2 SAMUĔL 8:2 - TÖHET LĪPÖRE (Re-edited) Bible (BSI)

² Kiyūngö Mô-āp inrē anga-aṅ, ngaich haṙākö cha nö töökhaka, tölṙô cha nö ṙōlngöre nö el tumlat; ngaich anga-aṅ nö nët mitöökö fahëlngö nö i tölūöi mitöökö, ngaich hĕng tit mitöökö töṙātu nö aṅ. Ngaich yik aṅ Mô-āp nö tarik Tāvit ngaich kētu raneushö.

2 SAMUĔL 8:2 Referans Kwoze

KINṘEŪKÖ 24:17

Meūkan chin, öt töngamuh pöri; Hatīönken ò chin, öt röhta pöri: Meutlö öp min taneūsömat nö löklö in Yāköp, Hĕng öp min kinchīṙö minā-aṅ löklö in Israĕl, Ngaich min nö fohtu i nup sinkeukngö kūö Mô-āp, Ngaich likölngö yip kūön Set nö ṙòkhöre.

Salmai 60:8

Chūök sanöich röön chu an Mô-ap, tuhtö kunröpö re chin min i kui Ētöm: Filistia, hū-a më-eṅ tökūö chu.

2 SAMUĔL 8:6

Ṙātö kumyung ngaich Tāvit nö i Sīriā i Tamāskös: ngaich yik aṅ Siriā nö tarik Tāvit, ngaich kētö raneushö. Ik töng kū-ö ò nö kiröönngöre, kētö minhôiṅyö Tāvit ngam Mā Tēv.

1 SAMUĔL 10:27

Rīkre pöri yik kūön Pēlial tö ngö ṙô, Sitih tī ang min ngòh tarik nö hayööken hī? Ngaich cha-a nö mināich tö ò, öt kūmuṙen inrē tö raneushö ò. Hö-ö pöri anga-aṅ nö ṙô-òv.

Isayā 36:16

Un hāngö ṙô Hēsikīa: tön ngö ṙô an ngam rācha aṅ Asīria, Vī lanāmö yin in chu, kunyī-inyre inrē öi in chu; kö nyā-aṅvkūö inrē tö ṙòng anychīr re, kö òk aṅ chūök makre inrē:

Salmai 108:9

Tanīöyö chūök sanöich chu an Mô-ap: kavaltö kunröpöre chin min in Ētöm; hūḵtö kui Filistia chin min.

2 KINṘÖTNGÖ 26:8

Kētö masūl yik aṅ Amön nö in Usīyā, ngaich ök ineūnyö nö uroh nö parāti nö söl kūöngö panam Aikup, pò ò nö kalēḵ takô.

1 KINṘÖTNGÖ 18:2

Mihôiṅ inrē anga-aṅ tö Mô-ap ngaich yik aṅ Mô-ap nö tarik Tāvit ngaich kētö masūl.

2 RĀCHA 17:3

Lā-al ò nö yih ang Salmanesör rācha aṅ Asīriā; kētöre ngaich Hōsī nö tarik ò, ngaich kētö raneushö ò.

2 RĀCHA 1:1

Ngaich Mô-ap nö ahôngö chöngö Israĕl unôichrit kinpaha Ahap.

2 SAMUĔL 12:31

Kēnyö yik tarik anga-aṅ aṅ e, ngaich i kūö ṙanat tī tö cha, i kūö vët hanāk inrē, i kūö vët hanīöng inrē, ngaich hōten cha nö kiröön nö lök chūök vinī-i īt: ngatī tī anga-aṅ tö nuk elpanam yik kūön Amön, nö ṙòkhöre, Havan ngaich Tāvit nö i Yerūsalem tö yik tarik nö ṙòkhöre.

1 SAMUĔL 14:47

Hē Sôl ngaich nö kē ngam pūlngö Israĕl, keuheūtngöre lā-a ngaich anga-aṅ nö kiyung yik lā-alre, lā-al Mô-āp, lā-al yik kūön Amön, lā-al Ētöm, lā-al yik rācha aṅ Sōpah, lā-al yik Filistain inrē: öt kô-òtī anga-aṅ tö cha ip töng lā-a kū-ö ò.

Salmai 83:6

Nup inrūkui Ētöm, aṅ Ismail inrē: Mô-ap, aṅ Hakār inrē;

1 SAMUĔL 22:3

Ngaich ṙā-ang umuh ang Tāvit nö chuh Mispeh i Mô-āp; ngaich ngö ṙô anga aṅ tök rācha aṅ Mô-āp, Vë-ekūö meh chin hökngen ngòh yöng chu man kikōnyö tö ngòh yöng chu kikānö inrē nö yih,nö in meh, hanöng saha mikahlōn chu min tö tī ngam Tēv tö chu.

1 SAMUĔL 22:4

Ngaich kēten cha anga-aṅ nö i kūö ök rācha aṅ Mô-āp: ngaich cha-a nö iyöng in ò irô-òten Tāvit nö el ök kinluhu.

1 RĀCHA 4:21

Hayöng ang Sòlòmön nö i kui nuk pūlngö nö ṙòkhöre löktökūö ngam Yufratīs söl i panam yip aṅ Filistain, tölngö kūöngö Aikup: kētö raneushö cha-a, ngaich kūönkūö Sòlòmön i rô-òtö sakāmö ò.

Salmai 18:45

Changāchi yip min aṅ tahëng: ngaich meutlö min nöng kichëyöre nö ṙā-ang el nup tö-öpnyukūö chūök cha.

Salmai 60:10

Röh öm höng më-eṅ, Ō Tēv, kamvalngen ih: ngaich rö-ö me-eṅ kiröönngöre in ih kiyung?