam el halīöngö.
Tökôlò yin, yē yīö sumrōngikūö tö kūö mine-eny Kristū; pò ngam Fanöinylö ngam kanôlò, ngam Fanöinylö ngam Tēv nö i kui yīö nö ngöh.
Hökngen ngam inlahen yīö nö löök nö i yip aṅ elkahôyö, hòṅ cha yip tötlööku ṙô tö yīö, nö hatīönken yīö, ngaich haköp i nup tölöök la-en yīö, ngaich ha-öiny ngam Tēv im sakāmö chinöhkö.
Yī-ö inrē, sā tö-aṅ ihong, öi mānlöngö i ngam aṅ i töhet patī, öi töhet, mameukṙen, öi kētö aṅ i töhet tökētu, töhōḵov tö ngam Tēv lökten Yēsū Kristū.
Pò hī ayī-ö, aṅ vanī-iṅ Ò, vīlöngö in Kristū Yēsū kūö tölöök la-en, minë halēnngö ngam Tēv misī, pò hī hōtu lök in u.
Pò hī hōtu ineū-euṅ ngam kanôlò Ò, ayī-ö tö ngaich urĕh in Kristū:
Ngam mameukṙen ngam tameūich tö kulöl, ròti inrē nö nya-aṅkūö, meukṙen yīö min anga-aṅ, ngaich ṙūölö ṙôken kulöl nö taneūich yīö, ngaich ṙūölö nup ṙòng lanöökö yīö:
Rö-ö yin yī-ö kamtöllen Chu; Chū-ö Chin kamtöllen yīö, ngaich hōten yīö kiröönngöre, öi ṙônguvö; ngaich höngngöh ngam ṙòng yīö; hòṅ nup havëkö yīö min i Mine-eny Chu, im Yöng, nö kētu nö in yīö min tö Ò.
Ngih pak in Chu tötṙônguvö, fāngi angū-ö tö Ò; ngih pak töṙônguvö ahatlöng tö Ò, pòn hōtu nö ṙuhölre ṙòng.
Kē-ĕkūö yip töhaṙivlōn inrē i Sīyôn tö neūmö ṙënngen tisum, tavī-i ṙanāmölōn inrē nö ṙënngen miṙivlōn, nöinyö inrē kinṙum nö ṙënngen tötkalē-en ellōn; hòṅ cha nö kaheūkö nö ōk chōn lanöökö, nö taheūichtö ngam Mā Tēv, hòṅ ò nö hapōilöngö.
Ṙòkhöre min inrē yip tarik meh nö tölöök, amīnu yip min tö ngam panam nö örheūheu; ngam maneuinylö ngam taneūich chu, vahī në kuntī chu, hòṅ chu hapōilöngö.
Sā öp chōn min ang-aṅ töteūchtu nö I kui öp töhëm mak, öp töṙônguvö ip hē re: öp töt nyangngö rōi, kôlò min inrē nup töng vahīṙen ò.
Ngaich anga-aṅ nö ul talöökö mak nö havīlö e, ngaich hamūl nup ihong umuh ngaich teūchtö aṅ e tö tö atöllöngö vāin, ngaich vīlö chūök chamônga nö ellōn e ngaich ël e inrē nö hulhöt kinrān vāin: ngaich meūkken re anga-aṅ tö e min nö ṙôngu aṅ, ngaich angū-ö nöng ṙòng tö tötkôlò.
Yē chu min keuheūten tö ngih, ngaich haköpngö ngam ṙòng nö in cha, ngaich lök in yīö chu-ö min chuh Ispēn.
Hökngen yip tarik hī inrē nö haköptöre nö kēkö kaha tölöök vahīṙen nup töt ṙanāngen, hòṅ cha nö ṙônguvö.