2 SAMUĔL 8:3 - TÖHET LĪPÖRE (Re-edited) Bible (BSI)

³ Kiyūngö Hatātesör inrē Tāvit, ök kikōnyö kūön Rēhòp, rācha aṅ Sōpāh, ik saha ò nö kiröönngöre nö havan ök pūlngöre i kui ök tahël Yufratīs.

2 SAMUĔL 8:3 Referans Kwoze

1 SAMUĔL 14:47

Hē Sôl ngaich nö kē ngam pūlngö Israĕl, keuheūtngöre lā-a ngaich anga-aṅ nö kiyung yik lā-alre, lā-al Mô-āp, lā-al yik kūön Amön, lā-al Ētöm, lā-al yik rācha aṅ Sōpah, lā-al yik Filistain inrē: öt kô-òtī anga-aṅ tö cha ip töng lā-a kū-ö ò.

2 SAMUĔL 10:16

Tīnhanga ngaich Hatatēsör, ngaich kētö yik aṅ Sīriā yik lāmuh tö ngam tahël Yufratīs cha-a ngaich nö i Helām, holten Sōpak nö yöngkūö kumyung nö i kui cha yik aṅ in Hatatēsör.

1 KINṘÖTNGÖ 18:3

Mihôiṅ inrē Tāvit tö Hatatēsör ök rācha aṅ Sōpah, lā Hamat, ik sā ò nö kiröönngöre nö asöklö ök minkahngö ò nö ik tahël Yūfrātīs.

2 SAMUĔL 10:6

Ngaich hē yik kūön Amön nö meūköre nö kunyaha elmat tī tö Tāvit, tīnngö ngamöönkö yik aṅ Sīriā aṅ Pĕtrehòp ngaich yik kūön Amön, tö yik aṅ Sīriā i Sōpāh nët anāi köṅny kumröön hĕng köṅny inrē yik tarik aṅ Mē-akāh nët sīön köṅny inrē yik tarik aṅ Tòp.

Salmai 72:8

Minā-av An min inrē, vinngö nö im mai: löktökūö ngam tahël, söl manā-angkūö ngam panam.

Salmai 60:1

Ō Tēv, kavāliyö in tö Meh, liköliyö in tö Meh: līn Man in ih; Ō havanten ih hēk.

1 RĀCHA 4:21

Hayöng ang Sòlòmön nö i kui nuk pūlngö nö ṙòkhöre löktökūö ngam Yufratīs söl i panam yip aṅ Filistain, tölngö kūöngö Aikup: kētö raneushö cha-a, ngaich kūönkūö Sòlòmön i rô-òtö sakāmö ò.

I. CHÖNGÖ 11:24

Ṙòkhöre nup törööntu elröön yīö nö amin yīö min: löktökūö im tönyalnyi, i Lepenön inrē, löktökūö im tahël, ngam tahël Yufritīs kūöngö meh min ngam lā sūng mai.

MANEUTNYI 23:31

Ngaich chū-ö min hakamngökūö panam meh löktökūö mai Ētöm söl ip mai Filistia, löktökūö im tönyaṅlnyi söl im Tahël: pò Chu min kēḵ yip aṅ ngam panam eltī meh; ngaich ahōngen cha më-eṅ min nö ṙā-ang i kūö meh.

Ranehlö 15:18

Im sakāmö angū-ö ngam Mā Tēv nö Vītö kinlēḵngôṅ nö in Aprām, nö ngöṙô, ngaich Chin kēḵtö ngih panam ip kūön meh, löktökūö ngam tahël Aikup söl im tökiröng tahël Yufaritīs:

2 SAMUĔL 10:15

Ngaich hē yik aṅ Sīriā nö meukngenre nö höichngen nö i kūö Israĕl, hamūlöre cha-a ngaich.

2 SAMUĔL 23:36

Ikal ök kikōnyö kūön Nātan aṅ Sopāh Pēnī aṅ Kāt;

2 KINṘÖTNGÖ 8:3

Chuh Hamatsōpah ngaich ang Sòlòmön, ngaich kē-ĕ e.