AMŌS 8:3 - TÖHET LĪPÖRE (Re-edited) Bible (BSI)

³ Inyôṙö ṙô nup min tinkökö nö el patī rācha ip sakāmö angū-ö, ṙô ngam Mā Tēv: pōyen nup min alaha tökapah; keuheūtngöre chūök tī min cha-a nö kavalngen cha nöng öt ṙēnuṙô.

AMŌS 8:3 Referans Kwoze

AMŌS 5:23

Kēngö u nö ṙā-ang in chu nup ṙënṙô tinkökö; tön rö-ö chin hòṅ hang tölöökö ṙô töṙātö ranöng meh.

AMŌS 5:16

Lökten an nö ngö ṙô ngam Mā Tēv, ngam Tēv yip tömaṙôngö, ngam Mā: Inrāmöre öp min nö ël nup töpōitī ël talöökö nö ṙòkhöre; ngaich ngö ṙô min cha-a nö ël nup kun talöökö, Aōla! Aōla! Ngaich cha-a min nö havëkö öp tameūich tarik nö töhaṙivlōn, cha-a inrē yip töhuveū-euṙô nö peuinynö harāmöre.

LA-EN LĒVĪ 10:3

Ngaich Môsös nö ngö ṙô tö Āròn Angū-ö ön ngih ṙô ngam Mā Tēv nö ngö ṙô, Ahetlöng chin min in cha yip maharöhtöre nö in chu, ngaich i kūö yip tarik nö ṙòkhöre öich hapōilöngö min. Ngaich höng öt ṙô-òvö Āròn.

NAHOM 3:3

Yôklö ngam aṅ uk kōra tarik,pachāla kūö ngam fël inrē, amëla kūö ngam vöi inrē maṙôngö ngaich töfëliyö, fônghak inrē kupah: öt chūöku nö rö-ö alaha kupah; fukngö cha-a nö i kui yip kupah cha:

AMŌS 8:10

Vīten nup tökiröng nyinā-aṅ chin min in yīö nö miṙivlōn, ngaich nup tinkökö yīö min nö ṙòkhöre nö inrāmöre; kētö nup sāk chin min hilā nö i ṙat yīö, nganānyö kui yīö inrē; vīten e chin min nö sā miṙvlōn tö töng hĕng maneuk nyīö kikōnyö, ngaich öp manā-aṅ min nö sakāmö tökiröng kanihngen.

AMŌS 4:10

Ngaich chū-ö söömtö tölëlngö kūö invah in yīö tösā nup i Aikup: fëli tö chu nö yahatö fël yik ṙāl tarik yīö, ngaich nuk kōra yīö inrē nö kē-ĕyö; ngaich vīten öp inngeūṅtö öp elyöngö yīö nö meutlö nö löklö elmeh yīö; sönngenre yī-ö öt havatöre in chu, ṙô ngam Mā Tēv.

YŌ-ĔL 1:13

Fūmlö ṙat re yin tö sāk, harāmöre inrē, yī-ö kūönṙô; ayôṙa yin, yī-ö mameukṙen im tahāklö; tā-a, hĕng mitööm hulalhaka el sāk, yī-ö makeukṙen ngam Tēv chu; pò ngam nyā-aṅ tökētu tö ngam òk tökētu inrē nö öt kētu nö el patī ngam Tēv yīö.

YŌ-ĔL 1:11

Sirōngkūö yin yēḵ, Ō yī-ö yōm panô-òṅ ayôkö ngam vīt yin, tö ngam pārli inrē Ō yī-ö kamrān vāin; pò ngam kanöinyòng ngam panô-òṅ nö yëḵngen.

YŌ-ĔL 1:5

Yī-ö mihiyōi, aṅhen yin peuiny inrē; ayôṙa inrē, ṙòkhöre yī-ö amòk vāin, kūö ngam tökuchik vāin, pò e nö rökiṙen nö ṙā-ang elvāng yīö.

YERIMIĀ 22:18

Lökten an ngam Mā Tēv nö ngö ṙô tö inlahen Yēhōyakim ök kikōnyö kūön Yôsayā, rācha aṅ Yūtā; Rö-ö yip min nö harāman, nö ngö ṙô, Aōla mëm chu! Hēk Aōla kanānö chu! rö-ö yip min nö harāman, nö ngö ṙô, Aōla mā chu? hēk Aōla ök rācha!

Isayā 37:36

Kiröönngöre ngaich ök ma-ahanga ngam Mā Tēv, ngaich ik elyöngö yik aṅ Asīriā nö fëlngö yik tö taneui köiny hēngòng hëvhöre anāi: ngaich hē yik tarik nö ka-euilökūö nö chōholre tö peuheū, yĕh meuk ṙòkhöre cha-a nöng alaha kupah.

Salmai 39:9

Öt ṙô-òv chin, öt vā-ainy-kūöre: pò e nö tī meh.

INRĀMÖRE 2:10

Ūichhak yip maṙöinylö kikānö kūön Sīyôn nö el tumlat nöng öt ṙô-òvö; tūi kuire cha-a inrē tö tumlat hayūtöre inrē tö sāk; sōntö kui re nö el tumlat yip rēlö aṅ Yērusalem.

AMŌS 6:4

Yī-ö muhulalhaka ël kanël alafān chamam,ngaich hateutnyöre el nup chamam yīö, ngaich kā kūön sīṅp aṅ i nup tömūlhaka, kā kun nuā inrē aṅ i nup ellōn chūök u;

AMŌS 6:5

Yī-ö tumkökṙôre tö tinkökö minôn i ṙô öp töṙātö ranöng; yī-ö lamukkötīre vī nup ranöng tinkökö, sā Tāvit;

AMŌS 6:8

In re ṙô An ngam Mā Tēv nö chūöku ṙô, ṙô ngam Mā Tēv, ngam Tēv yip tömaṙôngö: Sā-òkkūö chin tö ngam inkēulen Yāköp, surīkhö nup patī rācha òchin inrē: lökten chin min kētö ngam elpanam holtö yip aṅ e keuheūtlöre.

SEFAINIĀ 1:7

Um ṙô-òvö i kūö ngam Mā Tēv: tön röhta an ngam sakāmö ngam Mā Tēv: pò ngam Mā Tēv nö halēnlö tökētu, ngaich an nö ahetlö yip havëköre.