2 SAMUĔL 1:2 - TÖHET LĪPÖRE (Re-edited) Bible (BSI)

² Ngaich im linūöyö sakāmö, yĕh meuk, hĕng tak ök tarik yamih nö ṙā-ang elyöngö Sôl nöng chaṙësa inyut, aṅ el kui tö tumlat inrē, afukngöre ngaich nö salāman.

2 SAMUĔL 1:2 Referans Kwoze

1 SAMUĔL 4:12

Ngaich hēng tak ök umuh tarik aṅ Penyamin ṙāma-ang i yik kumyung, yamih nö i Sailō hē e nöng takācha inyut, tumlātu elkui inrē.

2 SAMUĔL 4:10

Hē ök töhĕng tak vame-eny nang chu nö ngö ṙô. Yĕh meuk, kapah ök Sôl, nö tö kumtö tölöök inhānga tölōnre, kē an ngaich chu-ö ngaich fëlngen ò i Siklek angū-ö ök reneushö ò tö tī chu nö ṙāi nuk tölöök inhānga kum ò.

1 SAMUĔL 25:23

Ngaich hē Apīkēl nö meūkö Tāvit, kurāten anga-aṅ ngaich, yôkti ngaich nö ṙā-ang i uk ök köttö re, afukngöre ngaich nö i kūö Tāvit, ngaich sōnngöre nö el tumlat.

YÔSUĀ 7:6

Tikachngö inyutre ngaich Yôsuā, ngaich fātngökūöre nö, afukngöre nö el tumlat nö i kūö ngam kasòng chöngö ngam Mā Tēv nö söl harap, anga-aṅ tö yik minṙöinylen Israĕl inrē, tūi el kui re inrē cha-a tö tumlat.

INMEUKHÖMAT 3:9

Yĕh meuk, tö yip töminyôṅny aṅ, vamë-eṅkūö sātān inrē, aṅ in cha inrē yip Yahūti tö ṙôre, lān rö-ö cha-a, höng minyôiny pöri; vīten cha chin min nö yih, nö afukngöre nö iröön meh, hôṅ cha inrē nö akahakūö tö hāngenlōn tö meh.

T. MËTIV 16:21

Hēten e Ang Yēsu nö hameukhömat yik mahaköp, tö Ò nö hòṅ chuh Yērūsalem, ngaich pōiyen kanihngnen nö i yik mā, fëliyö, ngaich choholre im linūöi sumkam.

T. MËTIV 12:40

Pòn sā Yôna misī nö lūöi sumkam, lūöi mitööm inrē nö ellōn ök tökiröng kāḵ; ngatī min ngòh Kūön Tarik nö lūöi sumkam lūöi mitööm inrē, nö lataṙeū tö tumlat.

YŌ-ĔL 2:13

Tikaichngö ellōn re yin, rö-ö nö minë inyut yīö, ngaich havantöre im Mā Tēv ngam Tēv yīö; tön tö-aheūkölōn an, tööḵlö inrē tö miṙēlōn, töt veūtö lanīnö, töpōyen miṙēlōn, mahavanrit lōn re inrē tö öp töchōich.

HŌSĪ 6:2

Unôichrit tönët sumkam an min nö ha-aṅha hī: im linūöi sumkam min anga-aṅ hachohlen hī, ngaich aṅ min ayī-ö i kūö ò.

Salmai 66:3

Ngö ṙô töm Tēv, pinhe-eṅkūö nun minë vahīṙen Meh: i ṙôken ngam minhôiṅyö Meh, yip tökunyahaṅ elmat min tö Meh nö hang chöngö Meh.

ESTÖR 5:1

Im linūöyö sakāmö ang Estör nö hayutlöre tö inyutre nö rāni sökhakṙen ngaich nö el ök latuhēt elmilūkö el patī ök rācha kamlö nö ik tupōiti urôhò ök rācha. Ūichhak ök rācha nö el ök kantēra re nö rācha lā tuhēt nö el ök patī rācha kamlö nö ip lökhöt ip patī rācha;

ESTÖR 4:16

Kuṙòh, hamūl yip Yahūti nö ṙòkhöre tökôti nö i Susā, nö ahik töpòkūö chu, lūöi sumkam nö ötrēhĕn nö nyā òk inrē, hatööm hēk sakāmö. Ngaich chū-ö min inrē tö vē mameukṙen chu kikānö öi ahik sā yīö. Ngaich chū-ö min chuh ip rācha, pòrô angū-ö nö öt sā öp chöngö; ngaich yē chu kapah, ngaich kapah chū-ö.

2 SAMUĔL 15:32

Ngaich angū-ö, hē Tāvit nö söllö nö ngaich nö i kui ök paneūlö, nö i chūök vamë-eṅ-kūötēv rung, yĕh meuk yihtöre ang Husāi ök aṅ Arkāt nö höngkūö ò nöng takācha inyut, tumlātu el kui inrē:

2 SAMUĔL 14:4

Ngaich hē ök kikānö aṅ Tēkoā nö vë-ekūö ök rācha, afukngöre anga-aṅ ngaich nö el tumlat nö fāthakkūö, nö salām, nö ngö ṙô, Ō rācha, holṙen chu.

1 SAMUĔL 20:41

Ngaich höng feus hë ngam ṙāl tarik choholre ngaich Tāvit nö ṙā-ang ik chūökre lā lòhngö, fātngökūöre ngaich nö el tumlat, lūöi heuh inrē nö sōnngöre: kö hāmkūö höö cha-a ngaich kö peunyhökūö höö inrē, hanöng saha Tāvit nö cheingö.

1 SAMUĔL 4:16

Ngaich ngö ṙô ök tarik tö Ēli, ṙama-ang i yip kumyung chin chū-ö, ngaich öich falngöre ṙā-ang i yip kumyung. Ngaich ngö ṙô anga-aṅ, Kakūönö, sitih ap lāinyngen?

Ranehlö 43:28

Ngaich ngöṙô chā-a, Lööken öp yöng ih, öp kūön alaha öp yöng ih, öp kūön alaha meh, ṙòngmö aṅ ap. Sōnngö kui re chā-a ngaich, ngaich salām.

Ranehlö 37:34

Tikaichngö inyutre ngaich ang Yāköp, ngaich fūmlöṙatre tö sāk, ngaich ṙōl sumkam nö sanòkngö ök kikōnyö kūönre.

Ranehlö 37:29

Havantöre ngaich Rūpön nö ik tö-ūlö, ngaich, yĕh meuk, öt ël ök tö-ūlö ang Yôsĕf; tikaichngö inyutre ngaich angā-aṅ.

Ranehlö 22:4

Im linūöi sumkam ang Aprahām nö môklökūöre, ngaich meuk ngam chūökö nö marôvat.

2 SAMUĔL 1:3

Ngö ṙô ngaich Tāvit tö ò, Ṙamā-ang yih ömeh? Ngö ṙô ngaich anga-aṅ tö ò, Ṙā-ang elyöngö Israĕl chin öich töt kô-òngvah.

ISIKĪ-ĔL 27:30

Pōitô nö haramngövah meh, Kihīökkūö nö peuiny inrē. Tūi kui re cha-a tö tumlat Pilönöre inrē nö el tisum;

2 SAMUĔL 13:19

Tūilö tisum ngaich Tēmar nö elkuire, tikāichngö ök töṙōlkangen mirun mat inyutre inrē ök in ò; ngaich rup kui re anga-aṅ tö eltī re, kiröönngöre ngaich, nö pōitô nöng paneuinyngöre nö kiröönngöre.

2 SAMUĔL 24:20

Ngëicha ngaich Araunah, ngaich meuk ök rācha nö yih nö kū-ötö in ò, tö yik tarik ò: kunyī-inyre ngaich Araunah sōntökūöre ngaich nö el tumlat nö i kūö ök rācha.