2 SAMUĔL 7:9 - TÖHET LĪPÖRE (Re-edited) Bible (BSI)

⁹ In meh chin ip töng kū-ö meh ngaich kiröönngöre, ngaich chin inrē rökngen yip lā-al meh nö ṙā-ang i kūö meh; vīlen meh chin min inrē kiröngö minë-eny, sā minë-eny yip tökiröng i kūö ngih tumlat.

2 SAMUĔL 7:9 Referans Kwoze

2 SAMUĔL 5:10

Kiröng kirönglöre ngaich ang Tāvit pò ngam Mā Tēv yip tömaṙôngö nö in ò.

1 KINṘÖTNGÖ 17:8

In meh chin inrē ip töng kū-ö meh kiröönngöre, ngaich inrē öich rökngen yik lā-al meh nö ṙòkhöre nö ṙā-ang i kūö meh; vīlö minë-eny meh chū-ö min inrē, sā minë-eny yip tökiröng ing tumlat.

2 SAMUĔL 8:6

Ṙātö kumyung ngaich Tāvit nö i Sīriā i Tamāskös: ngaich yik aṅ Siriā nö tarik Tāvit, ngaich kētö raneushö. Ik töng kū-ö ò nö kiröönngöre, kētö minhôiṅyö Tāvit ngam Mā Tēv.

1 SAMUĔL 18:14

Ngaich Tāvit i nup talöökö ò nö ṙòkhöre nö lēnö inlaha; in ò inrē ngam Mā Tēv.

2 SAMUĔL 8:14

Ṙātö kumyung anga-aṅ ngaich nö i Itöm, keuheūtngöre chūök tī anga-aṅ nö ṙātö kumyung nö i Itöm, ṙòkhöre ngaich inrē yik aṅ Itöm nö tarik Tāvit. Kētö minhôiṅyö inrē ngam Mā Tēv nö in Tāvit ik töng kū-ö ò nö kiröönngöre.

Ranehlö 12:2

Ngaich vīlen meh Chū-ö min tökiröng mumā-aṅ tarik, hakôlò meh Chin min, vīlö ngam minë-eny meh nö kiröng; inkôlò pömchö më-eṅ yēḵ:

T. LŪKÖS 1:52

Kē-ĕyö yip rācha nö el chūökre; hapōilöng pöri vē yāich.

Salmai 89:23

Foh yip lā-al ò chin min urēhĕkūö Ò: aṅtī tö eltīre inrē fatākö cha yip tö sumrīk tö ò.

2 SAMUĔL 22:30

Pò chu lökten in meh rööntö kui yip kumyung: lökten im Tēv chu öich kumöingö kui kinlōngö.

1 SAMUĔL 2:8

Hachohlö yāich an ṙā-ang el tumlat hachohlö töhāṅten An ṙa-ang im rung sôḵ nuā, nö vīten chān holtöṙah kūön mā nö ūichhaka, amīnu inrē tö kantēra minā-aṅ: pò nup machööḵlö ngih panam nö aṅ im Mā Tēv, töönglö ngam panam anga-aṅ inrē nö i kui u.

2 SAMUĔL 22:1

Ngaich Tāvit nö vë-ekūö ngam Mā Tēv nö in në ṙô ngih tinkökö ik hē tī ngam Mā Tēv nö ṙānyen ò nö ṙā-ang eltī yip lā-al ò, ṙā-ang eltī Sôl inrē:

1 SAMUĔL 31:6

Lökten Sôl nö ngaich nö kapah, tö yik kikōnyö kūön ò lūöi tak, tök kameunkö lanaklö ò inrē, ṙòkhöre inrē yik tarik ò ik sakāmö angū-ö.

1 SAMUĔL 5:10

Lökten cha nö söömngö ngam kasòng ngam Tēv nö i Ēkròn. Ngaich hē ngam kasòng ngam Tēv nö yih nö i Ēkròn, hūḵa ngaich yik aṅ Ēkròn, nö ngö ṙô, Kētö ngam kasòng ngam Tēv Israĕl yin nö ngaich nö in hī nö famëlngen hī tö vē tarik hī inrē.

2 SAMUĔL 8:13

Kē minë-enyre ngaich ang Tāvit hē invantö ò nö ṙā-ang i kinyūngö yik aṅ Siriā el Achāṙö öp Sāl, hëvhör sīön köṅny yik tarik.

2 SAMUĔL 23:1

Në nun manāngö ṙô Tāvit. Ngö ṙô ök Tāvit ök kikōnyö kūön Yēsī, ök tarik ök töhachohlöng nö lātulöng nö ngö ṙô, ngam töhachāmö kui tö ngam Tēv Yāköp, ök tövāyö ṙô tö salmai nö in Israĕl:

YÔSUĀ 6:27

In Yôsuā ngaich ngam Mā Tēv; ngaich ök ineūnyö ò nö i nuk panam nö keuheūtngöre chūök.

1 SAMUĔL 18:30

Ngaich yik mā yip Filistain nö kiröönngöre; ngaich i tum heuh cha nö kiröönngöre, höng lēnö inlahen Tāvit nö mötlö tö yik tarik Sôl; pòn hōtök minë-enyre nö löök.

2 SAMUĔL 22:43

Ngaich chū-ö kūöṅnö tī pinyāchö cha sā tumlat, rööntökui cha chū-ö sā tilin el talöökö, pōiti tī ngaich pirātngen cha.

Salmai 21:6

Pò meh vī an nö tölngö tökôlò nö örheūheu: vīten ò man nö ṙāmölōn tö ṙanāmölōnre nö i kūö meh.