1 TIMÒTĪ 3:1 - TÖHET LĪPÖRE (Re-edited) Bible (BSI)

¹ Tökô-en ön ngih nö ṙô, yĕn tarīku tö hòṅ chöh la-en Pisköp; tö lōntö tölöök la-en an anga-aṅ.

1 TIMÒTĪ 3:1 Referans Kwoze

TAITÖS 1:7

Pòn ngòh Pisköp nö töt hòṅ yô-òv fālen, sā yōm nup aṅ im Tēv: öt hakeū chöngöre, öt ka-eūyö lanīnö, öt lamā-alkūö, öt töyal tö töt kôlò taneūngen;

INLAHEN 20:28

Aṅtöre yin; aṅtö minë pököre inrē, minë hayöng yīö, i tī ngam Töhet Fanöinylö, nö vīlen yīö mameukken, hòṅ yīö ha-aṅlö ngam Māṅ ngam Tēv, ngam havah Ò nö ṙāi tö mahāmre.

1 PĪTÖR 5:2

Haṙūötken minë pököre ngam Tēv, minë in yīö: harūnöre meukkö u, öt hanlīpö, kanahang lōn pöri, sā ngam Tēv pöri, un rēhĕn nö kūö taneūngen tö yô-òv, töhōḵ pöri nö lōn:

1 TIMÒTĪ 1:15

Tökô-en ön ngih nö ṙô, töt ṙanāngen kinë-eṅ tö taṙòkhöre tarik, tö Kristū Yēsū nö yih nö ing panam nö mahayööken tökööl tarik; öich chū-ö yöngkūö:

1 PĪTÖR 2:25

Pò yīö, sā pököre, tö lō-ongkūö: havantöre pöri töngamuh im Yōm, ngam mameukkö nômö yīö.

HEPRĀI 12:15

Milēt mat hòn öt tarīku tö hāṅten tö ngam inlōnti aṅ im Tev, hòn öt sīöplö nup ṙĕh kumnyahṙen nö hakihten yīö, ngaich pōihangen tī tö töchōich;

2 TIMÒTĪ 2:11

Tökô-en an nö ṙô; Pò hī, yē hī kapah anòngngen Ò, hol Ò ayī-ö min inrē aṅ:

1 TIMÒTĪ 4:9

Tökô-en an ngam ṙô, tölöngen hinô-òṅ nö ṙòkhöre.

FILIPĪ 1:1

Pôl Timòtī inrē, töhakövö in Kristū Yēsū, yip taṙòkhöre i Filipī, töhet in Kristū Yēsū, holtö yip Pisköp, Tīkön inrē:

T. LŪKÖS 15:10

Ngö ṙô chin tö yīö ngati ap ṙanāmölōn i kūö yip ma-ahānga ngam Tēv, i ngòh tö hĕng tak tököölö fālen mahavöötö-ellōnre.

TAITÖS 3:8

Tökô-en an nö ṙô. Ngaich hōten meh chu-ö in u öm kalēḵĕṙô vë-eny u nö kô-en, öm ṙātö ellōnre, hòṅ cha yip ṙāmātö ellōnre nö im Tēv, nö ṙēmen nö kēkö kaha tölöök vahīṙen. Anū-ö nun në tölöök, tökôlò tī tö tarik:

EFISÖS 4:12

Nö inteungten yip töhet, nö im la-en mineukṙen; nö minānlö ngam alaha Kristū inrē.

INLAHEN 1:20

Pòn ngö kinūichngö nö i mat öp līpöre Salmai, Hökngen ngam elyöngö ò nö ötkôlò, ane inrē un tarīku mī-iyöng in e; hēk ngö öp inrē, Hökngen ngam inyōmö in ò nö kē-ĕ tö tahëng.

1 PĪTÖR 4:15

Un hĕng tak tö yīö tö sā kanihngen famël tarik, hēk, mū-ulāiya, hēk, tötlöökö la-en, hēk sā yip töng kamëtöre nö i la-en tahëng taka:

1 TÖSALÒNIKĒ 5:14

Kahōlö, halēnö yīö in inrē, vëkö yip tötlēn yin, ṙuhöl alaha töt kalēḵen ellōn, holṙen yip töt kalēḵen, möi i taṙòkhöre.

RŌMA 11:13

Vë-ekūö yīö chin, yī-ö Tahëng Mihëṅṙö, eū ngam la-enre chin, kūö chu chu-ö öich tanīnöṙô vē Tahëng Mihëṅṙö.

INCHŌḴ-OṘÔ 11:30

Chōn an ngam ṙòng ngòh tölöök, kēngö nômö pöri ngam töt aṅhav-in tö chöngö.