1 TIMÒTĪ 4:2 - TÖHET LĪPÖRE (Re-edited) Bible (BSI)

² Kūö innyatkö elmat tö tarik yip tö minyôinyaṅ, sā tö aṅtī tö töṙāich vët nö katānhöti nö el kuilōn cha;

1 TIMÒTĪ 4:2 Referans Kwoze

EFISÖS 4:19

Yip töngaich nö öt sinrōngukūö, kēḵngöre nö im ötmiṙē-ĕv, nö la-evṙen tö nup taṙòkhöre töchōich, holtö yinikhanga.

RŌMA 16:18

Pò cha, cha-a töngatī, nö öt lök la-en ngam Mā hī Kristū, tön höng nup aich cha; ngaich lökten i nup töfaṙëcha, tövai inrē ṙô cha, nö hachīl ellōn töt akaha.

INLAHEN 20:30

Hĕnghöre löklö in yīö yip min tarik, tö ṙôtö tötlöök, nö hòṅ hachōḵngen yip mahaköp nö asīnken cha.

INMEUKHÖMAT 16:14

Pò cha nö ma-alaha tötlöök sī-ö, vīkö minkahngö; nup chamuh i yip rācha në panam nö ṙòkhöre, nö hamūlö cha nö kiyung, ip tökiröng sakāmö ngam Tēv, Tökeuheūttöre Chöngö.

2 TIMÒTĪ 3:5

Ṙapkö töng insā lanöökö, ngaich harööḵngen ngam minhôiṅyö aṅ in e: havööngökūöre man inrē i töngatī.

RŌMA 1:28

Sōḵo ngam Tēv cha-a nö i mikahre, ngaich kēḵngen cha ngam Tēv nö im ötkanôlò ellōn, nö la-evṙen tö nup tö ötlöök:

T. MËTIV 24:24

Tön maṙôngö yip min töminyôiny Kristū, töminyôiny pròfĕt inrē; pōyen hameukti yip min tö minkahngö, pinngangkūö inrē, pòn hòṅ halō-ongkūö yip tökatöllöng tö ngam Tēv, yĕn kô.

T. MËTIV 7:15

“Ṙēmen tö yip tötkô-en pròfĕt, yip yamihtöre nö in yīö nö inyuttö uk pököre; ellōn cha pöri nup tötainy aṅ el-inchōn am.

EFISÖS 4:14

Hòṅ hī öt sā nyīö, öi hëmngö, heuingö inrē, i inköphöti inchīlö tö tarik, i huneū-en inchōḵngö im tö vaich.

YERIMIĀ 23:32

Yĕh meuk, lā-al cha chin yip vamë-eny töminyôiny-aṅ heūvö, ṙô ngam Mā Tēv, yip vamë-eny nang cha inrē mahachōngö yip tarik chu inrē nö lō-ongkūö tökūö minyôiny-aṅ cha ane inrē kūö öt pinhë-eṅkūö cha tö pinlāngen, hē chu rö-ö tīnten cha hēk tölṙô cha; lökngen cha nö öt kanôluṙô tī tö vē tarik, ṙô ngam Mā Tēv.

1 RĀCHA 22:22

Ngaich ngö ṙô ngam Mā Tēv tö ò, Öm aṅtī tö yòh? Ngaich ngö ṙô anga-aṅ, Kiröönngöre chin min, öich ma-alaha töminyôiny-an elvāng yip pròfĕt ò nö ṙòkhöre. Ngaich ngö ṙô anga-aṅ, Më-eṅ man ngaich mahaṙöingen ò min, ngaich mihôiṅ min inrē; Kuṙòh ngaich man, ngaich ngatī tī.

1 RĀCHA 13:18

Ngaich ngö ṙô anga-aṅ tö ò, Pròfĕt chin chū-ö inrē tösā meh; ngaich hĕng tak ök ma-ahānga vamë-eṅkūö chu nö i ṙô ngam Mā Tēv, nö ngö ṙô, Kumten ò man hēk hol meh nö i patī meh: hòṅ ò nö nyā-aṅvkūö òk mak inrē. Minyôinyaṅ pöri anga-aṅ nö in ò.

YERIMIĀ 23:14

In yip pròfĕt pöri i Yērusalem öich meuk pinhë-eṅkūö: asĕha yip lök i minyôny-aṅ inrē; hangëḵlö kël yip tötlöökö la-en cha-a, lökten nö öthĕng tak mahavööngökūöre töngam öt lanöökö ò; ṙòkhöre yip nö vītöre nö sā Sôtöm nö in chu, yip aṅ e inrē sā Kômòra.

YERIMIĀ 5:21

Hang ngih yin, Ō yī-ö tökulō-ovö töt akaha tarik inrē, yī-ö tö mātu, öt meuk pöri, yī-ö tönāngu öt hang pöri.

Isayā 9:15

Anga-aṅ an kui yip mā misī mā tarik inrē; tö yip pròfĕt inrē mahaköp tö minyôiny-aṅ, anga-aṅ an lamrit.

YERIMIĀ 23:26

I rô-òten ap min minyôiny-aṅ nö ellōn yip pròfĕt yip vamë-eny minyôiny, yip vamë-eny inchīlö aṅ ellōn re inrē,