2 SAMUĔL 1:1 - TÖHET LĪPÖRE (Re-edited) Bible (BSI)

¹ Ngaich unôichrit kinpaha Sôl, hē Tāvit nö havan tö ṙineū-eung finëlö yik aṅ Amelek, nët sumkam ngaich Tāvit nö iyöng Siklek;

2 SAMUĔL 1:1 Referans Kwoze

1 SAMUĔL 27:6

Kētu ngaich Siklek nö in ò tö Akis ik sakāmö angū-ö: lökten an Siklek nö haköpö tö yik rācha aṅ Yūtā söl ing töngamuh.

1 SAMUĔL 31:6

Lökten Sôl nö ngaich nö kapah, tö yik kikōnyö kūön ò lūöi tak, tök kameunkö lanaklö ò inrē, ṙòkhöre inrē yik tarik ò ik sakāmö angū-ö.

Ranehlö 14:7

Havantöre chā-a ngaich, ngaich yih nö i Enmispat (angū-ö ön Kātes), ngaich keuheūtngörevahti tö panam aṅ Amelek Amôr inrē, yik mi-iyöng Hasasantēmār.

1 SAMUĔL 30:1

Ngaich, hē Tāvit tö yik tarik ò inrē nö yih nö i Siklek, im linūöi sumkam yik aṅ Amelek nö kilöön yik aṅ lā lòhngö, i Siklek inrē, ngaich kiyūngö Siklek, föngtökūö e inrē tö tameūyö;

1 SAMUĔL 31:4

Ngaich ngö ṙô ang Sôl tök kameunkö ök lanaklö ò, Hōknyö ngam fëlre man, tufunngen chu tökūö ò; hòṅ vē töttunyīnyi nö öt yih nö tufunngen chu inrē, ngaich öt lēken chu inrē. Sō pöri ök kameunkö ök lanaklö ò; pòn pōyen pinhe-eṅkūö anga-aṅ, Lökten Sôl nö kē ök fëlre, ngaich asīöchöre tö ò.