1 TIMÒTĪ 3:3 - TÖHET LĪPÖRE (Re-edited) Bible (BSI)

³ Öt lamā-alkūö, öt töchökhuti, öt kësen, töṙēm pöri, öt lā-alkūö, öt töhāngen tö rupīö,

1 TIMÒTĪ 3:3 Referans Kwoze

TAITÖS 1:7

Pòn ngòh Pisköp nö töt hòṅ yô-òv fālen, sā yōm nup aṅ im Tēv: öt hakeū chöngöre, öt ka-eūyö lanīnö, öt lamā-alkūö, öt töyal tö töt kôlò taneūngen;

TAITÖS 3:2

Un ötlöökuṙô tö tarik, un lā-alkūö, ṙēm, hameuktö yanāichö i tarik nö ṙòkhöre.

EFISÖS 5:18

Ui hiyōi tökūö vāin, ngam löknyö ötlanöökö. Tööḵlö pöri tö ngam Töhet Fanöinylö.

1 TIMÒTĪ 3:8

Ngatī inrē vē Tīkön, öt tayāchaṙen, öt tö nëtö litāk, öt kēngöre nö im, tö pōyen vāin, öt yal i tötlöök taneūngen.

YĀKÖP 4:1

Ṙeū-eungyih ön në kinyūngö, ṙeū-eungyih inrē në kinlöönö, nö in yīö? Röh ön nö lökten i ngih ihih, ngam kunchikngenre tö yīö, ngam kumyung nö i minë tūmö alaha yīö?

Isayā 28:7

Ngaich pöri vē inrē nö kūö vāin nö lō-ongkūö, kūö tökalēḵ inrē ka-eūt nö chatngen; lō-ongkūö yip kūönṙô tö yip pròfĕt inrē tökūö tökalēḵ ka-eut, ngaich yip nö ngeūṅktu tö ka-eūt, lō-ongkūö yik nö ngaich tö kūö tökalēk kā-eūt; vāchö mat yip tö maheuṅk re, kavē-ĕre yip nö i inkaha fālen.

1 PĪTÖR 5:2

Haṙūötken minë pököre ngam Tēv, minë in yīö: harūnöre meukkö u, öt hanlīpö, kanahang lōn pöri, sā ngam Tēv pöri, un rēhĕn nö kūö taneūngen tö yô-òv, töhōḵ pöri nö lōn:

HEPRĀI 13:5

Ui aṅhaṅv-in tö hanāngen tö rupīö, ngāichö ṙôngònglōn tö nup in yīö inlānen: pòn ngö ṙô Anga-aṅ, Öthōḵ Chin löhlö tö meh ötrēhĕn Chin min löktu ṙāngen meh.

TAITÖS 2:3

Hòṅ yip tököiny kikānö nö ngatī nö milēḵṙen i inlahare, öt vë-engnang, öt lōmngö nö i tö yah ka-eūt, mahaköptö ngam tölöök;

LA-EN LĒVĪ 10:9

Un òk vāin un rēhĕn nup tökētu töôkö, më-eṅ, un rēhĕn yip kikōnyö kūön meh in meh, yē yīö kuhēthötre el rūkui manūlö hòṅ yīö öt kapah; chöngö an angū-ö nö tö-öreūheu i tumkölchap yīö.

INMEUKHÖMAT 1:9

Ip kun panam, chu-ö Yôhan, tö Petmòs invëka, mëm kahëm yīö, ane inrē hamòlkūö yīö i kanihngen, ane inrē im pūlngö, manöiyö inrē aṅ in Yēsū, ngam ṙô ngam Tēv, ane inrē inmeuktö Yēsū.

NGAM LĪPÖRE KAHŪICH YŪT 1:11

Töt kôlò yin cha-a! pò cha ngaich nö lök el talöökö Kēn, ngaich inrē nö ahôhangen nö fal im vanāichö Pēlam pòn hòṅ haṙāyö, ngaich ötkôlò i inhôngôre tö Kōrah.

2 PĪTÖR 2:3

Im yinikhanga min cha-a nö holtö inchīl ṙô ngaich vīten yīö tö-inyihka: yip tö inchöku ha-eheten misī nö öt sökngöre, öt haṙòhlö öp pinyāingö cha.

TAITÖS 1:11

Yip tö hòṅ tilūpi elvāng, yip tarik tö keuheūtngöre tī nö tiṙōlngö tö hĕng mumtī-i, haköphöti tö nup sinôtöre, chööḵnyö tö nup tötkôlò taneūngen.

1 TÖSALÒNIKĒ 5:14

Kahōlö, halēnö yīö in inrē, vëkö yip tötlēn yin, ṙuhöl alaha töt kalēḵen ellōn, holṙen yip töt kalēḵen, möi i taṙòkhöre.

RŌMA 16:18

Pò cha, cha-a töngatī, nö öt lök la-en ngam Mā hī Kristū, tön höng nup aich cha; ngaich lökten i nup töfaṙëcha, tövai inrē ṙô cha, nö hachīl ellōn töt akaha.

INLAHEN 20:33

Öt yikngö rupīö holre chin, humlum, hilā inrē.

T. MËTIV 21:13

Ngaich ngö ṙô Anga-aṅ tö cha, Ngö kinūichngö an, Patī vine-eṅkūötēv invëka, an min ngam patī Chu; ngaich pöri yī-ö vītö e nö chūök mu-ulāiyö.

MALAKI 1:10

Mah hĕng tak öp öre in yīö lamöptökūö minë inkūp, hòṅ yīö öt tōttökūö tameūyö öi höng tötöl el ngam tahāklö chu! Hö-ö chin kuchīkölōn in yīö, ṙô ngam Mā Tēv yip tömaṙôngö, öt rēhĕn chin min hō-o tökētu ṙā-ang eltī yīö.

MAIKA 3:11

Yip yöngṙen umuh reushu nö akaha fālen, yip kūönṙô inrē umuh haṙāi inköphöti, yip pròfĕt inrē umuh akah ngam Tēv nö ṙāitö rupīö; sönen cha-a nö hòṅ harônlöre nö im Mā Tēv, nö ngö ṙô, Röh ang ngam Mā Tēv nö el ṙôngö hī? Öt tötlööku min yamih nö in hī.

MAIKA 3:5

Ngö ṙô an ngam Mā Tēv tö inlahen yip pròfĕt yip mahalōtökūö yip tarik cha; yip tö holkūötö kanap re nö kap ngaich hū-a inrē nö ngö ṙô, Lanāmö; ane inrē öp töt nyamöphöt elvāngre, ngaich halēnöre cha-a nö kiyung nö lā-al ò:

MAIKA 2:11

Yē öp tarik nö lök el kuföt i minyôiy-aṅ, nö ngö ṙô, Ahangkö öp vāin chin min in meh tökalēḵ ka-eūt inrē; ngaich nöng sönen anga-aṅ min nö pròfĕt vē tarik.

ISIKĪ-ĔL 44:21

Öt hĕng tak kūönṙô min amòk tökalēḵ vāin, hē ò nö kuhēthötre nö el ngam lātuhēt elmilūkö.

YERIMIĀ 8:10

Lökten chin min kētö yip pīhö cha nö i tahëng nup taṙeūḵ cha inrē in yip tö-mihôiṅ, pòn löktökūö tökūöṅnö söl i tökiröng öp yanālö tömichūṙen taneūngen; löktökūö pròfĕt söl i kūönṙô ṙòkhöre nö kēken michūṙen.

YERIMIĀ 6:13

Löktökūö tökūönö söl i yip tökiröng kūö cha, ṙòkhöre yin nö töyal tö michūṙen taneūngen; löktökūö, pròfĕt inrē söl I kūönṙô, ṙòkhöre yin nö michūṙen nö i la-en re.

Isayā 28:1

Tötkôlò an ngam sapīöv inkeūlen mihiyōi-aṅ aṅ Ifrēm, tö ngam tö-umāingöre pūl ngam vanāyö ò, ngam mi-ikui ngam tökôlò achāṙö cha yip tötkôtökūö vāin!

Mumkahten 7:8

Ĕhten ön ngam manā-aṅ i chehen tö ngam ranehlö e; ĕhten inrē ngam tömöi ellōn tö ngam ellōn mahakeūlenre.

INCHŌḴ-OṘÔ 15:27

Ngòh töyal tö tötlöök taneūngen, vī kanihngen nö i patī re, aṅ pöri min ngòh tö sōḵ tö ṙāi minyôiny-aṅ.

INCHŌḴ-OṘÔ 1:19

Ngatī talöökö yin nö ṙòkhöre vē töteūngen tö kanôlò re lökten i chanökhuṙen; kēngö nômö ngam yōm re an.

1 SAMUĔL 8:3

Öt lök el talöökö ò pöri nak kūön ò, kānngöre pöri nö i tökôlòtī taneūngen, ngaich kētö tö-ulāitu ṙāire, hachōichngö ngam inkaha fālen inrē.

2 TIMÒTĪ 3:2

Pò tarik min nöng töhāngen töre, töhāngen tö rupīö, ameū-eure, mahakeūṙöre, töchökhuṙô, maha-ôngen yöngre, töt maha-öiny kinë-eṅkūöre, töt het,