EFISÖS 1:3 - TÖHET LĪPÖRE (Re-edited) Bible (BSI)

³ Tökôlò an yēḵ ngam Tēv Yöng ngam Mā hī Yēsū Kristū, ngam mahakôlò hī tö aṅ i töhet inkôlò el halīöngö in Kristū:

EFISÖS 1:3 Referans Kwoze

1 PĪTÖR 1:3

Tökôlò an yēḵ ngam Tēv, ane inrē Yöng, ngam Mā hī Yēsū Kristū ngam tö sā ṙôkö öp neūkölōnre nö kayôḵnyen hī im tö aṅ mineūka, lökten i invanlö Yēsū Kristū nö ṙā-ang i tökapah,

2 KÒRIN 1:3

Tökôlò an yēk ngam Tēv, Yöng ngam Mā hī inrē Yēsū Kristū, ngam Yöng nup neūkölōn, Tēv inngëḵkö inrē nö ṙòkhöre,

EFISÖS 2:6

Ngaich hachohlen hī hol Ò, ngaich ha-ūichlen hī hol Ò el halīöngö, in Kristū Yēsū:

Ranehlö 22:18

Ane inrē im kūön meh min mumā-aṅ tarik ngam tumlat nö tökôlò, pò meh hang ṙô Chu.

EFISÖS 1:20

Ngam tī Ò nö in Kristū, hē Ò nö hachōhlen Ò nö ṙā-ang i yip tökapah, ngaich ha-ūichlen Ò nö lahāmö Ò nö el halīöngö,

Salmai 72:19

Örheūheu inrē yēḵ ngam mine-eny Ò nö kôlò: tööḵlö ön yēḵ ngih panam nö ṙòkhöre tö kanôlò Ò. Āmen. Amen!

EFISÖS 6:12

Tön rö-ö in lā-al alaha, mahām inrē, öi tirīp; lā-al tö yip taṙòkhöre pöri sī-ö, yip mahayöng ngih sinngūlö lā-al yip tömaṙôngö tötlöök sī-ö lātulöng.

EFISÖS 3:10

Pòn hōtu töngamuh nö mikahtulōn yip yöngṙen tömihôiṅ inrē el halīöngö nö lökten ngam Māṅ, tö ngam töṙōlkangen mikah ngam Tēv,

KALATĪ 3:9

Lökten cha vē aṅ im mikah nö tökôlò nö hol ngam tökô-en Aprahām.

1 KINṘÖTNGÖ 4:10

Havëkö ngam Tēv Israĕl ang Yapes, nö ngö ṙô, Ō hakôlò chu man öre ṙūönyö ṙôktī ngam kūöngö chu inrē, ngam kël meh inrē nöng in chu, ngaich më-eṅ inrē öre laklen chu i pinlāḵngen, hòṅ e nö öt chökhutī tö chu! Ngaich Ngam Tēv nö kētök havëkö ò.

Isayā 61:9

Akaha yip min mumātö cha nö i vē pumnāmö tarik, yip kūön cha inrē nö el ṙôngö vē tarik; akaha cha min nö ṙòkhöre yip mameūkö cha, tö cha nö tarik töhakôlöng ṙô tö ngam Mā Tēv.

Salmai 134:3

Löknyö Siyôn tī An ngam Mā Tēv nö hakôlò Meh: Anga-aṅ ngam vamī-il halīöngö tumlat inrē.

T. YÔHAN 17:21

Hòṅ cha nö ṙòkhöre nö hĕng; sā Meh Me-eṅ Kayöngö in Chu; in Meh Chū-ö; hòṅ cha cha-a inrē nö in hā; hòṅ ngih panam nö ṙātö ellōnre tö Meh Öm tīnten Chu.

Salmai 72:17

Köp min öp minë-eny Ò nö örheūhu; iṙūhen ap minë-eny Ò min sā rô-òten ngam tavūöi; in Ò min vē tarik nö kôlò: töṙāmölōn min Anga-aṅ tö ṙô pumnāmö tarik.

1 KINṘÖTNGÖ 29:20

Ngaich ngö ṙô Tavit tö yik tömaṙôngö, Hakôlò ngam Mā Tēv yīö. Ngaich ṙòkhöre yik nö maṙôngö nö hakôlò ngam Mā Tēv, ngam Tēv yik yöng cha, sōntö kui re ngaich cha-a, ngaich salām ngam Mā Tēv, ngam ṙācha inrē.

EFISÖS 1:17

Hòṅ ngam Tēv, ngam Mā hī Yēsū Kristū, ngam Yöng kanôlò, nö kē-ĕkūö yīö tö ma-alaha mikah, inmeukti inrē im inkaha aṅ in Ò;

2 KÒRIN 11:31

Akahalōn An ngam Tēv, ngam Yöng ngam Mā hī, Kristū, ngam tö-örheūheu nö tökôlò, tö chu öt minyôinyaṅ.

2 KÒRIN 5:21

Ngam töt akahakūö tö tökööl, ngaich pòkūö hī Anga-aṅ nö vītu nö kööl; hòṅ hī vītu lanöökö ngam Tēv in Ò.

Ranehlö 14:20

Tökôlò an yēḵ ngam Tēv lamātulöng, ngam kamëtö më tökunyaha elmat tömeh nö eltī meh. Ngaich angā-aṅ nö kēḵĕkūö ò hĕng hata i tösöm inuk taṙòkhöre.

1 KÒRIN 12:12

Pòn sā ngam alaha nöng hĕng, ṙōlö tūmö inrē, ngaich ṙòkhöre nö tūmö ngam alaha, nö ṙōl, höng hĕng ngam alaha; ngatī Kristū inrē.

RŌMA 12:5

Ngatī ayī-ö öi tö maṙôngö, öi hēngö alaha in Kristū, ṙòkhöre ayī-ö öi kö tūmö alaha höö.

TANĪ-ĔL 4:34

I manāngen nup sakāmö chū-ö, Nēpukatnēsar, môklökūöre el halīöngö, ngaich havantö re ök mikah chu nö in chu, ngaich chū-ö hakôlò ngam Lamātulöng, ha-öny, eū-an inrē ngam tö-örheūheu nö aṅ; Pò ngam pūlngö ò nö töt chanūhuvṙen nö pūlngö, tö köp inrē ngam pūlngö ò i tumköl chap;

EFISÖS 1:10

I ṙinūöhnyö ngam sanööḵtökūö minë ṙētak, nö hamūllö nup taṙòkhöre in Kristū, nup el halīöngö, tö nup ing panam inrē, in Ò.

2 KÒRIN 5:17

Lökten, yĕn tarīkuvö; mī-in Kristū, tufömngöre anga-aṅ: ṙòkhöre nuk höteh nö ngaichngen; yĕh meuk vītöre nun nö tumfömngöre.

RŌMA 15:6

Hòṅ yīö hēngö ellōn, hēngö ṙô ha-öiny ngam Tēv, ane inrē ngam Yöng ngam Mā hī Yēsū Kristū.

NAHIMIĀ 9:5

Ngaich yik Lēvī Yēsūa, Katmiel, Panī, Hāsapnīya, Serepiyā, Hotīyā, Sīpaniyā, Petahī-a inrē, nö ngö ṙô, ʽʽSöklöre yin hakôlò ngam Mā Tēv yīö ngam Tēv yīö töng öt chanūhuvṙen. Tökôlò an yēk ngam tökôlò minënyö meh ngam tahapōilöngö nö lātulöng tö nup inkôlò nö ṙòkhöre nöönyö inrē.ʼʼ

HEPRĀI 8:5

Ngam töng insā, nyat nup el halīöngö inrē, sā inköptö Môsös hē ò nö rultöre nö vī ngam inrūkui; pòn ngö ṙô anga-aṅ, Meuk man hòn ṙòkhöre nö vī-i nö sā ngam insōkngen meh ikui rôngö.

FILIPĪ 2:11

Hòṅ në taṙòkhöre litāk nö vë-eny tö Yēsū Kristū nö Mā, i kanôlò ngam Tēv Yöng.

1 KÒRIN 1:30

In Ò pöri yī-ö in Kristū ngam tövītu nö mikah ngam Tēv nö in hī, lanöökö, inhetlö, ṙinānyö inrē:

HEPRĀI 9:23

Yĕn öt ṙanāngen nup inmeuktö aṅ el halīöngö nö ahetlöngö tö u: ngaich nup aṅ el halīöngö nö hòṅ kē-ĕvkūö tö tömööḵlö tö u.

T. YÔHAN 20:17

Ngaich ngö ṙô Yēsū tö ò, Uh Chin lūölka, tön öl Chin yônlö im yöng. Kiröönngöre pöri, kuṙòh; ve-eny nang yip hol Chu tö Chu yônlö im Yöngre, Yöng yīö inrē; im Tēv Chu, Tēv yīö inrē.

T. YÔHAN 14:20

Im sakāmö angū-ö min yī-ö akahalōn tö Chu im yöngre, in Chu yī-ö, in yīö Chū-ö inrē.

T. LŪKÖS 2:28

Kētam anga-aṅ tö Ò nö eltī re, ngaich ha-öiny ngam Tēv anga-aṅ, nö ngö ṙô:

2 KINṘÖTNGÖ 31:8

Hē Hesikia tö yik kūön rācha nö yih ngaich meuk nuk tö fônghaka, hakôlò ngam Mā Tēv cha-a ngaich hakôlò yik tarik Israĕl inrē.