2 SAMUĔL 7:7 - TÖHET LĪPÖRE (Re-edited) Bible (BSI)

⁷ Keuheūtngöre chūök el nup talöökö chu kiröönngöre hol yip kūön Israĕl, ngaich ṙô-òv hòng chū-ö hĕng höiny milôhò in yip miyöngö Israĕl, yip tö tö tölô chu nö ha-aṅlö yip tarik Israĕl, öich ngö ṙô, Kūöyòh öi öt mānlö patī chu tö töchōntö sītör?

2 SAMUĔL 7:7 Referans Kwoze

1 KINṘÖTNGÖ 17:6

I nup taṙòkhöre chūökö chūök chu havötköre in yip Israĕl, hĕng höiny milôhò öichu tö ṙô in yip kamhôka i Israĕl, yip tö tölöṙô tö chu nö hayōm vē tarik chu, öich ngö ṙô, Kūöyòh öyih öt mānlö patī chu tö töt chōntö sītör?

2 SAMUĔL 5:2

Hē Sôl misī nö rācha nö i kui ih, ngaich höng më-eṅ mahachōnyen ih kamëhetnen ih inrē i Israĕl: ngaich ngö ṙô ngam Mā Tēv tö meh, Ha-āṅhal vē tarik chu man min Israĕl, ngaich më-eṅ min inrē yöngṙen i kui Israĕl.

INLAHEN 21:28

Yī-ö tarik aṅ Israĕl; holṙen hī. Ngòh ön kòl tarik tökeuheūtngöre chūök nö haköptö taṙòkhöre tarik nö öt chumkūöṙen tö vē tarik hī, ngam kui hī, ngih töhet chūök inrē. Kēhöt Tahëng mihëṅṙö inrē anga-aṅ nö ël ngam töhet chūök, ngaich hachōichngö ngih töhet chūök.

INLAHEN 20:28

Aṅtöre yin; aṅtö minë pököre inrē, minë hayöng yīö, i tī ngam Töhet Fanöinylö, nö vīlen yīö mameukken, hòṅ yīö ha-aṅlö ngam Māṅ ngam Tēv, ngam havah Ò nö ṙāi tö mahāmre.

T. MËTIV 2:6

Me-eṅ Petlihem, panam Yūtā; rö-ö man tökūönö öm i yip mahayöng, ap amahtö vē tarik Chu min, Israel?”

MAIKA 5:4

Söklöre min anga-aṅ, ngaich ha-aṅlö nup pököre i kumlēḵ ngam Mā Tēv, i minā-aṅ ngam minë-eny ngam Mā Tēv ngam Tēv ò: ngaich köp cha-a min nö kiröng söl manā-angkūö ngam tumlat.

ISIKĪ-ĔL 34:23

Ngaich chū-ö min hĕng tak vahīlö tö yōm pököre nö i kui u, öp tarik chu Tāvit, anga-aṅ ap min maha-aṅhal u: ha-aṅhal u öp min ngaich yōm u inrē.

ISIKĪ-ĔL 34:15

Hakôtenre chin min yōm nup pököre chu, haṙōlngen u chin min inrē ngö ṙô ngam Mā Tēv.

ISIKĪ-ĔL 34:2

Kūön tarik, vë-eny mu-unôich lā-al yip yōm pököre in Israel, vë-eny mu-unôich, ngö ṙô tö cha, yip yōm pököre, Ngö ṙô an ngam Mā Tēv: Mah, yī-ö yōm pököre Israel öi töng maha-aṅhalre! Hö-ö yip yōm pököre nö hòṅ ha-aṅlö nup pököre?

YERIMIĀ 23:4

Ṙātö yōm pököre chin min i kui u, yip töṙūötökūö min tö u, ngaich anū-ö min nö ötngöhören nö pa-ekūö, öt rēhĕn nö ngang-ngökūö, öt rēhĕn min nö hĕng hang nòng töchatngen, ṙô ngam Mā Tēv.

YERIMIĀ 3:15

Kē-ĕkūö yīö chin min inrē tö yip yōm pököre sā öp ellōn chu, yip maha-āṅlen yīö min tö mikah, mikah elmat inrē.

Isayā 40:11

Sā yōm pököre ap min nö ha-aṅlö nup pököre, hamūl nup kūön pököre ap min nö el kël re, tayūkö u inrē nö el ranôṙö re, ṙēmen min inrē nö hachōkūö u nup tökūöṅnö kūön.

I. CHÖNGÖ 23:14

Pò ngam Tēv meh ngam Mā Tēv nö kiröön nö ellōn ngam elyöngö kumyung nö ṙā-nyen meh, nö kētö yip lā-al meh inrē nö in meh; lökten ngam elyöngö meh nö töhet: hòṅ ò nö öt meuk töthet nö in meh, ngaich havööngörekūöre tö meh.

1 PĪTÖR 5:1

Lökten chin halēn yip mahaköphöti in yīö, chu-ö hamòl cha mahaköphöti, ane inrē mameuk kanihngen Kristū, chu-ö inrē hamòl im kanôlò tö hameuktu min:

1 KINṘÖTNGÖ 11:2

I tö misī pòrô hē Sôl nö rācha, ngaich më-eṅ mahachōnyen Israĕl kamëhĕtnen ò inrē: ngö ṙô inrē ngam Mā Tēv tö meh ngam Tēv meh, Më-eṅ man min yōm yip tarik chu Israĕl, ngaich më-eṅ min inrē rācha i kui yip tarik chu Israĕl.

Isayā 66:1

Ngö ṙô an ngam Mā Tēv: Kantēra chu an ngam halīöngö ranöönö röön chu inrē ngam tumlat; patī yòh öp min patī mahānlö yīö patī chu? Asuh ap chūök chu min heūheure?