2 SAMUĔL 5:3 - TÖHET LĪPÖRE (Re-edited) Bible (BSI)

³ Lökten yik mā aṅ Israĕl nö yihtöre nö ik rācha nö i Hepròn; ngaich ök rācha Tāvit nö i Hepròn nö i kūö ngam Mā Tēv nö vī kinlēḵngô nö in cha; hacham el kui Tāvit chā-a ngaich nö rācha nö i kui Israĕl.

2 SAMUĔL 5:3 Referans Kwoze

2 SAMUĔL 2:4

Yihtöre ngaich yik tarik aṅ Yūtā. Ngaich in e cha-a nö hachām el kui Tāvit nö rācha i kui aṅ Yūtā. Ngaich cha-a nö ve-eny nang Tāvit, nö ngö ṙô, Yip tarik yip aṅ Yapeskilīöt lamāpngen Sôl.

1 SAMUĔL 23:18

Ngaich i kūö ngam Mā Tēv cha-a nö nëtre taka nö vī kinlēḵngôre: höngngöh ang Tāvit nö el inchōn, ngaich chuh patī re ang Yônatan.

1 SAMUĔL 16:13

Kē ök sinrōl tavī-i ngaich Samuĕl ngaich hacham el kui ò nö elṙôngö yik mëm ò: ngaich ngam ma-alaha aṅ im Mā Tēv nö kalēḵ nö teungtöre nö i kui Tāvit löktökūö ik sakāmö angū-ö nö iṙūöhöröön. Hōklöre ngaich Samu-ĕl, ngaich chuh Rāma.

2 RĀCHA 11:17

Ngaich Yēhōiata nö vītö kinlēḵngô ihôi ngam Mā Tēv tö ngam rācha tö yik tarik inrē, nö hōten cha nö tarik ngam Mā Tēv; ihôi ngam rācha inrē tö yik tarik.

2 SAMUĔL 3:21

Ngö ṙô ngaich Apnör tö Tāvit, Hòṅ hōklöre chin öich ngaich, öich hamūl tö yip Israel ṙòkhöre nö im rācha ngam mā chu, hòṅ cha min nö kīlēḵngôre nö in meh, hòṅ meh inrē më-eṅ hayöng i kui hakô-ònglōnre. Tīnngen Apnör ngaich Tāvit; i kumchikṙen ngaich anga-aṅ nö kiröngöre.

KAMHÔKA 11:11

Kiröönngöre ngaich Yefta nö in yik mā aṅ Kilīöt, ngaich yik tarik nö vīlen ò nö yöngkūö mā inrē nö in cha: ṙô-òny nup ṙôre inrē Yefta nö i kūö ngam Mā Tēv nö i Mispah.

NAHIMIĀ 9:38

Kūö u nö ṙòkhöre öi vī tököp kinlēḵngô ngaich kūichngö e inrē, ngaich yin vē kūön rācha ih, Lēvī ih, kūönṙô ih nö katāntö tīre nö in e.

2 KINṘÖTNGÖ 23:16

Vī kinlēḵngô ngaich Yēhōyata nö in re in yik tarik inrē ik rācha inrē nö hōten cha nö tarik ngam Mā Tēv.

1 KINṘÖTNGÖ 11:3

Lökten nö ṙòkhöre yik minṙöinylen aṅ Israĕl, nö yih nö ik rācha i Hepròn; kilēḵngôre ngaich Tāvit nö in cha nö i Hepròn nö i kūö ngam Mā Tēv, ngaich cha-a ngö hacham kui Tāvit nö rācha nö i kui Israĕl, sā ṙô ngam Mā Tēv nö lökten in Samuĕl.

1 SAMUĔL 11:15

Ṙòkhöre ngaich yik tarik nö chuh Kilkal; umuh cha-a ngaich nö vīlen Sôl nö rācha nö i kūö ngam Mā Tēv i Kilkāl; in e cha-a ngaich i kūö ngam Mā Tēv nö kētö tökētu inlāmö; in e inrē, Sôl tö yik tarik Israel nö ṙòkhöre nö pōyen ṙanāmölōn.

MANEUTNYI 3:16

Kuṙòh, hamūl yip mā i Israĕl, ngöṙô tö cha, meūkö an tö chu Ngam Mā Tēv, ngam Tēv yik yöng yīö, Tēv Aprahām, Isāk, Yāköp inrē, ngöṙô an tö chu, Chöhken yīö chini, meuk nup inlanken yīö chin i Aikup:

YÔSUĀ 10:36

Ngaich kiröönngöre Yôsuā nö ṙā-ang Ĕklòn, ṙòkhöre inrē yik kūön Israĕl nö hol ò, nö chuh Hepròn; kiyūngö e ngaich cha-a;

1 RĀCHA 1:34

Hökngen Sētòk ap kūönṙô Nātan inrē ap pròfĕt nö hacham kui ò nö umuh nö rāchakūö Israĕl: föö ap römpet pöichö ngaich ngö ṙô, Tēv hayööken ngam rācha Sòlòmön.

1 KINṘÖTNGÖ 11:1

Hamūlöre ngaich yik aṅ Israĕl nö in Tāvit nö i Hepròn, ngaich ngö ṙô, Yĕh meuk, tangëḵ meh in īhö alaha meh inrē.

2 SAMUĔL 2:7

Lökten yin yĕh ngaich hangëṅlö minë kël re, uh yī-ö inrē pa-ekūö: tön kapahare ök yöng yīö ang Sôl, ngaich inrē vē aṅ patī Yūtā nö hacham kui chu rācha i kui cha.

1 KINṘÖTNGÖ 28:4

Ngaich sön ngam Mā Tēv Israĕl nö atöllen chu nö ṙā-ang i patī ök yöng chu öich rācha i kui Israĕl örheūheu; pòn atöllen Yūtā anga-aṅ nö yöngṙen, el patī Yūtā kikōnyö inrē kūön ök yöng chu anga-aṅ nö kuchīkölōn nö vīlen chu rācha i kui Israĕl nö ṙòkhöre.