2 SAMUĔL 7:3 - TÖHET LĪPÖRE (Re-edited) Bible (BSI)

³ Ngaich ngö ṙô Natān tö ngam rācha, kuṙòh, la-evṙen man tö nup ellōn meh; tön in meh An ngam Mā Tēv.

2 SAMUĔL 7:3 Referans Kwoze

1 KINṘÖTNGÖ 22:7

Ngö ṙô Tāvit tö Sòlòmön, Kakūönö, ellōnu chin tö minānlö öp patī i minë-eny ngam Mā Tēv ngam Tēv chu.

1 KINṘÖTNGÖ 28:2

Choholre ngaich ök rācha Tāvit nö söklöre ngaich ngö ṙô: Hang ṙô chu, mak alaha chu tarik chu inrē. Tö ellōnu chin tö minānlö öp patī chūök ṙinātö ngam kasòng kinlēḵngô ngam Mā Tēv, nö ranööntö röön ngam Tēv hī inrē; ngaich chū-ö halēnken minānlö e.

2 RĀCHA 4:27

Ngaich hē ò nö sölta nö ik tarik ngam Tēv nö ip rung, kē kunröön ò ngaich anga-aṅ. Yihtöre ngaich Kīhāsī nö haröhtöre nö kuringngen ò; ngö ṙô pöri ök tarik ngam Tēv, hökngen ò: tön kihngen ap ellōn ò; hanyāti inrē angū-ö nö in chu tö ngam Mā Tēv, nö öt vënyu nö in chu.

1 SAMUĔL 16:7

Ngö ṙô pöri ngam Mā Tēv tö Samu-ĕl, Uh man ngëichkö arëkūö ò hēk um ngëichkö rôlòng ò; sō-en ò chin; pò ngam Mā Tēv nö öt sā mat tarik nö meuk; pò ngòh tarik nöng meuk lā-uk, meuk ellōn pöri ngam Mā Tēv.

1 YÔHAN 2:27

Yī-ö pöri, köp an nö in yīö ngam taneūngen yīö incham elkui; öt kusīkten inrēngöre yin mahaköpten yīö; sā ngam incham elkui pöri tī Ò nö haköpten yīö tö inlahen nup taṙòkhöre, ngam tökô-en, hö-ö nö minyôinyaṅ, sā inköptö yīö tö e, haköpöre yī-ö in Ò.

Salmai 37:4

Im Mā Tēv ṙanāmölōn man: ngaich kētö nup havëkö meh min anga-aṅ.

Salmai 20:4

Kētö nup lōn meh: hateung-ngö nup töhalēnlöng tö meh.

1 SAMUĔL 10:7

Ngaich mīnö, yē në minkahngö nö teungtöre nö in meh, ngaich më-eṅ la-evṙen yĕm hōtenvö; tön in meh an ngam Tēv.

2 SAMUĔL 7:4

Ngaich im hē e angū-ö hatööm ngam ṙô ngam Mā Tēv nö yih nö in Natān, nö ngö ṙô,

1 SAMUĔL 14:7

Ngaich ngö ṙô tö ò ök kameunkö lanaklö, La-evṙen man tap ellōn meh: havöökūöre, yĕh meuk hol meh chin sā lōn meh.

1 RĀCHA 1:8

Hö-ö pöri Sētòk ök kūönṙô, Pënāyā inrē ök kikōnyö kūön Yēhoiata, Nātan inrē ök pròfĕt Simēi, Rēi, yik tökalēḵ inrē tarik aṅ in Tāvit nö in Atōnīyā.

1 KINṘÖTNGÖ 29:29

Kūchö nup inlahen ök rācha Tavit, löktökūö raneh söl manā-aṅ nö i mat Kinṙötngö tö Samuĕl ök mameuk, i Kinṙötngö inrē tök pròfĕt Nātan, i Kinṙötngö inrē tö Kāt ök mameuk,

2 KINṘÖTNGÖ 29:25

Ngaich asök yik Lēvī anga-aṅ nö el patī ngam Mā Tēv nö holtö simpòl, hārp, lair, sā chöngö Tāvit, Kāt inrē ök mameuk nö ik rācha, Natān inrē ök pròfĕt; pò ngam chöngö nö ṙamā-ang im Mā Tēv nö lökten in yik pròfĕt ò.