FILIPĪ 1:10 - TÖHET LĪPÖRE (Re-edited) Bible (BSI)

¹⁰ Hòṅ yīö hameuktö nup tölöök; hòṅ yīö kô-en, öt īnu inrē tö töchōich, söl im sakāmö Kristū;

FILIPĪ 1:10 Referans Kwoze

RŌMA 12:2

Un asīntöre nö sā ngih panam, harīkngenre pöri yī-ö, i tinfömlö ellōnre, hòṅ yīö hameukten ngam tölöök tö hōḵovö inrē, tö ngam tö teungten inrē lōn ngam Tēv.

1 TÖSALÒNIKĒ 3:13

Pòn hòṅ haköpngö nup ellōn yīö Anga-aṅ im hanëtö, nö öt vinëku nö i kūö ngam Tēv hī, Yöng inrē, ip yanīhih ngam Mā hī Yēsū KrisTū nö holtö yip töhet.

1 TÖSALÒNIKĒ 5:23

Hòṅ ngam Tēv lanāmö nö keuheūtlöre tī nö ahetlen yīö: haköpka nup inrē yēḵ nö tumre ma-alaha, nômö, alaha yīö inrē, nö öt vinëku ip yanihih ngam Mā hī Yēsū Kristū:

RŌMA 2:18

Akahalōn tö lōn Ò, ngaich hōḵo nup tölngö tölöök, haköptu inrē tö aṅ im chöngö,

EFISÖS 5:10

Kalah nup ṙanāmölōn ngam Mā.

1 YÔHAN 4:1

Kahōlö, un ṙātö ellōnre i töng ma-alahaṙa, kalah yip ma-alaha pöri yē cha nö aṅ im Tēv; tön pōyen yik nö ngaich töminyôiny pròfĕt nö chuh i në panam.

FILIPĪ 1:6

Ngaich chin nyātölōn takô, tö ngam ramehlö tölöök la-en nö in yīö, ngaich hateungngö e min hanöng saha ngam sakāmö Yēsū Kristū.

1 TÖSALÒNIKĒ 5:21

Kalah tökeuheūttöre; ṙapngötīre köptī im tölöök;

1 KÒRIN 1:8

Ngam mahangëken yīö min söl ip manāngen, hòṅ yīö öt vinëkuvö min ip sakāmö ngam Mā hī, Yēsū Kristū.

INMEUKHÖMAT 2:2

Akahalōn chin tö nup vahīṙen meh, tö ranëtö meh inrē i manöiyö, tö meh inrē ötkô ṙap tötlöök tarik, ngaich inrē öm kalaha cha yip mahavëköre nö tanīnöṙô, ngaich rö-ö cha-a, ngaich kôtökūö me-eṅ tö cha nö töminyôiny;

EFISÖS 5:27

Pòn hòṅ kētö ngam Māṅ nö in re, nö tövai, öt pintohov, öt nyichköre, hēk nup yô-òv töngatī: hòṅ e pöri nö töhet, öt pinṙôku.

T. YÔHAN 1:47

Meūkö Netenīĕl Ang Yēsū, nö yihtöre nö in Ò; ngaich ngö ṙô, Yĕh meuk, ngòh kūön Israĕl takô, ngam töt aṅhaṅv-in tö michīl.

T. MËTIV 16:23

Havöölökūöre pöri Anga-aṅ, ngaich ngö ṙô tö Pītör, Heūlngöre man, Sātan, insānngö Chu man; pò meh öt lōntö nup aṅ im Tēv, lōntö nup aṅ i tarik pöri.

YÔSUĀ 24:14

Yĕh lökten pa-ekūö tö ngam Mā Tēv, kô-en lök la-en ò im kanô-en inrē: kavalngö nup tēv nup lahök la-en yik muvöhngö yīö misī lāmuh tö ngam Tāhël, i Aikup inrē; ngaich lök la-en ngam Mā Tēv yī-ö.

2 KÒRIN 1:12

Pòn ngih ineū-euṅ ih, ngam inmeuktö kuilōn ih, tö ih i hanëtö, kanô-en ngam Tēv inrē, inlahen öi ing panam, pōyen nö möthë nö lā in yīö, öt i mikah ngam alaha, im inlōnti pöri aṅ im Tēv.

RŌMA 12:9

Un anhaṅv in ngam hanāngenlōn tö innyatkö elmat. Surīkhö ngam tötlöök; kiṙapngöre im tölöök.

RŌMA 8:7

Pò ngam kuilōn ngam alaha nö kumnyahṙen im Tēv; pò e nö öt elkatòh ngam chöngö ngam Tēv, kôḵngen angū-ö nö öt rēhĕn nö kô:

T. MËTIV 26:33

Ngaich ngö ṙô ang Pītör, Yĕn ṙòkhöre min nö ṙāngen Meh, öthētu chū-ö ṙāngen Meh.

MAIKA 3:2

Yī-ö tösumrīk tö tölöök, töhāngenlōn inrē tö tötlöök; nyamòknyö uk alaha cha nö ṙā-ang in cha, nyamòknyö alaha cha inrē nö ṙā-ang i nup tangëḵ cha;

NGAM LĪPÖRE YŌP 34:3

Tön kalah ṙô an ngam elnang sā ngam el mirālö nö kalah nyā-aṅkūö.

NGAM LĪPÖRE YŌP 12:11

Röh ang ngam nang nö kalah ṙô nö sā elmirālö nö akah kum- chik nyā-aṅkūö?

Ranehlö 20:5

Öt kahngôre ang nö ngöṙô tö chu, Kanānö chu ana? Kônyô angā-aṅ inrē töre nö ngöṙô, Kanônyö chu ana: i lanöökö ellōnre chin öt chanôchö eltīre inrē öich ngatī.

FILIPĪ 1:16

Hĕng ngam aṅ im hanāngenlōn pòn akahalōn tö chu lanaklö ngam tölöök inhānga:

EFISÖS 6:24

In cha an yēḵ nö ṙòkhöre ngam inlōntī, yip töhāngenlōn tö ngam Mā Yēsū Kristū nö im tötchinhūngö.

EFISÖS 4:15

Hòṅ hī inrē öt michūṙen im hanāngenlōn, ngaich sīöplöre i nup taṙòkhöre in Ò, ngam kui hī, Ang Kristū;

KALATĪ 5:11

Kahōlö, yē chu pöri ṙòngmö ahangkö ngam tunnyinyngö, kūöyòh öich ṙòngmö öthakôlòngṙô? Ngaich panchö ngam insātö ngam töhakālö nö kē-ĕyö.

2 KÒRIN 8:8

Öt i chöngö ṙô chin, sā inmeukhöti pöri lökten i kumlēḵlōn yip tahëng, tö kanô-en ngam hanāngenlōn yīö.

2 KÒRIN 6:3

Rö-ö in kētö lökngen fanukngö, i tökeuheūttöre; hòṅ ngam la-en ih nö öt vinëkuvö.

2 KÒRIN 2:17

Pò hī öt sā tömaṙôngö, hachōichngö ṙô ngam Tēv, im kanô-en pöri: sā aṅ im Tēv pöri, ṙô tö aṅ in Kristū ihö i kūö ngam Tēv.

1 KÒRIN 10:32

Un kētu löktö sanānngö, un rēhĕn i Yahūti, Krīk, hēk im māṅ ngam Tēv:

1 KÒRIN 8:13

Lökten, yē ngam nya-aṅkūö nö pô-òvkūö tö ngam mak alaha chu nö kavē-ĕre, ngaich chū-ö öt hòṅ kā alaha, hòṅ chu öt pô-òvkūö tö ngam mak alahare nö kavē-ĕre.

RŌMA 16:17

Kahōlö, ve-ekūö yīö chin, mikahngö yip tö tī-iv tö inrēvngö, nö chööḵnyi fanukngö, tö harīkngöre tö ngam haköp yīö inköphöti: havööngö kūöre tö cha.

RŌMA 7:22

Pò chu kuchīken im chöngö ngam Tēv, nö sā ngam latuhēt tarik:

RŌMA 7:16

Ngaich yē chu pöri la-evṙen töp sahōḵore, ngaich hōḵ chu-ö im chöngö tö e nö tölöök.

INLAHEN 24:16

Lökten chin kalah öich halöök elkuilōnre, im Tēv, i tarik inrē, örheūheu.

T. YÔHAN 3:20

Pò ngam tötlöök la-en nö surīkhö ngam Hanātö; öt yihtöre inrē nö im Hanātö; pòn sōtu nup la-en ò nö vëka.

FILIPĪ 2:16

Kiṙapkö ngam ṙô ngam nômö; hòṅ chu löknyuvö ineū-euṅ hē ngam sakāmö Kristū, öich öt töchök alaha röön fal, öt töchök alaha la-evṙen inrē.