AMŌS 1:3 - TÖHET LĪPÖRE (Re-edited) Bible (BSI)

³ Ngö ṙô an ngam Mā Tēv: Kūö tölūöi fālen Tamaskös, hôṅ, kūö töfën, hö-ö chin min havööngö kūö ngam sācha e; pò cha nö fōhoh Kilīöt nö aṅtī tö vët piṙōngnyö ṙòng sāiny

AMŌS 1:3 Referans Kwoze

AMŌS 2:6

Ngö ṙô an ngam Mā Tēv: Kūö tölūöi fālen Israel, hôṅ, kūö töfën, hö-ö chin min havööngö kūö ngam sācha e: pòcha nö inyihngö yip tölöök nö ṙāi rupīö, yip töhāṅten inrē nöng hĕng höt tahôl tö kunröpö:

AMŌS 1:9

Ngö ṙô An ngam Mā Tēv: Kūö tölūöi fālen Tūrös, hôṅ, kūö töfën hö-ö chin min havööngökūö ngam sācha e: pò cha nö keuheūtngöre tī tö yip tarik nö kēten cha nö i Ētöm, ngaich rö-ö nö köpölōn tö kinlēḵngô mak ahala re:

Isayā 8:4

Pòn urēhĕkūö ngam nyīö min nö huveū-euṙô nö ngö ṙô, Yöng chu kikōnyö, ane inrē, yöng chu kikānö, ngaich nup kanôlò aṅ Tamāskös, nup tökīlö inrē Samarīa min nö kē-ĕyö urēhĕkūö ngam rācha aṅ Asiria.

2 RĀCHA 8:12

Ngaich ngö ṙô ang Hāsaĕl, Mā chu kūöyòh öm peuiny? Ngaich ngö ṙô anga-aṅ nö sapṙô, Pò chu akahalōn töp tötlöök tī meh min in yip kūön Israĕl: föngtu nup min tö meh töngëḵ chūökö, fëli min tö meh yip ṙālö tarik nö nyaha tö fël pinyāṅchi min yip tökūöṅnö sapnyu aich min inrē yip kikānö tökūönu ellōn.

AMŌS 2:4

Ngö ṙô an ngam Mā Tēv: Kūö tölūöi fālen Yūtā, hôṅ töfën, hö-ö chin min havööngökūö ngam sācha e: pò cha nö sō-o ngam chöngö ngam Mā Tēv, öt haköp ngam inchöngten inrē aṅ in ò, ngaich nup minyôinyaṅ cha nö pô-òvkūö tö cha nö vaich, nöng sā talöökö yik muvöhngö cha:

AMŌS 2:1

Ngö ṙô an ngam Mā Tēv: Kūö tölūöi fālen Mô-āp, hôṅ, kūö töfën, hö-ö chin min havööngökūö ngam sācha e: pò ò nö föngngö nuk tangëḵ ök rācha aṅ Etöm nö lanit.

AMŌS 1:13

Ngö ṙô An ngam Mā Tēv: Kūö tölūöi fālen yip kūön Amön, hôṅ, kūö töfën, hö-ö chin min havööngökūö ngam sācha e; pò cha nö fungngö aich kikānö puyōsö nö i Kīlīöt, pò cha ö hòṅ ṙūöyö kūöngö panam re:

AMŌS 1:6

Ngö ṙô ngam Mā Tēv: Kūö tölūöi fālen Kasā, hôṅ, kūö töfën, hö-ö chin min havööngö kūö ngam sācha e: pò cha nö halaingö töhakövö nö keuheūtngöre tī tö yik tarik, nö kēten cha ö i Ētöm.

SAKARIĀ 9:1

Ngam lumngam ngam ṙô ngam Mā Tēv nö i kui öp panam Hatrak, Tamaskös inrē chūök e min nö ṙātu: hòṅ ngam Mā Tēv nö i tarik mat i kui nup miyöngö Israel inrē:

AMŌS 1:11

Ngö ṙô An ngam Mā Tēv: Kūö tölūöi fālen Ētöm,hôṅ, kūö töfën, hö-ö chin min havööngökūö ngam sācha e: pò ò lūḵ ap hanöng kisānöre nö aṅ eltī tö fël, ngaich kavalngö miṙēlōn, ngaich ap tanānyö ò nö iṙūöhötī nö chiṙes, ngaich inrē anga-aṅ nö örheūheu nö haköp lanīnö re:

Isayā 41:15

Yĕh meuk, vīten meh chin min öm tufömngöre pinṙongnyö ṙòng sāiny öm keut öm kanāpuvö: ngaich me-eṅ min piṙöhngö minë rôngö, ngaich sōngö u öm kiṙöpö u nö kūöṅnö, vīten minë rung inrē nöng sā uk nëlö.

Isayā 7:8

Pò öp kui Sīria nö Tamāskös, öp kui Tamāskös inrē nö Rēsin: ngaich i ël tö tafūöl anāi tafūöl samyeūheu min Ifrēm nö panyeny nö lāköl, lökten e nö öt tarik:

Mumkahten 11:2

Kētö minchööḵö i tö sat, hēk i tö hëvhöre, tön öt akahalōn man töp yô-òv tötlöök min el tumlat.

INCHŌḴ-OṘÔ 6:16

Tafūöl nup surīkhö ngam Mā Tēv, sat nup sin-òṅkkūö Ò:

NGAM LĪPÖRE YŌP 19:3

Söm heuh yin ngaich kavaltö minṙēngö i kui chu; öt sirōngkūö öyih hachökö chu?

NGAM LĪPÖRE YŌP 5:19

Ṙānyen meh an min i nup tö tafūöl kanihngen; im tösat öt lūölka më-eṅ min tö tötlöök.

2 RĀCHA 13:7

Pò ò nö öt ṙākö kūö Yēhōāhas tö aṅ i yik tarik höng taneui anāi aṅ uk kōra tarik söm nòng nuk inrē, söm köṅny kumröön tarik; pò ök rācha aṅ Siriā nö keuheūtngöre tī nö piyāingö u, kiṙöpngö u inrē nöng sā pitung.

2 RĀCHA 13:3

Hūlökūö ngaich ök lanīnö ngam Mā Tēv nö in Israĕl, ngaich anga-aṅ nö kēten cha nö eltī Hasa-ĕl ök rācha aṅ Sīriā, eltī Penhatat inrē ök kikōnyö kūön Hāsā-ĕl, nöng iṙūöhen.

1 RĀCHA 19:17

Ngaich ngö inlahen min angū-ö, öp töt kô-òngvah min tökūö fël Hasaĕl fëli min tö Yēhū: öp töt kô-òngvah min tökūö fël Yēhū fëli min tö Ĕlaisa.

2 RĀCHA 16:9

Hang ṙô ò ngaich ök rācha aṅ Asīriā; kiröönngöre ngaich nö lā-al Tamaskös, kē-ĕ e ngaich, ngaich kēngö yik tarik nö i Kir nö töhakövö, ngaich fëlngen Rēsin.

Isayā 7:16

Pòn urēhĕkūö ngam nyīö min nö akahakūö nö sōḵ tö tötlöök, ngaich atöllö tölöök, ngam panam min tönët tak rācha sahō-o min yī-ö nö ṙā-ayö.

Isayā 28:27

Pò nup tösah vīt nö öt sōngnyu ṙòng tö nup tökeut aṅtī, öt rēhĕn öp kalröön inröl nö chuvālö nö i kui nup kūmin; fohnyu pöri nup tösah vīt tö chōn, nup kūmin inrē tö kun chōn.

SAKARIĀ 9:2

Hamat inrē nö öp kūöngö e: Tūrös, Sītōn inrē, pòrô anga-aṅ nö tö-akaha.