2 SAMUĔL 4:7 - TÖHET LĪPÖRE (Re-edited) Bible (BSI)

⁷ Hē cha nö kuhēthötre nö el ngam patī i saha ò nö hulalhakaṙen në el chaman re el urôhò mahaṙòh, sapngen ò cha-a ngaich nö fëlngen ò, ṙökngö kui ò inrē, ngaich kē ök kui ò, ngaich kiröönngöre nö hĕng mitööm röön nö lök el talöökö Arapā.

2 SAMUĔL 4:7 Referans Kwoze

T. MËTIV 14:11

El pingāṅl ngaich ök kui ò nö kētu; ngaich kētu nö ik nyīö kikānö; ngaich anga-aṅ nö kēkngö e nö ik yöngre kikānö.

2 SAMUĔL 2:29

Hĕng mitööm röön ngaich Apnör tö yik tarik ò nö lök Arapā; havāngngö el Yôtön cha-a inrē, ngaich lök i Pitròn yih ngaich nö i Mahanēm.

1 SAMUĔL 31:9

Rökngö ök kui ò cha-a ngaich, luhngö ök lanaklö ò inrē, ngaich söömngö u nö havīni chūök i panam Filistain, nö kumtö inhānga nö el patī insā tēv cha, in yip tarik inrē.

1 SAMUĔL 17:54

Kē ök kui ök Filistian ngaich ang Tāvit, ngaich kētö e nö i Yērusalem; ṙātu pöri ök lanaklö ò nö el rūkui ò.

MANEUTNYI 8:3

Höng tarôṅtnyöre an min ngam tahël, nup mameutlö min, ngaich yòhlö në el patī meh, el chūök meh haṙòh, el chamam meh, el patī yip tarik meh, i alaha yip tarik meh, el tisum meh inrē, el nup tökachāvu chūök kinrāich atra inrē:

1 SAMUĔL 17:51

Faltöre ngaich Tāvit, söklöre ngaich nö i alaha ök Filistain, kē ök fël ò ngaich, ngaich hōknyen ò nö rā-ang el ök inyul ò, kumpahang vah ò ngaich, aṅtīten tö ò inrē nö rökngö ök kui ò. Hē yik Filistain ngaich nö meuk ök nangnyi tökalēḵ kūö cha nö kapah, falngöre cha-a ngaich.