1 TIMÒTĪ 4:3 - TÖHET LĪPÖRE (Re-edited) Bible (BSI)

³ Tahngö pinihö, hōtu ṙā-ang kūöre tö alaha, minë vahīlö ngam Tēv nö tö ha-öinytu kinë-eṅ tö cha yip ṙamātö ellōnre tö akahakūö inrē töm kanô-en.

1 TIMÒTĪ 4:3 Referans Kwoze

1 TIMÒTĪ 4:4

Pòn ṙòkhöre nö vahīlö ngam Tēv, nö tölöök, öt hĕng tökô nö sōḵov: yē-e nö kē-ĕ nö holtö nöinyö:

HEPRĀI 13:4

Hökngen ngam pinīhö, i taṙòkhöre, nö hanāngen, un hachōichi ngam chamam; pò vē chamô-òkānö, ma-asĕhha inrē min nö kahòkkaṙen töm Tēv.

RŌMA 14:6

Ngòh mahaköpkö ngam sakāmö, haköpkö e nö im Mā: ngòh nyamā, im Mā nö nyā, pòn ha-öiny ngam Tēv anga-aṅ; ngaich anga-aṅ ngam töt nyamā, öt nyā nö im Mā, ngaich nöng ha-öiny ngam Tēv.

KÒLÒSĪ 2:16

Uh yin lökten akaha tö tarik, i nyinā-aṅ, inôkö, hēk i tökiröng sakāmö, hēk salnūvö chingëṅt, hēk sinat sumkam:

1 KÒRIN 8:8

Öt kēten hī pöri min ngam nyinā-aṅ nö im Tēv: ötrēhĕn öi ṙūöhngen re yĕi öt nyā; ötrēhĕn öi ĕhten yĕi nyā.

Ranehlö 9:3

Keuheūtlöre mahalöinyköre chehen nup tö-aṅ nö nyā-aṅkūö yīö min; sā minë tö-uhāv kun chōn nö kēktu tö Chu nö ṙòkhöre nö in yīö.

KÒLÒSĪ 3:17

Ngaich yē nup töng vahīṙen yīö, i ṙô, i la-en inrē, vīken u nö ṙòkhöre nö i minë-eny ngam Mā Yēsū, ha-öiny ngam Tēv Yöng lökten in Ò.

1 KÒRIN 7:28

Yē meh pöri hapihö, öt köölö fālen me-eṅ; yē ngòh töt chô-òv rēlö nö hapihö, öt köölö fālen anga-aṅ. Kihngen pöri min vē töngati nö im alaha: hòṅ ṙalen yīö chin.

RŌMA 14:3

Un hayëḵeiṙen an yēḵ ngam töt nyamā, tö ngam nyamā: Um uyëka kūö ngam nyamā, tö ngam töt nyamā: tön hōḵen ò an ngam Tēv.

HEPRĀI 13:9

Uh yin hëmngö tökūö nup töṙōlkangen inköphöti: tön tölöök an yē ngam ellōn nö haköpi tö ngam inlōnti: röön lökten i nya-aṅkūö, ngam töt kanôluṙô tī tö cha yip lamök in e.

1 TIMÒTĪ 2:4

Ngam hamôtö taṙòkhöre nö hayöökaṙen, yih inrē nö im inkaha kanô-en.

1 KÒRIN 6:13

Nya-aṅkūö, kūö ngam aich, ngaich ngam aich kūö ngam nya-aṅkūö; ngam Tēv pöri min kamëtö ranö-ö e nyöre tö u. Rö-ö pöri ngam alaha nö kūö ngam chinô-òṅ kānö, tön kūö ngam Mā Tēv; ngaich ngam Tēv kūö ngam alaha.

RŌMA 14:17

Tön rö-ö an ngam pūlngö ngam Tēv nö nyina-aṅvkūö, inôkö inrē, tön lanöökö, lanāmö, ṙanāmölōn inrē, im Töhet Fanöinylö.

T. MËTIV 15:36

Kētam Anga-aṅ tö nuk tö sat ròtī, nuk kāḵ inrē; ngaich ha-öiny ngam Tēv; fòkngö u ngaich, ngaich kētö u nö yik mahaköp; ngaich yik mahaköp nö i yik tömaṙôngö tī.

Mumkahten 5:18

Yĕh meuk, nuk maheuṅk chu lang tölöök tökô inrē nö nyā-aṅkūö tö ôkö inrē kôtökūö inrē tö kumchikṙen re i la-en nup la-en ngòh töhĕng tak elkatòh ngam tavūöi i nuk töt ṙōl sumkam sakāmö nômö ò, kahëtö ngam Tēv nö in ò, pòn angū-ö lumnööṙö ò.

T. MËTIV 14:19

Ngaich Anga-aṅ nö tölṙô yik tömṙôngö nö ūichngöre nö i kui nuk kiyôp. Kēḵtam Anga-aṅ tö minë tö taneui ròtī, nö nët nòng kāḵ inrē; ngaich môklökūöre nö el halīöngö; ngaich ha-öiny ngam Tēv; tikāichö u ngaich; ngaich kētö u, nö i yik mahaköp; ngaich yik mahaköp, nö i yik tömaṙôngö tī.

INLAHEN 27:35

Keuheūthëṙô anga-aṅ tö e; ngaich kēḵ ròti, ngaich ha-öiny ngam Tēv nö i kūö cha nö ṙòkhöre; fôkö e ngaich, ngaich kētöre nö nyā.

T. YÔHAN 6:23

(Yih pöri nuk kupòk nö ṙā-ang Tipĕriös röhta nö ik chūök cha nö nyā ròtī, unôichrit ngam Mā nö ha-öiny ngam Tēv.)

T. LŪKÖS 24:30

Ngaich hē Ò nö ūichngöre nö holkūö cha, nö nyā; kētam Anga-aṅ tö ròtī, ngaich hakôlò e, fòkhang ngaich nö kē-ĕkūö cha.

TANĪ-ĔL 11:37

Hö-ö öp min nö chumkūöṙen tö yip tēv yip yöng re, hēk inrē nö ip töhĕng tak hanāngen kikānö; öt hĕng tak chumkūöṙen min anga-aṅ tö tahëng tēv, pò ò min nö kumrönglöre nö i kui taṙòkhöre.

1 SAMUĔL 9:13

Yē nā höng teunghë elpanam iṙūö chöhan panchö min, urēhĕkūö ò nö chuh ip tömarô-òl chūök chūökö nö nyā: pò yip tarik min nö öl nö nyā yĕn öl anga-aṅ nö yih, pò ò nö hakôlò ap tökētu; ngaich unôich cha-a nö nyā yip töhavëtu. Lökten nan ngaich kuṙòh; tön ngih ön ṙētak nā kôtökūö tö ò.

T. MËTIV 15:11

Rö-ö nup lamökhöt elvāng nö chōchö tī tö tarik; tön nup lamöknyö elvāng töchōchö tī tö tarik.

1 TIMÒTĪ 5:14

Lökten chin hōtö tö-ayal tafīösi kikānö nö, hapihö, hakūöntö nyīö, hayöng patī, un kētu löknyö ngam tökunyahaṅ elmat nö sumrōngngökūö;