2 SAMUĔL 22:3 - TÖHET LĪPÖRE (Re-edited) Bible (BSI)

³ Ihong chu an ngam Tēv, In ò chin hayönglenre; Lanaklö chu, sinrōl inyööken chu, tömarô-òl kui chūök chamônga, innyatlö chu inrē; Mahayööken chu, hayöölen chu man ngaich i kanihngen.

2 SAMUĔL 22:3 Referans Kwoze

Salmai 9:9

Tömarô-òl kui an ngam Mā Tēv, chūök chamônga, lanaklö yip töhakihtuṙen: tömaṙô-òl kui chūök chamô-nga hē el kanihngen.

Isayā 12:2

Yĕh meuk, inyööken chu an ngam Tēv; hayönglenre chin, ngaich öthō min pa-ekūö: kumlēḵ chu an tinkökö chu inrē ngam Mā Tēv Yavē; inyööken chu an inrē nö vītenre.

INCHŌḴ-OṘÔ 18:10

Töngëḵ an nö chūök chamônga ngam minë-eny ngam Mā Tēv; falhötre nö el e ngòh tölöök tarik ngaich öt palā-aiṙen.

INCHŌḴ-OṘÔ 30:5

Hameuktu nup nö kô-en ṙô ngam Tēv; lanaklö cha an yip mahanyathötre nö in ò,

Salmai 46:11

In hī an ngam Mā Tēv yip tömaṙôngö: ngam Tēv Yā-köp an innyatlö hī.

Salmai 18:2

Ihong chu an ngam Mā Tēv, chūök chu kiyung, ṙamānyen chu inrē: Tēv chu, töngëh ihong chu: in ò chin min hayönglenre; lanaklö chu, sinrōl ngam inyööken chu inrē, tömarô-òl kui chūök chamônga.

I. CHÖNGÖ 33:29

Ō Israĕl, töṙāmölōn man: achiāp tösā meh, tarik töha- yöölöngṙen tö ngam Mā Tēv, ngam hinòlṙen meh lanaklö, anga-aṅ an sanët nö ineū-euṅ meh! Hökngenre yip min lā-al meh nö elkatòh meh; ngaich më-eṅ min röön tö ël nup chūök insātēv cha.

Ranehlö 15:1

Unôich tönë ngam ṙô ngam Mā Tēv nöyih nö in Aprām nö i inmeukhömat, nö ngöṙô, Aprām, un pa-ekūö: Chū-ö Chin lanaklö meh, kiröng nup min raneushö meh.

HEPRĀI 2:13

Hēk inrē, Hòṅ hayönylenre chin in Ò. Hēk inrē, yĕh meūkö chu, tö vē nyīö vē kahëtö ngam Tēv nö in chu.

T. LŪKÖS 1:69

Hachohlö tö kalēḵ An inyööken hī i vē kūön ngam kūön ò, Tāvit;

Salmai 144:2

Hanāngen neūkölōn chu, chūök chu kiyung, tö marô-òlkui chūök chamônghöl, ṙamānyen chu inrē: lanaklö chu, chūök chu inrē hayönglenre; tö mihôiṅ tö yip el katòh chu tarik.

Salmai 59:16

Tikökngö ngam kumlēḵ Meh pöri min chū-ö, hôṅ, pōitô chin min tikökngö ngam miṙēlōn Meh tö peuheū: pò Meh ha-ëhelen tananglö chu, innyatlö chu ip sakāmö kanihngen.

Salmai 14:6

Sumrōngngökūö inlēnö yip yāich yin: pò ngam Mā Tēv nö elyöngö ò.

YERIMIĀ 16:19

Ō Mā Tēv, kumlēḵ chu chūök chu inrē töngëḵ, innyatlö chu ip sakāmö kanihngen, löö in meh yin nö yih vē pumnāmö tarik löktökūö i nup manā-angkūö ngih tumlat ngaich ngö ṙô: Öt amīnu yik yöng ih höng minyôiny-aṅ, chehen töt kanôluṙô nö töt taneunglen.

Isayā 32:2

Ngaich min öp tarik nö sā chūök innyatlö tö kuföt, innyatlö inrē tö chanôchö panam; sā nup tahël mak i tönyôṙökūö chūökö, sā nyat öp tökiröng ihong ip tö cheingö panam.

Salmai 140:4

Ō Mā Tēv, lākö chu tö kël yip tötlöök: laklen chu tö tarik tö chökhuṙen: yip tamölngenre nö kuringngen chu.

Salmai 55:9

Ō Mā, piyāingö litāk cha: tön meuk tö chökhu chin tanānyö, inrāinyngö inrē el ngam panam.

Salmai 46:7

In hī an ngam Mā Tēv yip tömaṙô-ngö: ngam Tēv Yāköp an innyatlö hī.

T. LŪKÖS 1:71

Inyööken i yip tökunyahaṅelmat; ane inrē i yip taṙòkhöre tösumrīk tö hī;

Salmai 140:11

Ötköp ön ngòh tö chōchö ṙô nö ing panam: chöhö ön ngòh töchökhuṙen tö tarik tö ötlanöökö, nö hòṅ afukngen ò.

Salmai 140:1

Ō Mā Tēv, ṙānyen chu ṙā-ang i tötlöök tarik: laklen chu tö tarik tö chökhuṙen.

Salmai 86:14

Ō Tēv, choholre yin vē mahakeūlenre nö lā-al chu: vē ṙôngö vē tötainy inrē nö chöh ngih nômö chu.

Salmai 84:11

Pò ngam Mā Tēv nö tavūöi, lanaklö inrē, kētö inkôlò An min ngam Mā Tēv: öt ma-iṅh tī re An tö nup tölöök nö i yip lamök i tö chiplö.

Salmai 84:9

Yĕh meuk ngam lanaklö ih, Ō Mā Tēv: ngëichkökūö ngam tö hachāmö el kui tö meh.

Salmai 72:14

Kēnyö nômö cha An min ṙā-ang im inkihten, chanökhuṙen inrē: tölöök min nup mahām cha nö i kūö Ò.

Salmai 71:7

Pinngangkūö tömaṙôngö chin: Më-eṅ pöri töngëḵ innyatlö chu.

Salmai 61:3

Tön Më-eṅ Man misī inyatlö chu: töngëḵ Öm tananglö chu i yip tö kunyahaṅ elmat.

Salmai 46:1

Innyatlö hī an ngam Tēv, kumlēḵ inrē: tö röhta nö holṙen hē el kanihngen.

Salmai 28:7

Kumlēḵ chu an ngam Mā Tēv, lanaklö chu inrē; in chu ap ellōn chu nö nyatlö, hōluṙen chin inrē: lökten ngih ellōn chu nö pōilö ṙanāmölōn; ngaich ha-öi-nyan chū-ö min töp tinkö köre.

Salmai 27:5

Pòn ip sakāmö kanihngen anga-aṅ min nö hayunngen chu el öp rūkui ò: el öp inrūkui ò tönyatngö min a-nga-aṅ nö hayunngen chu; hachohlen chu min anga-aṅ nö i kui öp ihong.

Salmai 5:12

Pò meh min hakôlò tölöök: Ō Mā Tēv, havīlen ò man min tö kumchiklōn re nö sā lanaklö.

Salmai 3:3

Ō Mā Tēv, Më-eṅ man pöri lanaklö öm vinngö: ineū-euṅ chu, Mahachōhol kui chu inrē.

2 SAMUĔL 22:51

Kiröngö tī An nö ṙānyö ngam rācha ò: hameuktö hanāngenre inrē nö im töhachāmö kui tö ò, in Tāvit ip kūön ò inrē nöng örheūheu.

2 SAMUĔL 22:49

Kamënyen chu inrē ṙā-ang in yip lā-al chu: hôṅ, hachônglen chu man ngaich tulöng tö cha yip chamôhòlre nö lā-al chu: ṙānyen chu më-eṅ ṙā-ang in yip tötainy tarik.

1 SAMUĔL 2:1

Ngaich vë-ekūötēv Hëna nö ngö ṙô, Im Mā Tēv chin pōyen ṙānāmölōn, Im Mā Tēv ngam sinrōl chu nö ṙūölöngö: I yip lā-al chu ngam elvāng chu nö pōiti: Pò chu ṙamölōn im inyööken tī meh.

I. CHÖNGÖ 32:37

Ngaich ngö ṙô anga-aṅ min, Isuh nup tēv cha öp Ihong chūök inyönglen cha;

TAITÖS 3:6

Ngam vahōknyö Ò nö i kui hī nö pōyen tī, lökten ngam Mahayööken hī Yēsū Kristū;

TAITÖS 3:4

Hē ngam neūkölōn ngam Tēv Mahayööken hī pöri nö meūkö,

T. LŪKÖS 1:47

Im Tēv Mahayööken chu nö ṙāmölōn ngòh ma-alaha chu.

YERIMIĀ 16:9

Tön ngö ṙô an ngam Mā Tēv yip tömarôngö, ngam Tēv Israel. Yĕh meuk, vīten ṙô nīölö chin min ṙô ṙānāmölōn inrē, ṙô öp kikōnyö töhapīhö, ṙô öp kikānö tö hapīhö inrē, nö ṙāngenre i ngih chūökö i kūö yīö i sakāmö yīö inrē.

Isayā 45:21

Vë-eny e yin, kēnyö e: hôṅ, hökngen cha nö halēnöre: achīö ap mahameukten ngih nö ṙeū-eungrit tö misī? Achiāp tö ngaich nö vënyen e ik misī? Röh öich chū-ö öich Mā Tēv? Öt Tēvu nö hol chu; tölöök Tēv mahayööken inrē; öt hōlu chin.

Salmai 32:7

Më-eṅ man chūök chu hanyatlöre; laklen chu man min tö kanihngen: havīlen chu man min tö tinkökö ṙinānyi.

Salmai 142:4

Ngëichkö lā hāmö re chin, ngaich meuk; pòn öt tarīku tö akahakūö tö chu: öt innyatlu chū-ö; öt tarīku tö kūöngenre töng nômö chu.

I. CHÖNGÖ 32:4

Ngam Ihong, töteung ap la- en ò: Pòn ṙòkhöre nup talöökö ò nö inkaha fālen: Tēv kanô-en an öt aṅhāṅv-in inrē tö tötṙong, Tölöök an töchip inrē.

1 SAMUĔL 2:2

Öt hĕng töhet nö sā ngam Mā Tēv: Pò meh öt hōluvö Öt rēhĕn ihong tö sā ngam Tēv hī.

2 SAMUĔL 22:31

Töteung An ngam talöökö ngam Tēv: kalaha An nö ngaich ngam ṙô ngam Mā Tēv; lanaklö cha an yip mahayönlenre nö in ò.

2 SAMUĔL 22:47

Tö-aṅ An ngam Mā Tēv; tökôlò inrē ngam ihong chu; hapōilöng an yēḵ ngam Tēv ngam Ihong inyööken chu:

2 SAMUĔL 23:3

Ngö ṙô an ngam Tēv Israĕl, vë-ekūö chu an ngam Ihong Israĕl: ngam töchīpö tī nö hayöng tarik, ngam mahayöng i pinhë-eṅkūö tö ngam Tēv.

MANEUTNYI 15:2

Ngam Mā Tēv an kumlēḵ chu tinkökö inrē, vītöre An nö inyööken chu: Angā-aṅ An ngòh Tēv chu, ha-öinyö Ò chin min; Tēv ök muvöhngö chu, hapōilen Ò chin min.

Salmai 9:10

Hayönglenre min nö in meh yip tö-akahakūö tö minë-eny meh, Mā Tēv: pò meh öt ṙāngen cha yip chamöhö meh.

Salmai 46:2

Lökten in min öt pa-ekūö, pòrô ngih panam nö haṙī-ingre: pòrô në rôngö nö kēḵnyu nö ellōn ngam mai;