3 YÔHAN 1:3 - TÖHET LĪPÖRE (Re-edited) Bible (BSI)

³ Pò chu ngaich kiröngen ṙanāmölōn, hē chinlôtö yip hol, ngaich eūkö ngam kanô-en meh, nö sā röön meh lök im kanô-en.

3 YÔHAN 1:3 Referans Kwoze

2 YÔHAN 1:4

Pōyen ṙanāmölōn chin, töre öich kôtökūö tö yip rīkre kūön meh nö lök im kanô-en nö sā ngam chöngö taneūngen ih ṙeū-eung im Yöng.

2 YÔHAN 1:2

Kūö ngam kanô-en, ngam tököp nö in yīö, in hī min angū-ö nöng örheūheu:

Salmai 119:11

Halinngen ngam ṙô Meh chin ellōn re: pò chu sōḵ köölö fālen in Meh.

3 YÔHAN 1:4

Hö-ö chin tösamötngörevö ṙanāmölōn tö ngih, öich hang yip kūönre nö lök im kanô-en.

FILIPĪ 1:4

Örheūheu i nup ṙô chu vë-elkui yīö ṙòkhöre, holtö ṙanāmölōnre vë-elkui yīö;

INLAHEN 1:15

Lohten nö hēngòng nët anāi yik tömaṙôngö nö hamūlöre; hē e Pītör nö söklöre nö ellōn cha, ngaich ngö ṙô tö cha,

1 KÒRIN 13:6

Öt ṙāmölōn nö i tötlöök; ṙāmölōn pöri nö i tökô-en.

KALATĪ 6:10

Ta-a lökten, töi lök i tölöök i taṙòkhöre tarik, isaha hī löktuṙen, möthë lōn tö vē aṅ patī ngam mikah.

3 YÔHAN 1:2

Kahōlö, vë-ekūö Tēv chin, hòṅ meh kôlò i tökeuheūttöre, hòṅ meh lööken alaha inrē, nö sā kanôlò ngam ma-alaha meh inrē.

3 YÔHAN 1:5

Kahōlö, tö la-evṙen man i tökô-en la-en, ip töng tī meh lā in cha yip hol, tö yip aṅ tahëng inrē;

3 YÔHAN 1:10

Lökten, yē chu yih, fēḵlen yīö min tö nup la-en ò, nup vahīṙen ò, vë-eng uk nang hī tö töchökhuṙô: öt tööḵngen tö e, ötrēhĕn anga-aṅ nö hōḵ, tö yip hol hī, acha-a inrē yip tötāhai tö ò, ahōnyu inrē nö ṙā-ang im māṅ.