2 SAMUĔL 8:1 - TÖHET LĪPÖRE (Re-edited) Bible (BSI)

¹ Ngaich unôichrit ngih, ang Tāvit nö kiyung yik Filistain, ngaich mihôiṅ tö cha: ngaich Tāvit inrē nö kē ök yöngkūö nuk elpanam nö ṙā-ang eltī yik Filistain.

2 SAMUĔL 8:1 Referans Kwoze

2 SAMUĔL 7:9

In meh chin ip töng kū-ö meh ngaich kiröönngöre, ngaich chin inrē rökngen yip lā-al meh nö ṙā-ang i kūö meh; vīlen meh chin min inrē kiröngö minë-eny, sā minë-eny yip tökiröng i kūö ngih tumlat.

2 SAMUĔL 2:24

Iṙūöhöröön pöri Yô-ap, Apisai inrē nö lū-u Apnör: ngaich ngam tavūöi nö sipti hē cha nö sölta nö ik rung Ammah, öp lā kūöngö Kīah el talöökö öp el inchōn Kipīön.

HEPRĀI 11:33

Yik tö mihôiṅ tö pūlngö lökten i ṙinātö ellōn re, öt atöltuṙen i kinṙôka, teūngen tö kinlēḵngô, haköpngö kūö elvāng lāyön,

HEPRĀI 11:34

Hanyangngökūö tameūyö, öt kô-òngvah tö kūö sanët, vītu nö kalēḵ lökten im ötkumlēḵen, kalēḵlöre nö i kinyūngö, pāngötī tö yip aṅ tahëng kumyung,

2 SAMUĔL 19:9

Ṙòkhöre ngaich yik tarik nö lā-alkūö re yik miyöngö aṅ Israĕl, nö ngö ṙô, Ṙānyen hī ap rācha ṙā-ang eltī yip lā-al hī, hayöölen hī inrē ṙā-ang eltī yip aṅ Filistain, ngaich ap yih töngamuh nö falngöre tö Apsalem nö ṙāngö ngih panam.

2 SAMUĔL 22:44

Ṙānyen chu më-eṅ inrē ṙā-ang i kinlöönö tö yip tarik chu; ṙātu chū-ö ngaich tö meh yöngkūö pumnāmö tarik: kūön alaha chu yip min tarik töt mikahkūö chu.

Salmai 18:43

Ṙānyen chu man ngaich ṙā- ang i kinlöönö tö vē tarik: vīlen chu më-eṅ ngaich yöng- kūö pumnāmö tarik: lök la-en chu yip min tarik töt mikahkūö chu.

Salmai 60:8

Chūök sanöich röön chu an Mô-ap, tuhtö kunröpö re chin min i kui Ētöm: Filistia, hū-a më-eṅ tökūö chu.

1 SAMUĔL 7:13

Lökten yik Filistain nö ngaich nö tumṙeūtu, öt hēk cha-a inrē nö vānghöt nö el kūöngö panam Israĕl: lā-al yik Filistain inrē ngam kël ngam Mā Tēv i ṙô-òtö nuk sakāmö Samu-ĕl.

2 SAMUĔL 5:17

Ngaich hē yik aṅ Filistain nö hāngö cha nö hacham kui Tāvit nö rācha nö i kui Israĕl, ṙòkhöre ngaich yik aṅ Filistain nö chöhö Tāvit; hē Tāvit nö hāngö e, kiröönngöre ngaich nö chuh ël ök chūök kumyung.

2 SAMUĔL 5:25

Ngaich ngatī ang Tāvit, sā tinöölô ò tö ngam Mā Tēv; ngaich löktö kūö Kīpā söl Kēsör nö fëlngö yik Filistain.

Salmai 60:2

Kichëyöre ön ngih panam tö tī Meh, tikāchiyö an tö Meh: halinken nup linrākö e; tön kalöka an.